الاصاحيــــب .. للشاعر محمد بن دحيم

**معلومات** **العضو** · 27-11-2007, 09:44 PM

بسم الله الرحمن الرحيم
ايها الاحبه احببت ان انقل لكم قصيده للشاعر: محمد بن دحيم الرجباني

عسى ان تحوز على رضاكم ..يقول :

طويتنا حبل الرجاء من الاصاحيب
............وعضيتنا ابهام الاسى و الندامه
والحقت نسي زود لوم وتعذيب
.......... والكون في عيني تزايد ظلامه
من رفقة اللي يشذبون العراقيب
............ زراعة الفتنه بكذب ونمامه
جحاده المعروف نكّاره الطيب
.............. ياليت ربي حط فيهم علامه
إلي ليا رِجت عليك المشاريب
.............لامن نخيته ماتشيله عظامه
الي بحزات الرخاء والمعاصيب
......... محدٍ بيوصل ماوصل في كلامه
من يوم ينشأ لين يبلغ به الشيب
............ عند الحليله غارقٍ في منامه
ما ميّز المخطي ولا ميز مصيب
............. لازم يقصر هقوته في مرامه
واليوم انا بقصد وببعث مناديب
............... والله لا اقاطعم بدين القسامه
ولا لي على الانذال حق ومطاليب
............ وكل على قدره وضعت احترامه
ولا ني وانا محمد قريب المحاظيب
............ وان خيبوا ظني عصبت العمامه
وعزّمت ادور ناطحين المواجيب
.......... اهل الوفاء والطيب واهل الشهامه
الي لهم بالطيب وقفه وتجاريب
.................كل خذا بالطيب منهم وسامه
الي ليا صكت عليك اللواليب
............. ياسعد منهم في الشدايد حزامه
فعاشرتنا ربعٍ وعاشرت اجانيب
.................... وكل عرفنا قيمته من مقامه
وجربت في الدنيا دروس وتجاريب
............. وعينتنا راع الربح يبغى السلامه
ومن كثر ماله ما ذكر به عذرايب
.................... كل يقول انه الهلالي سلامه
ومن قل ماله حطوا الناس به عيب
...................لو كان قرم ما تجيه الملامه
فيا كثر صحبان الرخاء دام في الجيب
.......... ريال . فهم ربعك الى يوم القيامه
وتم الكلام وكل بيت بترتيب
..................ختام منظوم توصل ختامه

وسلامتكم

**معلومات** **العضو** · 27-11-2007, 09:49 PM

سلمك الله أخي الهجرس عل هذه القصيده

وصح لسان الشاعر محمد الرجباني

تقبل تقديري وأحترامي

**معلومات** **العضو** · 27-11-2007, 10:03 PM

الله يسلمــك يا ابو نواف ..

لك شكـــري وتقديري يالغالي

على تواجدك وتعليقـــــك

دمت بخير

**معلومات** **العضو** · 27-11-2007, 10:07 PM

من رفقة اللي يشذبون العراقيب= زراعة الفتنه بكذب ونمامه
جحاده المعروف نكّاره الطيب=ياليت ربي حط فيهم علامه
إلي ليا رِجت عليك المشاريب=لامن نخيته ماتشيله عظامه
الي بحزات الرخاء والمعاصيب= محدٍ بيوصل ماوصل في كلامه
من يوم ينشأ لين يبلغ به الشيب= عند الحليله غارقٍ في منامه

الهــجرس

تسلم يمناك على إيــرادك لهذه القصيده الجزله واللى تحمل معاني وحكم فالله يعافيك

وصــح لسان الشاعر محمد دحيم الرجــباني . وفعلاً شاعر متمكن لا تبخل علينا بقصايده

تقبل تقديري

**معلومات** **العضو** · 27-11-2007, 11:44 PM

ومن قال ســالم ..

وارحب يانايـــف .. مرحبا بك والله ..

اسعدتنــي بتواجدك المشـــرف ..

وابشر بسعدك وانا خوك ..ماطلبت شئ .

والله له قصيده توه قايلها .. في قبايل الدواســر كافه
بإذن الله اكتبهــا لكم ..

اخوي الغالي
دمـــت كما تحب

**معلومات** **العضو** · 30-11-2007, 11:01 PM

صح الله لسان الشاعر محمد بن دحيم الرجباني على القصيدة الرااائعه

وبيض الله وجهك يالهجرس على ايراد القصيدة ولاهنت يالقرم

تقبل تحياتي،،

**معلومات** **العضو** · 02-12-2007, 07:32 PM

مرحبا بك والله ...

يالعماني

وكل الشكر والتقدير والاحترام .. لشخصك الكريم

اخوي العماني لاهنت على تواجدك الذي عطّر الصفحــه

ودمت بود

**معلومات** **العضو** · 10-01-2008, 04:07 AM

قصيده جميله

وصح لسان قايلها

ومشكور على نقلها

ولك مني كل الشكر والتقدير

**معلومات** **العضو** · 10-01-2008, 06:27 PM

طويتنا حبل الرجاء من الاصاحيب
............وعضيتنا ابهام الاسى و الندامه
والحقت نسي زود لوم وتعذيب
.......... والكون في عيني تزايد ظلامه
من رفقة اللي يشذبون العراقيب
............ زراعة الفتنه بكذب ونمامه
جحاده المعروف نكّاره الطيب
.............. ياليت ربي حط فيهم علامه
إلي ليا رِجت عليك المشاريب
.............لامن نخيته ماتشيله عظامه
صح لسان الشاعروسلمت يمناك على نقلها

**معلومات** **العضو** · 11-01-2008, 04:26 AM

المستشــــــــــــار

يا هلاااااااااابك والله ...

ومن قال سالـــــــــــــــمـ ..

اشكرك على تواجدك وتعليقك الجميلين ..

لاهنت ياغالي

**معلومات** **العضو** · 11-01-2008, 04:28 AM

الشقرديـــــــــــــــــــــــــــــــــه ..

تسلميـــــــــن والله ..

اشكر لك تواجدك الذي انـــار المتصفــــح ...

ولاهنتـــــــــــي ...

**معلومات** **العضو** · 11-01-2008, 04:32 AM

ولا ني وانا محمد قريب المحاظيب
............ وان خيبوا ظني عصبت العمامه
وعزّمت ادور ناطحين المواجيب
.......... اهل الوفاء والطيب واهل الشهامه
الي لهم بالطيب وقفه وتجاريب
.................كل خذا بالطيب منهم وسامه

**معلومات** **العضو** · 11-01-2008, 08:56 AM

سلمك الله أخي الهجرس عل هذه القصيده

وصح لسان الشاعر محمد الرجباني

تقبل تقديري وأحترامي

**معلومات** **العضو** · 12-01-2008, 10:58 PM

moon502

الله يسلمــــــــــــــــك ياغالي ...

واشكرك على التواجــــــــــــد ..

لاهنت

**معلومات** **العضو** · 12-01-2008, 11:01 PM

اقتباس:

المشاركة الأصلية كتبت بواسطة محمد ال مطيلق

سلمك الله أخي الهجرس عل هذه القصيده

وصح لسان الشاعر محمد الرجباني

تقبل تقديري وأحترامي

محمد ال مطيلق

الله يسلمــــــــــــــك ويعافيـــك ...

وصح بدنــــــــــــــــك ...

اشكر لك تواجدك وتعليقـــــــك الجميليــــــــــــــن ...

خالص ودي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ديوان الشاعر دخيل الله ابن محمد ابن دخيل الله الشكره رحمه الله	سلطان بن دخيل الله	:: قسم قصايد مدح وفخـر في الــدواسـر ::	60	17-08-2022 03:24 AM
اللقاء التاريخي مع الأمير علي بن محمد بن وقيّان أمير قبيلة الغياثات	الإداره	:: قسم اللقــاءات والفعاليات والتغطيات الخاصة::	57	17-04-2013 10:52 PM
التغطية المصوّرة لحفل (ترقية الشيخ محمد بن مرّان بن قويد)وحصوله على درجة الماجستير برعاية الشيخ مرّان بن متعب بن قويد (حفظه الله تعالى)	الإداره	:: قسم اللقــاءات والفعاليات والتغطيات الخاصة::	51	09-10-2011 10:09 PM
هكذا كان محمد صلى الله عليه وسلم	محمد بن فهد الرجباني	:: القسم الإسلامـــي ::	9	29-08-2010 09:53 PM
تغطية الموقع الرسمي للقبيلة لحفل قبيلة الحراجين برعاية الشيخ محمد بن فهيّد آل ملحم شيخ قبيلة الحراجين المقام على شرف قبيلة الغفران آل مره .	الإداره	:: قسم اللقــاءات والفعاليات والتغطيات الخاصة::	18	19-07-2010 12:45 AM

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية