يانجد لك من مهجتـي ماتريديـه

[معلومات العضو سلطان بن دخيل الله]

بسم الله الرحمن الرحيم

الشاعر الكبير جلوي ابن حميدان الملاقي الشمري

هذه قصيد لشاعر شمري التقيت به قبل 8 سنوات الله يذكره بالخير بعملي السابق وقدم هذه القصيده لي

لانه مدح فيها الدواسر فقط ولم يذكر اي قبيله غيرهم فيها ليس ذلك تقليل ولاكن السبب لا اذكره واتوقع انه

ذكره لي لاكن اللي ماهو مكتوب بيضيع بصراحه وكنت محتفظ فيها طول هالفتره وجا يومها وهي تعبر

عن نفسها.

احب نجد ومن سكن نجد ابغليـه=متغلغلا بعـروق قلبـي غلاهـا
واحب في وادي الرمه طول واديه=وكل الديار اللي بسيلـه وطاهـا
واحب حايل والجبل هايـم فيـه=واحب في جبـه شخاليـل ماهـا
اجا وسلمى مجد الافـذاذ ترويـه=دار بها حاتم سكن فـي حماهـا
وفيها معشي الذيب كلا سمع فيه=ملاحما يفخر بهـا مـن قراهـا
واحب بالزلفي نفـوده وساقيـه=وادي(1)والفيضة اللـي وراهـا
واحب بالصمان مخضـر مفاليـه=ياعلها الوسمي بممطـر سماهـا
تلقى النفل به والخزامى مغطيـه=عطر الطبيعه يختلط في هواهـا
واحب بطويق الشموخ ابروابيـه=والى جهلت احد الملاحم رواهـا
يحفظ من التاريخ اشيـا تخليـه=سجل شهد بالصايبه من خطاهـا
واحب في وادي الدواسرمرابيـه=الله يسقي كـل غرسـا سقاهـا
به لادزايـد كامليـن التواجيـه=قبيلة يسعـد بهـا مـن نصاهـا
حتى الحجاز احب ذكره وطاريـه=وابها وخميس مشيط واللي وراها
ونجران مع جيزان ماني بناسيـه=وحـدة وطنـا عاليـا مستواهـا
يانجد لك من مهجتـي ماتريديـه=قلبي وروحي والريـه وقصراهـا
دمي فداك ان كان ينفعك خوذيـه=الـدم للأوطـان دايـم فـداهـا
والله مابه شـي يانجـد ابفديـه=ياكود روحي حيث ماملك سواهـا

الشاعر:جلوي ابن حميدان الملاقي الشمري

ومكتوب شهر شعبان عام 1395 واعتقد انه عام كتابته للقصيده

1- يقصد بها كلمه غير واضحه بالكتابه ولم اكتبها


اخوكم :سلطان ابن دخيل الله ابن محمد الشكره

 

 

 

 

[معلومات العضو أبونواف الدوسري]

لا هنت يا سلطان بن دخيل الله

الله يوفقك لما يحب ويرضي علي هذا المجهود الذي أثريت به المنتدي

دمت بحفظ الله ورعايته

أخوك أبو نواف الدوسري

 

 

 

 

[معلومات العضو فهد الغريري]

واحب في وادي الدواسرمرابيـه
...............الله يسقي كـل غرسـا سقاهـا
به لادزايـد كامليـن التواجيـه
...................قبيلة يسعـد بهـا مـن نصاهـا



ارحب ارحب ياونواف

حيه وحي ماجاب

مدتك سميك جعل حياتك سنين يابونواف

عز الله انك مبدع يابونواف في انتقاء ماهو فريد

صح الله السانك وصح الله السان الشمري على الجزله

ابونواف تقبل مني ارق التحايا في مقامك العالي

اخوك ومحبك في الله / ابوراشــــــــــــــــــــــــــــد

 

 

 

 

[معلومات العضو بن تركي]

قصيدة وافية
سلم الله الكاتب والناقل والقراء الكرام

 

 

 

 

[معلومات العضو فيصل بن جزاء]

واحب في وادي الدواسرمرابيـه=الله يسقي كـل غرسـا سقاهـا
به لاد زايـد كامليـن التواجيـه=قبيلة يسعـد بهـا مـن نصاهـا

لاهنت ياسلطان وصح السان الشاعر الشمري

تقبل التقدير الاحترام

 

 

 

 

[معلومات العضو سلطان بن دخيل الله]

المشاركة الأصلية كتبت بواسطة أبونواف الدوسري

لا هنت يا سلطان بن دخيل الله

الله يوفقك لما يحب ويرضي علي هذا المجهود الذي أثريت به المنتدي

دمت بحفظ الله ورعايته

أخوك أبو نواف الدوسري

ابونواف

الله يصبحك بالخير

يعلم الله انه اكبر شرف لي متابعتك المستمره

لمشاركاتي

ولك مليون شكر

محبك في الله سلطان ابن دخيل الله ابن محمد الشكره

 

 

 

 

[معلومات العضو ابن شمسان البدراني]

أحب نجد ومن سكن نجد أبغليـه=متغلغلاً بعـروق قلبـي غلاهـا
وأحب في وادي الرمه طول واديه=وكل الديار اللي بسيلـه وطاهـا
وأحب حايل والجبل هايـم فيـه=وأحب في جبـه شخاليـل ماهـا
وأحب بالصمان مخضـر مفاليـه=لا علها الوسمي بممطـر سماهـا
تلقى النفل به والخزامى مغطيـه=عطر الطبيعه يختلط في هواهـا
وأحب بطويق الشموخ بروابيـه=وإلى جهلت أحد الملاحم رواهـا
يحفظ من التاريخ أشيـاء تخليـه=سجلاً شهد بالصايبه من خطاهـا
( وأحب في وادي الدواسر مرابيـه=الله يسقي كـل غرسـاً سقاهـا
به لاد زايـد كامليـن التواجيـه=قبيلةٍ يسعـد بهـا مـن نصاهـا )
يانجد لك من مهجتـي ما تريديـه=قلبي وروحي والريـه وقصراهـا
دمي فداك إن كان ينفعك خوذيـه=الـدم للأوطـان دايـم فـداهـا
والله مابه شـي يا نجـد أبفديـه=يا كود روحي حيث ماملك سواهـا

الشاعر : جلوي بن حميدان الملاقي الشمري

صح لسانك يا سلطان وصح لسان الشاعر .. وبيض الله وجهه على القصيدة الرااائعة ..



تحياتي ،،،