عندي رسالة ولا ادري كيف اوصلها 00!!

[معلومات العضو فهد ال راشد]

عندي رسالة ولا ادري كيف اوصلها 00!!

ياصحابي جيتك أشكيلك من احوالي
-- جيت و مدامك رفيقي ليه أطولها


العلم و ما فيه يا أول و أخر امالي
-- عندي رساله و لا أدري كيف اوصلها


للي سبتني و أنا من قبلها سالي
--- أبيك توقف معي و تروح تسألها


وش فيها تفتح علي أبواب عذالي
-- و تحمل النفس حاجه ماتحملها


وش فيها رغم الوفاء تتركني لحالي
--- و أنا لجفاها تركت الدنيا بأكملها


إن كان هذا زعل علمها يالغالي
--- ماكان قصدي ورب البيت أزعلها


علمها و الي يخلي قلبك الخالي
--- عن ضيقتي و ين وصلت من تجاهلها


علمها كم لي وانا ماشلت جوالي
-- كله على شان ما أقلب رسايلها


علمها وشلون لامرت على بالي
--- أروح و أضم صورتها و أقبلها


وعلمها كيف أنشغل عن كثرة أشغالي
--- و أسرح و أغمض عيوني و أتخيلها


علمها عني و عن همي و غربالي
-- وعلمها عن كل حاجه فيني تجهلها


و أن شفتها دنقت تبكي على حالي
--- أنسى الكلام وتذكر كلمه و قلها


قل شاعرك يعتذر ويعهدك تالي
--- أنه يرتب حساباته من أولها


ويقول حتى القصيد الي على بالي
--- و الله معاد أكتبها كانه يزعلها 00!!

 

 

 

 

[معلومات العضو مبارك بن شافي النتيفات]

صح لسان وسلمت يمينك على النقل

تحياتي ووافرا حترامي

 

 

 

 

[معلومات العضو شافي بن راشد النتيفات]

اهنيك على الذوق العالي

صح لسان شاعرها

وسلمت يمين ناقلها

تحياااااتي لك

 

 

 

 

[معلومات العضو محمد راشد النتيفات]

صح السانك

ولاهنت على النقل الرائع

 

 

 

 

[معلومات العضو حمد ابن فهد]

السلام عليك اخي فهد نقل موفق وذوق رفيع الله لايحرمنا من ابداعاتك المتجددة