طيب رماح وطيب الربيع

[معلومات العضو عبدالله بن مرضي الجماعين]

من الميسور اهدي لكم هذه القصيده عسى ان تنال اعجابكم ومناسبة القصيده / بعد العودة من جولة قمت بها في ايام فصل الربيع بضواحي
محافظة ارماح.

يسقي نهار الخميس وليلة الجمعه = يومٍ وليله يشوق الفكر ذكراها
لحظات حطت لها في خافقي طبعه = فيها لقينا الطرب ورماح زرناها
ديرة رجالٍ لهم في المجتمع سمعة = لا زارها الضيف يبطي ما تعداها
يلقا الشحم والدلال اللي لها لمعه = و يلقا رجالٍ علوم الطيب مبداها
فيهم صفات الفخر والعز مجتمعه = والنعم بسبيع لا منا ذكرناها
عدٍ من المجد من وقت الجهل نبعه = ندر حرارٍ جذبها طيب مجناها
قومٍ يلا كبرت القالة لهم فزعه = يأمن من الخوف منهو لاذ بحماها
ومن راح لديارهم يشتاق للرجعه = صفات سكانها سحرٍ لمن جاها
عسى المخاييل تسقيها مع الهجعه = اللي يلا ناض بارقها درج ماها
من شان تخضرالأرض وتكمل المتعه = و نزور أراضيك يادارٍ عشقناها

الشاعر|عبدالله بن مرضي بن فهيد الجماعين

 

 

 

 

[معلومات العضو راشد المسعري]

صح لسان الشاعر عبدالله بن مرضي الجماعين على هذه القصيدة الجزلة ويستاهلون سبيع ماقيل

فيهم من مدح وهم أهل له. صح لسانك مرة اخرى ولك الود والتقدير ،،،

 

 

 

 

[معلومات العضو الودعاني]

صح لسانك ياالشاعر عبدالله بن مرضي الجماعين

قصيدة جزله طال عمرك وتستاهل سبيع المدح

 

 

 

 

[معلومات العضو عبدالله بن مرضي الجماعين]

ارحب ياودعاني يا صلب جداني وابن عمي الغالي يكفيني من القصيده انها كسبت اعجابك فكم هو ثمين عندي وعند الرجال لك وافر التحية

 

 

 

 

[معلومات العضو صالح الجعيدي]

صح لسانك أخوي الشاعر/ عبدالله بن مرضي بن فهيد الجماعين،،، و لاهنت على القصيدة الجزلة.
وتقبل خالص تحيات أخوك ومحبك في الله/ صالح الجعيدي

 

 

 

 

[معلومات العضو عبدالله بن مرضي الجماعين]

مرحبا بك يالجعيدي والله لا يهينك على المرور الكريم

 

 

 

 

[معلومات العضو رعاد]

ديرة رجالٍ لهم في المجتمع سمعة........ لا زارها الضيف يبطي ما تعداها

يلقا الشحم والدلال اللي لها لمعه..........و يلقا رجالٍ علوم الطيب مبداها

صح لسانك والله جزاك الخير على هذةالقصية الرائع

ولا استطيع غير ماقال جريس بن جلبان

اوي ديره بيـن حمـر النفايـد
قبليها الجـزلا وخـربٍ وراهـا
ديرة مصانيم الـدروع آل زايـد
هل كرمةٍ من قل مالـه نصاهـا
اهـل بيـوتٍ كنهـن الفـرايـد
يا من بها المجرم ليا من وزاهـا
اعتضت انا فيها الوجيه الزهايـد
ضعاف النفوس اللي يبيعون ماها
خلـه تعـود دام اثرهـا جدايـد
تنصى آل زايد مكرمة من نصاها
اللي مهيضنـي لبـدع القصايـد
عيد الركاب اللي يثمن اخطاهـا
عند الصعوب مهونة كـل كايـد
لا مـن ورده حجـةٍ نجحـاهـا
نصيتهم وانا مـن المـال بايـد
جلوا لهمـوم وطلبتـي كملاهـا
تكملت من تمر هـدب الجرايـد
وشريت منها البل بمـا ثمناهـا
ابا ارفع البيضا معا كـل رايـد
لاهل الحميـه ممنيـنٍ احماهـا

أخوك أبو مشاري

 

 

 

 

[معلومات العضو فهد الغريري]

السلام عليكم ورحمة الله وبركاته

الشاعر الكريم والاخ العزيز : كبيرالماضي والحاضر

صح الله السانك وعتلا شانك وزادك الله من زوايد فضله

قصيده جزله من راس جزل

ويستاهلون سبيع المدح جعلهم المعزه

وننتظر جديدك المميز

اخوك / فهد الغريري,,,,

 

 

 

 

[معلومات العضو عبدالله بن مرضي الجماعين]

مرحبا واهلاً هلا يابو مشاري = ويسلم السانك ويسعدنا مروك

تحياتي الوافره لك اخي ومشكور على الثناء وان دل على شئ فأنما
يدل على احد الامرين اما ان لك منه نصيب او انك تمتلك ما يماثله وجذبتك له الزماله

 

 

 

 

[معلومات العضو عبدالله بن مرضي الجماعين]

مرحبا واهلين يافهد الغريري=تسلم وحقك من الناموس وافي

هلابك ياجوكر المنتدى ويكفيني من هذه القصيدة انني من خلالها كسبت اعجابك فكم هو ثمين عندي