اكتب افضل بيت شعري مر عليك 000 ارجو المشاركه 00

[معلومات العضو مـنـيـر آل راكـان]

تحيه عطره مليئه بالورود

اخواني اخواتي من مشرفين واعضاء منتدانا الرائع ..

يشرفني كثيراً ان تشاركوا في موضوعي ..

فما عليك إلا ان تكتب افضل قصيده أو بيت شعري مر عليك او سمعته او قرءته

او كتبته ...

وسووووف ابداء اولأ ...


الابيات الجميله كثيره بس هالأبيات هذي أعجبتني

وهو للشاعر الكبير مبارك بن مويم آل راكان يقول فيه :

يا الله يا المطلوب عدل الموازيـن = ياابا الجزايل منك نرجي الشفاعـه
إنك على تزينها وتظهر على الزين = وترفع مقام اللي رفيـع شراعـه
مبارك بدع قاف يشوق المغنيـن = قاف على المعنى يشوق استماعـه
صاح المصيح سابره شاف بالعين = واستحلق الفـزاع باقـي فزاعـه
هاتوا لنا فرخ من الطرس عجلين = نكتـب لـرداد القوافـي وداعـه
يركب مقيم وابن سيـف قعوديـن = أوارك مـا وقـفـن بالمبـاعـه
ما منهن اللي خرق خشمه ولا هين = ولا سيق في زرع الليالي وداعـه
من جيش أهل ضنك عليهن هوالين = يطون صحاصيح الفيافي بساعـه
يلفن لنا شيخ وراعـي نبـا زيـن = محمد ولد هادي طويـل ذراعـه
حاذور بالمسمار لايقـرب القيـن = فان الخطر من قينهـا بانقطاعـه
حنانتك ذا اللي تعـج بالوداعيـن = تقول لها حنـي حنيـن المراعـه
ماراعنا المدفع وقبـس العثانيـن = ولاحرك المقـداح راع الزعاعـه
ترسي بنا صفر الكرب والعراجين = ونضيف الخاطر نهـار المجاعـه
نذخر نقاوي من ثمرها المواعيـن = ما ازين تناطف دبسهـا باتباعـه
من جدنا في فرعة البقع مرسيـن = كم شيخ قوم حـط فوقـه شباعـه
حطييتها بينـك وبيـن القثاميـن = والشيخ مثلك في جنابـه طماعـه
حطيتها ذم وهـي محتسـب ديـن = وذي عادة الفراع يعطي الفراعـة
جاتك عرافة فاطرك جعلها البيـن = عنـا وعنكـم بالبـلا واندفاعـه
دوه لهـا جعلـه تشلـح بسكيـن = في ديرتك داجوا عليها الجماعـه
مسترفعينك من بواقي الحكا الشين = ومن كال لنا بالمد نوفيه صاعـه

ارجو المشاركه من جميع الاخوان



وتقبلوا خالص الشكر والتقدير

أخــــــوكمـ

أبـــو فــــــارس

 

 

 

 

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

وعليكم السلام ورحمة الله وبركاته

العزيز الغالي أبو فارس

فكرة فريده وجميلة جعل عمرك طويل على الطاعة

الحقيقه العنوان تقول فيه أكتب أفضل بيت وأنت كتبت قصيدة

لكن أنا سوف أكتب لك هذه الأبيات :

ياعل قصرٍ مايجيله ظلالي=ينهد من عالي مبانيه للساس
لاصار ماهو بمدهلٍ للرجالي=وملفىً لمن يشكي الضيم والباس

رفيقك اللي مايقدر مواقفك=ترى ربيع القلب بعده وفرقاه
إليا صار لارجلٍ مقامه يشرفك=ولاطيبٍ تقدر تحمل خطاياه

تقبل الود والتقدير

محبك ومحب الجميع : دغش البطي

 

 

 

 

[معلومات العضو فالح الشكره]

ابوفارس بارك الله فيك على الفكره الممتازه

الغرابا صلب جدي كعام العايلين=لانهق عير يحطون في خشمه خزام
نسل شكر اللي على الطايله متنومسين=اظهروا ست النضا من ثلاثين تمام
وال حسن اهل الغروس الدجايا الصاملين=مثل زومات البحر لاتزجر ثم زام
وال زايد عزوتي هم هل الجمع الرزين=تشبع الضبعه بجراتهم والطير حام
من على وقت الجدود وعصور الاولين=من وقع في شرهم ماتهنا بالمنام
لابتي وداية الاجنبي متعمدين=الفخر للي ودا الجار من جدر هدام

الشاعر قريم الشكره الله يغفر له ويرحمه

 

 

 

 

[معلومات العضو ابن فادر]

ابو فارس

شكرا على الفكره الجميله

انا معجبني هذا البيت

 

 

 

 

[معلومات العضو ولد العياضي]

[شكراً لك اخي الكريم على هذه الفكره

يحضرني بيت للشاعر المرحوم ناصر بن عبدالله الحقباني(قنيمان)

لو يلبس الثوب الرهيف الحريري=يجضر والى وقع على متنه احفاه
حتى قال00000000000000=قول النساء والا ترى مانضرناه

 

 

 

 

[معلومات العضو عبدالله بن مرضي الجماعين]

هذي البيتين للشاعر ( شلعان رحمه الله )

ما شاعر في الكون جاله قصيده=إلا ونقاد العرب من وراها
أما خذوا منها الرجال فوايد= ولا بصندوق الزباله رموها

 

 

 

 

[معلومات العضو محمد الخميس]

يا أخوان أفضل بيت وليست أفضل قصيدة، ثم المفترض الخروج إلى رحاب شعر العرب بأكمله وعدم الاقتصار على شعرنا، إلا إذا كان المقصود أفضل قصيدة من شعار الدواسر فهذا أمر آخر.

 

 

 

 

[معلومات العضو بـدر الودعاني]

هذا البيت لشاعر رسول الله حسان بن ثابت رضي الله عنه وأرضاه

 

 

 

 

[معلومات العضو شوق2]

مشكور يابن راكان على الفكره الرائعه 0وعلى فكره ماعرف صاحب البيت 0

 

 

 

 

[معلومات العضو رعاد]

	ذِيـبْ وِنْ جَتْكَ الْغَنَمْ فِي مَفَالِيكْ=فَاكْمُنْ إلَيـنْ أنَّ الرّّعَايَا تَعَـدَّاكْ فِيما مَضًى يَاذِيبْ تَفْرِسْ بيَادِيــكْ=وَاليومْ جَا ذِيبٍ عنِ الفَرْسْ عَدَّاكْ يَا ذِيبْ عَاهِدْنِي وَعَاهِدْكْ مَرْمِيـكْ=مَرْمِيكْ أنَا يا ذِيبْ لَوْ زَانْ مَرْمَاكْ وَالنَّفْسْ خَالِفْ رَأْيَهَا قَبلْ تَرمِيـكْ=تَرى لهَا الشَّيْطانْ يَرْمِي بِالاهْلاَكْ وَمِنْ بَعْدِ ذا لاَ تَصْحَبَ النَّذْلْ يَعْدِيكْ=وَعَنْ صُحْبَةَ الأنْذالْ حَاشَاكْ حاشاكْ تَرَا الْعَشِرَ النَّذْلْ يَخْلِفْ طَوَارِيـكْ=وانَا اَرْجِيَ اَنَّكْ مَا تَجِي دُونْ آبَاكْ والْهَقْوَةَ اَنَّكْ مَا تَجِي دُونْ اَهَالِيكْ=ولا ظُنّْ عُودَ الوَرْدْ يُثمِرْ بتُـنْبَـاكْ والحُرّْ مِثْلَكْ يَسْتَحِي يَصْحَبْ الدِّيكْ=وإنْ صَاحَبُهْ قَافَا مِقَافَاةَ الاَدْيــاكْ لاَ تَسْتَمِعْ قَول الطّرَفْ يَومْ يَلْقِيـكْ=بَالْكِذْبْ يقْضِي حاجَتُهْ كُلّْ مَا جَاكْ مَنْ نَمَّ لَكْ نَمّْ بِكْ وَ لاَ فِيهْ تَشْكِيكْ=واليَاهْ قَدْ زَرَّى رَفِيقَــكْ وَ زَرَّاكْ عِندكْ حَكَى فِينَا وَعِنْدِي حكَى فيكْ=واَصْبَحْت كَارِهْنَا وَحِنَّا كِرهنَـاكْ مَا اَ خْطَاكْ مَاصَابَكْ وَلوْ كانْ رَامِيكْ=وَاللِّي يَصِيبَكْ لَوْ تَتَقَّيتْ مَا اخْطَاكْ مَيْر اسْتَمِعْ منِّي عَسَى اللهْ يَهْدِيـكْ=النُّصح يَا مَالِكْ لَكَ اللهْ المَـولاَكْ عِنْدِي مَظِنَّـهْ مَا تَمَثَّـلْتَـهَا فِيكْ=واطلُبْ لَكَ التَّوفِيقْ مِن عِنْدْ مَولاَكْ

 

 

 

 

[معلومات العضو مطلق الحصان آل عمار]

مشكور اخوي على الموضوع الرائع

يقول /

[b]ياليت ربي ماخلق حب وفراق،،، والا خلق حبٍ على غير فرقا

الامير محمد السديري

 

 

 

 

[معلومات العضو ابن حويل]

المدايح قبل الافعال عند الناس عيب ,,,,,,,, والمذمة بعد الافعال بهتان وحرام

 

 

 

 

[معلومات العضو المها]

الوقت غربةواخر الــــــــدرب عنــــوان***والعمر لحظة والتجارب رحايل
تغرق شهيد ارحم من الموت عطشان***طيحة شموخ ولا وقوف متمايل
مــــرات ربـــــك يرزقك خوة إنــــسان***واحد ويسوى في عيونك قبايل

لايحظرني اسم الشاعر..
ومشكور اخوي على الموضوع ..

 

 

 

 

[معلومات العضو ابن ربيّع]

المعزه ثابته والمجي حسب الظروف ****ان حصلي جيت وماحصل ياكيف اجي!

مشكور اخوي بن راكان على الموضوع الي اكثر من رائع ويعطيك الف عافيه.

 

 

 

 

[معلومات العضو الركن]

اضرب على الكايد ليا صرت بحلان @@@@@ عند الولي حبل الرجاء ونقطاعه

بن رشيد على ما أظن

منير آل راكان مشكور على هذا الموضوع