((ويش عذر العسكري لي حب بنت(ن) جامعيه))

[معلومات العضو غلا نجد]

السلام عليكم ورحمة الله وبركاته


بدون مقدمااااات


اترككم معها


..


..


..

ويش عذر العسكري ليحب بنت(ن) جامعيـه=مغرم(ن) في حسنهـا واسلوبهـا وبفلسفتهـا
ويش عذر الشاعر اللي حب بنت(ن) شاعريه =كل نغمـة حـب فينـي لحنتهـا واعزفتهـا
ياصدى وهج المشاعر والحسـن والجاذبيـه =يامراويـح الغيـوم الممطـرات وهفهفتـهـا
يازهـور العطـر ياكـل الـورود البابلـيـه=ياحلاة الكون ياهمس الحـروف وصفصفتهـا
ياغـلا قيـس الملّـوح للهنـوف العامريـه=ياحياة العشـق ياحكـي القلـوب وسالفتهـا
ساعبي تحت الضلـوع وغـردي بالسامريـه =رفرفي بين الحنايـا العـوج يامـن شرفتهـا
وانقذيني مـن همومـي دام عنـدك مقدريـه =وانقذيني من هموم اكثيـر وانتـي عارفتهـا
فلسفي دنيـاي واغتالـي عصـور الجاهليـه =بددي ذيـك الحيـاة اللـي همومـي غلفتهـا
واشرقي ياشمس عمري في الليالي السرمديه=واغرقيني في زوابع روحك وفـي عاصفتهـا
واحلمي بي لاغفيتي فـي المنامـات الهنيـة=وانطقي باسمي مع كذب الحلـوم وهذرفتهـا
واعصفي بالقلب ياريـح الغـرام الموسميـه =واجلي ارياح الهموم اللـي رياحـك خالفتهـا
وانقشيني وسط قلبـك كالنقـوش السومريـه=وارسميني صورة(ن) ماكل الانظار اكشفتهـا
للجمال أملوك ياتاج الحسـن واجمـل صبيـه=وللحياه احساس لاصرتي الحيـاه وعاطفتهـا
لا مصر لا الشـام لا كـل البـلاد المغربيـه =لا الخليج ولا العراق ولا صفه تشبه صفتهـا
هي كنوز أرض اليمن هي عرش بلقيس الغنيه=هي ذهب قارون هي زنوبيـا فـي عجرفتهـا
هي طغا فرعون هي هامان في ظلمـه وغيـه=هي دها مـرت العزيـز ومثلهـا وبنقرفتهـا
هـي كيلوبتـرا بطلتهـا الجميلـه والبهيـه=وشجره الدر بحلاوة خدهـا وايضـاً شفتهـا
هي قصايد طرفه ونبض الحـروف البحتريـه =هي بحور الشعر لافاضت وهاضت واعسفتها
هي رسم بيكاسيـو هـي مدرستـه الواقعيـه=هي نغـم بيتهوفـن ومقطوعتـه ومولفتهـا
ماحوت الارض الوسيعه وصفها بين البريـه=احمد الله واشكره يومـن وهبنـي معرفتهـا

 

 

 

 

[معلومات العضو فهد بن مبارك الودعاني]

عزتيل العسكري يعنكنه

في حاله يرثاء لها

لأهنتي ياغلأ نجد على أيراد القصيده

بيض الله و جهك

موفقه في نقلك


تقبلي مني أرق التحايا و أعذبها من أخوك...

 

 

 

 

[معلومات العضو رائــــــــــد]

غلا نجد
يعطيك الف عافية
على النقل الموفق
تقبلي تحياتي

 

 

 

 

[معلومات العضو غلا نجد]

المشاركة الأصلية كتبت بواسطة فهد مبارك الودعاني

عزتيل العسكري يعنكنه

في حاله يرثاء لها

لأهنتي ياغلأ نجد على أيراد القصيده

بيض الله و جهك

موفقه في نقلك


تقبلي مني أرق التحايا و أعذبها من أخوك...

ولا هااان قايلهاااا

ووجهك ابيض استاذي الكريم

حضور مشرق لمتصفحي من صاحب كرم وجود

بارك الله فيك ووفقك لما فيه الخير والصلاح

لك مني اطيب الاماني بالتوفيق والسداد

سلمت ولا هنت

 

 

 

 

[معلومات العضو غلا نجد]

المشاركة الأصلية كتبت بواسطة رائــــــــــد

غلا نجد
يعطيك الف عافية
على النقل الموفق
تقبلي تحياتي

الله يعافيك ويبارك فيك

عطرت متصفحي ببريق قلمك

فكل الشكر لهذا الحضور الشامخ

والذي ازدان متصفحي باطلالة عذبه

وفقك الرحمن لخير الدارين

تمنياتي لك بالتوفيق والسداد

سلمت ولا هنت