ابومهدي مهدي صبي الجمالات

[معلومات العضو شافي بن راشد النتيفات]

يقول ابومهدي صبي الجمالات
راع الوفا والطيب نسل الكرامي
شيخ مسمى من زحول الجميلات
ومن ربعي اللي يحتمون الجهامي
الاد كابر في نهار المثارات
صبيهم للطيب دايم همامي
يامرحبا ترحيب قدر ومقامات
اعداد من صلا وكبر وصامي
يامرحبا بضيوفنا والتحيات
تهدى لكم مع خالص الاحترامي
يامرحبا باهل الفخر والزعامات
يامير يانسل الرجال العظامي
سلمان يامير الوفا والمروات
ياهيلع المدات عال المقامي
سلمان يا اميرا تعلا الطويلات
يالحر يالنادر بعيد المرامي
سلمان مجدك ماتوفيه الابيات
لو بمدحك منا ثلاثين عامي
سلمان سعد اللي شكا من المهونات
في عد وقفاتك يحير الكلامي
سلمان سلمان السعد والجزلات
احتار في وصفك علي الحرامي
ومادام ابوك اللي يعشق الصعيبات
فما استغرب اليا صرت مثله تمامي
عبدالعزيز اللي فعوله بطولات
خلد له اسما بين كل الانامي
نفخر بكم ياهل السيوف الصقيلات
خيالة العوجا كبار الاسامي
وختامها نهديك جزل التحيات
من ربعي اللي يحتمون الجهامي


شافي بن راشد النتيفات

 

 

 

 

[معلومات العضو راشد المسعري]

صح لسانك يابو شالح على ذالجزلة ويستاهل من قيلت فيه الابيات
ننتظر جديدك دايما يالغالي ،،،

 

 

 

 

[معلومات العضو نآصر البدراني]

كُفو يا ربعنا الجميلات وصح لسانك

يستاهل ابو سعد ماقيل فيه