ابيات عن معلقه

[معلومات العضو عبدالله الحافر الغييثي]

هذه ابيات عن معلقه اعجبتني وهي للشاعر/عامر بن نوطان المري

عاد في كبدي من الماضي توالي=والسلامه الأوله ماهي صحيحه
مانفعني طول بعدي واعتزالي=خابر ان الحزن مايسلم طريحه
اعتزلت الناس في جو لحالي=واثر طول البعد مايبرى جريحه
خذت منك شربةٍ ماعدتهالي=مثل سقي اهل الضحيه للذبيحه
اعرضوا ياناس عن كثر السؤالي=وش لكم ياهل القلوب المستريحه

 

 

 

 

[معلومات العضو ناصر بن فهد]

.
.
•
صحٌ لسآن ُ آلشُآعرٍ: عــآمر ُ آلمرٍيُ
وصحٌ لسآنك يآبوٌ مطرَ علىُ النقلً
ولآهنت..وتقبلُ موروري

 

 

 

 

[معلومات العضو ابو حسين الدوسري]

صح السانك الشاعر/عامر المري

وتسلم يمينك يبو مطر على النقل

خالص التقدير

 

 

 

 

[معلومات العضو بنت القبيلة]

بالفعل أبيات جميلة

وخصوصا البيت الأخير


اعرضوا ياناس عـن كثـر السؤالـي
وش لكم ياهل القلوب المستريحه


الأخ / خميس مطر الغييثي

صح الله لسانك ولسان شاعرها

ولاهنت

 

 

 

 

[معلومات العضو محمد بن حمد الشكرة]

صح الله لسان الشاعر/عامر بن نوطان المري ولاهنت يابو مطر على نقل القصيدة ولاعدمناك ياالقرم أرق التحايا

 

 

 

 

[معلومات العضو ابو زابن المسعري]

صح الله السانك يابو مطر وصخ الله السان الشاعر ولاهنت

 

 

 

 

[معلومات العضو عبدالله الحافر الغييثي]

صحت ابدانك ولاهنتوا على طيب المرور,,,خالص التقدير لكم احبتي والاخترام

 

 

 

 

[معلومات العضو متعب الصخابره]

ارحب ياابو مطر

وبيض الله وجهك على الانتقاء الرائع

سلمت يمناك يالقرم

والله يرحم ابن نوطان شاعر فحل وفارض نفسه خلد لنا قصيد ممتع

 

 

 

 

[معلومات العضو ابو زيد الغييثي]

لاهنت يا ابو مطر على هذا النقل و عامر ابن نوطان له ابيات جميلة في الدواسر

ومنها :

قبيلـة ٍكـم فرقـت مـن قبيـله=وطقت شرايدهم وراحت نزايـع
ربع ٍ تقيـد بالسلاسـل ركابهـا=لا جا نهار ٍ فيـه ذبـح وقلايـع
سعيرة ٍ خطلان الأيدي وقودهـا=لا زعزعوا زايد وجات الفزايع
يمشي لهم جمع ٍ تنومس فعايلـه=يحط في الجمع الموالي هزايـع
يصعد براس النايفه من وزابهم=يوم السنين اللي تشيب الرضايع
كن الجنايز في نحايا جموعهـم=أعجاز نخل ٍ خاويـات ٍ صرايـع
قبيلة ٍ يعتز مـن يننتخـي بهـا=دون الجهام ودون ستر الربايـع
ديارهم محد ٍ نزل فـي حدودهـا=ولا طمعها من يـدور الطمايـع
تامن بهم سود ٍ طـوال ٍ رقابهـا=وسود الغروس اللي ثمرها نوايع
قصيرهم يرحل وهو في جوارهم=وينزل لحاله في قفر كـل خايـع
اللي يصافيهم له احلى من الشهد=واللي يحاربهم يـذوق الفجايـع

واعذرني على ذكر هذه الابيات في هذا الموضوع ولكن الشاعر واحد

أخوك / ابو زيد

 

 

 

 

[معلومات العضو عبدالله الحافر الغييثي]

ارحب يابوالسنافي وصح بدنك ولاهنت على المرور ياكحيلان ,,,,,,,,,,,,,,,,, ارحب يابوزيد انت طال عمرك ماتزيد السمن الا عسل ووفيت وكفيت ولا هفيت يالقرم