ياشاص جيتك ناوي اليوم أعزيك

**معلومات** **العضو** · 04-12-2010, 12:32 AM

وهذة القصيدة قالها أحد الشعراء عندما رأى أحد الشباب المراهقين وهو يقوم بتفحيط على جيب شاص جديد بالاضافه إلى انتشار الجيوب وبشكل ملفت جدا مع الشباب الخكاريه فثارت قريحته

وأنشد يقول :

يا شاص جيتك ناوي اليوم أعزيـك =قرب يجيك الموت حـان ارتحالـك
من يوم شفنا لابس ألكـاب راعيـك=مدري وش اللي غير اليـوم حالـك
أبـو سبيـب كنهـا شكـة الديـك=يمشـي وكنـه مـوردك للمهالـك
إن كـان ذا حالـك فحنـا نخليـك=يوم الربـع قالـو ترانـا رجالـك
عقب الكوامر والعبث بالشرابيـك=واليوم فوق الشاص عقب الكدالـك
مـا بـاقي الايقلبـونـك تماتـيـك=ويبـدلـون ألمرتـبـه بالمـدالـك
مادام حطوا لـك جنـوط وسيراميـك=اصبر تحمّـل كـل شـي ينالـك
يا للي ركبته وش تبـي بالمهاليـك=غلطان أبوك اللي رضا واشترى لـك
الشاص ماهو لك ولا هـوب باغيـك=الشاص لرجال(ن) تعرف المسالك
لصار جـو البـر يمخـش اياديـك=خله يجـي قرم (ـن) يسوقـه بدالـك
مدام طوقك مرتفـع عـن علابيـك=وأبـوك زود بالنعـومـة دلالــك
عز الله إن أبوك عجز(ن) يربيـك=ولامسك نصب المساحـي شمالـك
لمـع وظلـل صافيـات الشبابيـك=لا يفارق الفيري مع الوقـت بالـك
الشاص مالك به أقصار خطاويـك=حـدك تراه الدائـري ذا مجـالـك

**معلومات** **العضو** · 04-12-2010, 02:28 AM

ههههههههه

صح لسانك ياعبدالله المصارير
وصح لسان الشاعر انشهد انه ابدع ..

تقبل تحيـــاتي وتقديـــري

**معلومات** **العضو** · 04-12-2010, 10:48 AM

صح الله لسانه وما قصرت الله يعطيك العافيه

تحياتي وتقديري

**معلومات** **العضو** · 04-12-2010, 12:15 PM

عبد الله المصارير

الله لايهينك وسلمت يمينك

وصح ذوقك ولسان الشاعر

وعز الله ان الشاص شاف مايكره

تحياتي وتقديري

**معلومات** **العضو** · 05-12-2010, 10:53 PM

ابو مبخووووووووووت

سااااااااااالم الخضراني

ابو شاااااااافي الدوسري

نورتوا الصفحة والله يبيض وجيهكم يالنشاااااما

احترامي وتقديري لشخصكم

**معلومات** **العضو** · 05-12-2010, 11:08 PM

الأخ الفاضل عبدالله المصارير
الشاص ماهو لك ولا هـو باغيـك
الشاص للرجال اللي تعرف المسالك
لصار جـو البـر يمخـش اياديـك
خله يجـي قرمـن يسوقـه بدالـك

تسلم يمينك على النقل الرائع وصح لسآن شآعرها لاتحرمنا جديدك
تقبل شكري لشخصك الكريم 0

**معلومات** **العضو** · 10-12-2010, 09:32 AM

اقتباس:

المشاركة الأصلية كتبت بواسطة زبـن العــمور

الأخ الفاضل عبدالله المصارير
الشاص ماهو لك ولا هـو باغيـك
الشاص للرجال اللي تعرف المسالك
لصار جـو البـر يمخـش اياديـك
خله يجـي قرمـن يسوقـه بدالـك

تسلم يمينك على النقل الرائع وصح لسآن شآعرها لاتحرمنا جديدك
تقبل شكري لشخصك الكريم 0

أخوي زبن العمور

بيض الله وجهك على مرورك العطر الذي يحضر دائماً

**معلومات** **العضو** · 10-12-2010, 11:55 AM

الله الله صح لسآآآآآآآآنه..

وماحدن بلايمه..

لاهنت اخوي على الطرح..

**معلومات** **العضو** · 03-01-2011, 11:01 PM

ارحب ارحب ياعبد الله صح الله اللسانك واللسانه وبيض الله وجهك على القصيده

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية