قصيدة الشاعرة النادرة في الدواسر

[معلومات العضو ماجد الدوسري]

ياناشـدٍ عنـي فاانـا بنـت رجــال
فعلـه سطـع مابيـن قاصـي ودانـي

راع الوفـاء والمرجلـه طيـب الفـال
رجـل المواقـف لاحـداك الزمـانـي

زبن الضعيف اللي حداه أشهـب الـلال
وضـدوه حيَـه مـن حياتـه يعانـي

ستر العـذارى لارمـو ضافـي الشـال
لامـن بـراء منهـم قريـب وعوانـي

وعون الذي دمعه علـى الخـد همـال
أيـه أفتخـر لاحـل ذكـره وحـانـي

أيه أفتخـر بـه ماتبـي لـوم وجـدال
أنـا أحمـد الله يـوم صيتـه عطانـي

من غيره اللي لأجلـه المـدح يختـال
يفـز لـه قافـي ويطـرب لسـانـي

صحيـح ميـت بـس مـازال مـازال
صيتـه مشيـد مثـل روس المبانـي

كانـت وصاتـه جنبـي درب الأنـذال
وأسجـد لربـي وأشكـره ماحيـانـي

وابعد عن اللـي همهـم كثـر الأقـوال
وأعـز نفسـي عـن دروب الطمانـي

أبـوي راع الطيـب مضـرب للأمثـال
أفخـر بذكـره ياعـسـاه الجنـانـي

وفي لابتي بكتب مـن المـدح ماجـال
في بحر فكـري مـن جـزال المعانـي

(( اولاد زايد))هم عما كـل مـن عـال
كسَابـه النامـوس خطـل اليمـانـي

أهل الوفاء والطيب فـي كـل الأحـوال
مهمـا كتبـت بطيبهـم مـا مـدانـي

فزَاعـهٍ للجـار يـوم الزمـن مــال
فـي ساعـهٍ عليـه ضـاق المكانـي

تاريخهم تفخـر بـه أجيـال وأجيـال
اللي لهـم فـي قمـه المجـد شانـي

ربعي هل الطالات لا ضاق بـي حـال
لامـن علـى جهـدي زمانـي حدانـي

لاشفت مـن وقتـي تعاسـه وغربـال
لازادت احزانـي ووقـتـي جفـانـي

أنخاء ((الدواسر)) عزوتي لاأحتما الجال
اللـي لهـم وقفـه تـعـزز كيـانـي

أطوح النخوه علـى أسـوود وأشبـال
صغيرهـم يـفـزع بلـيـا تـوانـي

يوم اللقـاء و افعالهـم نعـم الافعـال
يردون حوض المـوت عـزم وتفانـي

يوم الوغاء يوم الخطر يـوم الأهـوال
عدوهـم ضاقـت علـيـه المحـانـي

تشهـد فعايلهـم ميـاديـن وجـبـال
تاريخهـم شامـخ عليـه الضمـانـي

يالايمـي فـي حبهـم جعلـك أهبـال
يلعـب براسـك ليـن تقعـد تعـانـي

 

 

 

 

[معلومات العضو مبارك بن شافي النتيفات]

صح لسان الشاعرة

وسلمت يمينك على النقل

 

 

 

 

[معلومات العضو ابو زابن المسعري]

الله يصح السانها ويرحم ابوها ويجعل مثواه الجنه

لاهنت على النقل وبيض الله وجهك

 

 

 

 

[معلومات العضو الجراح]

صح لسان الشاعره النادرة

قصيدة جزله

وصراحه تهيض ^_^

لاهنت على النقل المميز

ودي وتقديري

 

 

 

 

[معلومات العضو عبدالرحمن بن فلاح آل بريك]

صح لسان الشاعرة النادره .

ولا هنت يا ماجد على النقل .

 

 

 

 

[معلومات العضو الفارس المجهول]

صح لسان الشاعرة النادره ورحم الله والدهارحمتن واسعه

والله يكثرمن أمثالهاونعم يالمهره وبنت ألحصان

ولا هنت يا ماجد على النقل

 

 

 

 

[معلومات العضو الشـيخه]

صح لسان الشاعره ورحم الله والدها
والدواسر شوي بحقهم دواوين
وتسلم يمينك عالنقل

 

 

 

 

[معلومات العضو شافي بن راشد النتيفات]

صح لسان الشاعره ورحم الله والدها
والدواسر شوي بحقهم دواوين
وتسلم يمينك عالنقل

 

 

 

 

[معلومات العضو صارم الودعاني]

السلام عليكم وكل عام وانتم بخير العيد عليكم مبارك صح لسان الشاعرة على هذة الا بيات وهى بنت رجال ويستاهلون المدح عيال زايد ولهى غريبة عليهم اهل الطيب من زمان تحياتى لك

 

 

 

 

[معلومات العضو نآصر البدراني]

والله نادرة هي وقصيدتها


صح لسانها لين ترضى وانا اشهد انها مهره بنت حصان


رحم الله أبوها وغفر له



سلمت يا ماجد على طرحك الرائع ولاهنت ..

 

 

 

 

[معلومات العضو بخيت الغييثي]

الله يصح السانها ويرحم ابوها ويجعل مثواه الجنه لاهنت على النقل وبيض الله وجهك

 

 

 

 

[معلومات العضو هويدي بن هويمل]

يعطيك الف عافيه ياماجد على النقل الرائع ،، وصح لسان قايلتها ،،

 

 

 

 

[معلومات العضو بنت الذيب]

صح لسان الشاعره والله يرحم ابوها

ويستاهلون الدواسر

الله لاهانك يااخوي ماجد على اختيارك الرائع

 

 

 

 

[معلومات العضو عاشق الربوا]

[color=rgb(135, 206, 235)] صح لسان قائل وتسلم يد الناقل [/color]

 

 

 

 

[معلومات العضو ابونورين الودعاني]

صح لسانك وسلمت يمينك ع النقل اخوي ماجد