انا شيخ(ن) ولد شيخ

[معلومات العضو البحر الطامي]

خسيتي لعنبو جدك ؛ خسيتـي والغلـط ينعـاب=خسيتي واقلبي وجهك ؛ ولا كلمـه ؛ ولاجابـه
خسيتي والزمي حدك ؛ تراها ضاعـت الاداب=انا لاطاشت جنوني ؛ يعـرف الجاهـل ادابـه
وش المغزا من الكلمه بلا داعي بـلا الاسبـاب=وهرج الكذب والتجريح ؛ قوليلـي وش اسبابـه
انا الشرهه علي اني فتحت لخافقـي كـم بـاب=ولكن مثل ماجيتي ترا كبـر الجمـل بابـه
خذي نفسك معك برا ؛ ثم انقلعي بـدون إيـاب=فمان الله ؛ والا اقول :: فمان ابليس واصحابـه
تحسبيني على فرقاك ابندم واغـرق الاهـداب=انا مبسوط يوم اني ؛؛ طردت الشـوم وغرابـه
انا ما اعاشر الخاين ولا اسمع هرجـة الكـذاب=ومثلك قيمته عنـدي تحـت الزيـرو حسابـه
هذاك اللي تحبينه ؛ حقيـر و خكـري ولعـاب=عاجبك ان قذلته شقراء ويميّـل بالشعـر كابـه
صحيح انه حقير و زين وشكله للنسـاء جـذاب=تشّبه بأختـه فلانـه ؛؛ ومنهـا الـدم متشابـه
وانا مانيب حرف الجر ؛؛ تجرينه على الاعراب=انا حرف(ن) جزم نفسه ؛ ومثلي يصعب اعرابه
تشوم النفس عن زينك عقب ماطاح فيها ذبـاب=وانا حر(ن) ولد حر ؛؛ تركت الزيـن وذبابـه
انا شيخ(ن) ولد شيخ ؛ بذكره تنعـم الانسـاب=اليا قام العرب كـلاً ؛؛ يراجـع دفتـر انسابـه
ولد شيخ(ن) وسط ربعه له بين الرجال حسـاب=اليا ضاقت به الارياء ؛ يهز الارض مشعابـه
محنكني على الطيبه من يومي صغيـر وشـاب=اجل وش رايك بطفل(ن) دلال القهـوه العابـه
ترى بدري على مثلك تعيب وساسهـا معيـاب=ياليت اللي يعيبنـي ؛؛ يحـاول يستـر اثيابـه
انا لاجتني الزله ؛ من الجاهـل وهـو كـذاب=تركت القافله تمشـي ؛؛ وراهـا تنبـح كلابـه
وانا ليامن كشف ان الخوي اصبح لسانـه داب=نزعت السم من عرقه وكسرت بمخلبـي نابـه
خلاص اليوم يافلانه ؛ كرهتك والقلوب اغراب=وترى كل طير(ن) بكبد السماء يشبع بمخلابـه
خساره مثلك بقلبي تضمـه غرفـة الاحبـاب=وخساره غلطة العاشق ؛ يحطـك اول احبابـه
بعد هذا تبين ارجع لاجل عينك نصير اصحاب=خسيتي واقلبي وجهك ؛ ولا كلمـه ؛ ولاجابـه

 

 

 

 

[معلومات العضو محمد بن سالم الخضراني]

البحر الطاااااااامي
عز الله انك على اسمك صح لسانك
ولاهنت ع كل حال
تقديري ..

 

 

 

 

[معلومات العضو شافي بن راشد النتيفات]

البحر الطامي بيض الله وجهك وصح لسانك وانا اخوك وياليت توضح لنا هل القصيدة لك والا من شاعرها لانها قصيدة راقت لي كثير

 

 

 

 

[معلومات العضو البحر الطامي]

مرحبا بالاثنين محمد وشافي وصحت ابدانكم وان كان تامرون على القصيده فهي وراعيه فدوة لكم وانا كتبت كلام بسيط مقفى وموزون ومحاولاتي في الشعر لاتعتبر قصائد في وجهة نظري,,,,

 

 

 

 

[معلومات العضو ناصر بن فهد]

صح لسسانك يا االبحر الطاامي
وقصصيده قوويه
ولآهنت يا ذيبان

 

 

 

 

[معلومات العضو سالم الخضراني]

صح الله لسانك وما قصرت .. تقبل تحياتي وتقديري