على شاطيء الراحة جذبني قصيد ( هلال)

**معلومات** **العضو** · 31-01-2008, 01:30 PM

السلام عليكم ورحمة الله وبركاته :

في حلقة شاعر المليون الأخيرة ـ مع تحفظاتي الكثيرة
على هذا البرنامج ــ
شاهدت قصيدة رائعة للشاعر هلال المطيري
فأعجبتني وجاريتها بهذه الأبيات :

.
.

على شاطيء الراحة جذبني قصيد ( هلال )=قصيدٍ يغيث الروح من عقب طول محول
يصوّر معاناة الشعوب وشقا الأجيال=فداه القصيد اللي تزلف وقرع طبول
أقول أشهد أنّ (هلال) رجلٍ ونسل رجال=ومع نخبة الشعار فحلٍ ونسل فحول
نشيدة غلا الأسعار ياملحّن الموال=بنبطي نغنيها وليل العنا بيطول
سواءٍ جشع تجار وألا غسيل أموال=شربنا من العلقم وسرنا إلى المجهول
كثيف السحاب اللي تزبّر على الأقذال=تعدّى الديار الممحلة ماسقى الغرمول
أشوفه على ( لبنان ) يسبل عليها إسبال=وأشوفه على جبال ( اليمن ) ينثر الهملول
ياصدري تضايق ماتضايق .. بدون اجدال=تصبّر ولاتغضب إلهك ولا المسؤول
في أعناقنا بيعة وبين العيون أغلال=وصمت المقابر مالقينا سواه احلول
أقوله وأنا من جود ربي علي سربال=ولا أشكي من المشرب ولا أشكي من المأكول
لكنّ العيون تشوف مالا خطر في بال=يخلي الحكيم المتزن ينبهت مذهول
أناسٍ على عرش الترف صرفها شلال=وناسٍ على بساط الفقر ساقها مشلول
ثقيلات الأحمال أرهقت كاهل الرجال=وحتى الطفل من ضيقة البال غنّى .. يقول :
(سئمنا تكاليف الحياة ) وبعدنا أطفال=هجل كيف لو عشنا ثمانين حول وحول ؟!!
مادام ارتفاع النفط سبّب لنا غربال=عسى ( كوندليزا رايس ) تخفّض البترول

.
.

**معلومات** **العضو** · 31-01-2008, 01:36 PM


	بن فهد صح ألسانك وجعل يمينك سالمه على ماسطرت لنا من أبداعك الطيب تقبل جزيل شكري والتقدير

**معلومات** **العضو** · 31-01-2008, 08:31 PM

الشاعر الكبير ابوفهد

صح الله لسانك واعتلا شانك على القصيدة الجزله والتي تصف لنا الحال في هذا الوقت ، وصح الله لسان هلال المطيري على طرحه ذلك في قصيدته الأخيره .

وشهادتنا مجروحه فيك يابوفهد ولكن نقولك لك " دائما متشوقين لقصيدكم ولطلتكم البهية فلا تحرمنا منهما"

تقبل تحياتي،،

**معلومات** **العضو** · 31-01-2008, 08:38 PM

ارتفـاع النفـط سبّـب لنـا غربـال=عسى ( كوندليزا رايس ) تخفّض البتـرول

الله الله

ابو فهـــد الشكرة

(( متنبي الدواسر ))

لك قصائد اكثر من رائعه

تطلى بماء الذهب ولاهنت على هذه المجاراه

وما قول الا الله يجازي هلال المطيري بالخير

لانه كان سبب هذه الابيات

أخوك / ابو زيــد الغيـيــثي

**معلومات** **العضو** · 31-01-2008, 10:36 PM

الشاعر الكبير فراج بن فهد الشكره

اررررررررررررررررررررررحب ثم اررررررررررررررررررررررررحب

صح الله لسانك مليون × مليون ولايكفون

قصيدة تضرس في كل قلب سعودي مقلوب على امره

وعسى الله يزينها

**معلومات** **العضو** · 01-02-2008, 12:53 AM

أقف إحتراماً لهذه القصيدة وشاعرها

(( إذا الشعر لم يهززك حين سماعه=فليس حري أن يقال له شعر))

لاجديد فالإبداع و( برق الشعر ) أو (برق الجنوب) أو (فراج بن فهد) صنوان لايفترقان!

قصيدة أعدتها أكثر من مرة ولم تشبع نهمي

أعدتنا للوراء كثيراً يابوفهد لشعرك الذي يحرك المحيطات الهادئة

وقفة حول قصيدة هلال المطيري:

هلال أحد الشعراء الذين يفرضون احترامهم كأشخاص قبل أن يكونوا شعراء ، والقصيدة التي ألقاها في الحلقة الماضية كانت قصيدة مباشرة بشكل كبير ولم تكن مليئة بالمحسنات البديعية أو التلاعب في المفردات أو إظهار براعة شاعرها (لأنها كتبت لإيصال رسالة عاااااااجلة وكانت ردة فعل واضحة لحدث معين)!

فلله درك ياهلال فقد تكلمت بلسان أمة كاملة!!

شكراً فراج شكراً هلال ،،، وللجميع محبتي ،،،

**معلومات** **العضو** · 01-02-2008, 03:59 PM

صح الله السانك واعتلى شانك

قصيدة رائعه من شاعر رائع

**معلومات** **العضو** · 03-02-2008, 08:52 AM

الله الله الله على الابيات الجزلة يا ابو فهد

لله درك على هذه الابيات والله لايهين هلال المطيري اللي خلاك تبدع ذا القصيدة الجزلة

سجل اعجابي ياابو فهد ولك مني وافر الاحترام

**معلومات** **العضو** · 03-02-2008, 03:09 PM

فراج ابن فهد مان تذكر الجزالة الا ويذكر ابو فهد ولا اقول الا صح الله لسانك ملايييييييييييييييييييييييييييييييين ولاب كافيييييييييييييييييييييييين

**معلومات** **العضو** · 03-02-2008, 03:51 PM

قصيدة جزله من جزل

صح الله لسانك

ولسان الشاعر هلال المطيري

ولا تعليق فقد كفى وفى

ابو مسرع

لاهنتوا جميعاً

**معلومات** **العضو** · 06-02-2008, 10:09 PM

لا هنت اخوي

**معلومات** **العضو** · 09-02-2008, 05:53 AM

ابو فهد

صح السانكـ

ولاهنت

وبيض الله وجهكـ

كلمات رائعه وجميله

دمت بكل خير

لك سلامي وتقديري

دمت بود

تقبلني

**معلومات** **العضو** · 11-02-2008, 01:03 AM

ابن فهد صح السانك يالذيب والسان هلال المطيري

تقببل تحياتي

اخوك ولد ودعان

**معلومات** **العضو** · 11-02-2008, 08:38 PM

بيض الله وجهك وسلمت يمناك يافراج

عز الله انك كتبت فأبدعت

تقبل التقدير

**معلومات** **العضو** · 09-03-2008, 02:30 AM

اقتباس:

المشاركة الأصلية كتبت بواسطة مبارك الخييلي


	بن فهد صح ألسانك وجعل يمينك سالمه على ماسطرت لنا من أبداعك الطيب تقبل جزيل شكري والتقدير

صح بدنك أخوي مبارك

ولاهنت على مرورك وتعليقك

تقبل شكري وتقديري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
إهانة إمام جامع بوادي الدواسر لصلاته بآية "الدفع بالحسنى"	الحجازي	:: قسم السياســة والإقتصاد والأخبار ::	3	13-09-2010 01:57 AM

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية