عليه الجموع احيام ماقل ترحيبه

[معلومات العضو ماجد بن رويه]

ليا منّها قامت تعقّد وهي بالكاد
مطاليع وسم ٍ نسمة الريح تومي به

عساني من اللي دعوته دعوة الهجّاد
وعساني من اللي كلمة الطيب تثري به

وعساني من اللي لا تجمّل جميله فاد
جزيل العطايا طبع ماحاش يصخي به

وعسى من يقول الصدق مايلحقه نقّاد
حميد السجايا يفعل الطيب من طيبه

حلالاه ياشيخ ٍينومس بجوده ساد
عليه الجموع احيام ماقل ترحيبه

فيلا منّها شانت بوجهك وجات اعناد
تنّص الحشيم اللي تلبّا مطاليبه

فيصل ليا من المصايب ماجات آحاد
وقَف وقفة اللي كل عجمي يماري به

ليا كلحّت شهب السنين وغثاها زاد
زبون الدريك اللي صخوا به معازيبه

ركن ٍ يذرّي ماتعذّر بكيف وعاد
ان ماوصلته راس جاتك مناديبه

 

 

 

 

[معلومات العضو ماجد بن رويه]

يااصحابنا ياهل الفخر والعلاقات
ياللي جمايلكم بحسب العلاقه

تخيروا في ربعكم طيّب الذات
اللي تنومس فزته وانطلاقه

طلق الحجاج اللي يشيل الثقيلات
عون الخوي في ضيقته وانغلاقه

مثل النتيفي لاطوينا المسافات
مابدلت طول المسافه نطاقه

الله يسقي داركم يالنتيفات
والله يكثر جنسكم في الرفاقه

ماجد بن رويه