لو البنات ايجون صف وطوابيــــر

[معلومات العضو الهاج ـري]

لو البنات ايجون صف وطوابيــــر /// مالاق في عيني سوا حب مخلــــوق

حبه مثبت فالخفوق بمســـامير /// وفالصدر بيته قلب،،،، ماهوب طابـوق

(لحروفه الثلاث) محبه وتقدير /// وغيره من الخفاق والصدر مفهـــــوق

زوله بعيني غير ومقابله غيـــــــر /// ولامن حكا راكد ولاهوب مطفـــــوق

زينه فلا يحتاج ظل وماناكـــــــــير /// وإذا كشخ ماراح غازي هل السوق

يكرم من المنقود سيد الغنـــــادير /// كن الحلا والزين له بس مخلــــوق

اقفا وخلا صاحبه والتفاكيــــــــــــر /// متى على الله ينجلي الهم وتروق

ذبحتني بالظلم وشفيك مايصـير؟؟ /// ظلمتني وانا من الهم مخنـــــوق

عذبتني بالصد ويش المعاذيــــــــر /// شف قلب خلك من تغليك مشقوق

أن كنت عايش بذكره دوم بالخــــير /// وأن مت قولو مات من (صد معشوق)

 

 

 

 

[معلومات العضو شيهانه بكف صقار]

أن كنت عايش بذكره دوم بالخــــير /// وأن مت قولو مات من (صد معشوق)


صح الله لسانك ولسان القايييل
قصيدة قمة في الرووووعة
احترامي وتقديري~

 

 

 

 

[معلومات العضو الهاج ـري]

صح الله ابدنس وتسلم يمناس على مروري الطيب لاهنتي

 

 

 

 

[معلومات العضو غلا نجد]

نص عذب ويحمل احساس رائع
صح بوحك وسلم بنانك
دمت في حفظ الرحمن ورعايته

 

 

 

 

[معلومات العضو ابو حسين الدوسري]

صح السانك يبو الوليد قصيده جزله من جزل

خالص التقدير

 

 

 

 

[معلومات العضو الهاج ـري]

صح الله ابدنكم ولاهنتم على المرور الطيب

 

 

 

 

[معلومات العضو ابو شامه الوايلي]

صح لسانك قصيده جميله

 

 

 

 

[معلومات العضو ناصر بن فهد]

.
.
•
صح لسانك يا الهاجريُ وصح لسان قايلهاٌ
ولاهنتُ على النقلُ يا الهاجريُ

 

 

 

 

[معلومات العضو الهاج ـري]

لاهان شانكم على المرور الطيب وتسلمون