بانت نجوم الصبح ( ضيدان بن قضعان)

[معلومات العضو راشد المسعري]

بانت نجوم الصبح واللي في عيوني من عصر
ماهوب دمع لا تضايقت آتنهت واسكبه

لا والله الا حلم شيخ عن طموحه ما قصر
لو قصرت سود الليالي من يمينه وشنبه

وانا لو اني ماتعلمت الهزيمه والنصر
ماكان ذقت امن الهوى القتال امره واعذبه

شاعر وعصري فاتني واعيش في أغرب عصر
لا الوقت وقتي والزمن مابيني وبينه شبه

لكن هنوف مثلت دور العزيزه في مصر
قدت قميصي واسرفت في وصلها قبل انتبه

يوم انتبهت استشهدت ضدي بحراس وقصر
قلت ارحمي عزيز قوم ذل وارخى منكبه

ماني نبي الله اقاوم حسن خصرك لا انصهر
أنا بشر..عبد ضعيف وكل برق يجذبه

قالت وهي توي تثنى كن مافيها خصر
الشعر يا ضيدان ورث جدود ولا موهبه؟!

قلت الشعر سحر يسخر لي القلوب ويختصر
عمر المسافات الطويله والسنين المجدبه

والحب شي لو حصرته في ضلوعي ما انحصر
يطغى على حدب المحاني لين ابيحه واكتبه

وان علمتني الفاتنه وشلون اسير بلا بصر
علمتها الفنجال وشلون اتحدى واشربه

وعلمتها إني كذا طال الزمن ولا قصر
وان اعذب الحب اصدقه وان اعذب الشعر اكذبه

 

 

 

 

[معلومات العضو حمد ابن فهد]

ابومحسن لاهنت للنقل لشاعر كبير مثل ابن قضعان تقبل اطيب التحايا

 

 

 

 

[معلومات العضو راشد المسعري]

ارحب ياحمد

شكراً لمرورك العطر وتقبل ودي وتقديري ،،،