قصيدة سعد بن هتيل ورد محمد شين الحلايا

**معلومات** **العضو** · 23-06-2009, 02:35 PM

بسم الله الرحمن الرحيم
السلام عليكم ورحمة الله وبركاته

هذه أبيات من قصيدة للشاعر سعد بن هتيل المسعري ورد الشاعر محمد بن ناصر شين الحلايا
رحمهما الله

وقد وردت القصيدتين في كتاب (واحة الشعر الشعبي) ص127 للشاعر عبدالله بن حمير بن سابر الدوسري

أقول عن نفسي وعن من يودني=ماغير كساب الجميل إتجار
وافاخر من عاين الشمس والقمر=من لا يجازي بالجميل إحمار
لو كان شريف ومن ذات منسب=لا صار هو بأهل الثنا بوار
يشدى لسيف ما يجرب منقله=ينوب في نقله عصا محفار

فرد بنفس المعنى الشاعر شين الحلايا

أقول عن نفسي وعن من يودني=نصيحة للي يحب الكار
الصدق مفتاح المراجل كلها=والكذب راس العيب يا ستار
فاقول عن من طالع الشمس والقمر=كسب من الأدنين راس العار
واقولها والداب قد عض إضفري=وجحدتها يوم الجروح إصغار
وأقول عن نفسي وعن من يودني=يا شين قولة جود العيار
فمن كثر الغصات في كل مجلس=ما عاد تنفع دونه الأعذار

**معلومات** **العضو** · 23-06-2009, 02:43 PM

الله يعطيك العافية اخوي العماري على هذا النقل ورحم الله الشعراء ابن هتيل وابن شين الحلايا

**معلومات** **العضو** · 24-06-2009, 01:38 AM

العماري تشكر لاهنت على الاختيار الطيب والموفق

ولله يرحم الشعراء العمالقه ابن هتيل ومحمد بن ناصر

لك تحياتي

**معلومات** **العضو** · 24-06-2009, 04:06 AM

لاهنت اخوي العماري وهيضتنا في هذه الليله

وقد جاريت هؤلاء الفحول الغنيين عن التعريف

تقديري واحترامي لك

**معلومات** **العضو** · 24-06-2009, 08:04 AM

الأخوة الأعزاء محمد بن حمد الشكرة - محمد بن سالم بن فهيد - نادر الناهشي

أشكركم جزيل الشكر على المرور العطر
وبارك الله فيكم

الذين يشاهدون محتوى الموضوع الآن : 2 ( الأعضاء 0 والزوار 2)

		منتديات صحيفة وادي الدواسر الالكترونية