من روس زعب اللي يضدون الاضداد

[معلومات العضو سلطان بن دخيل الله]

	بسم الله الرحمن الرحيم القصيده وقصتها كامله حسب مارواها شاعرها رحمه الله مناسبة هذه القصيده كان رحمه الله في طريقه عائد الى الكويت بعد زيارته لاهله في ( وادي برك ) وكان ذلك قبل 38 عام تقريبا ولا يوجد طرق مسفلته ولا مراكز للصيانه في الا في المدن الرئيسيه وتعطلت به سيارته في طريق الرجعه في الشمال قبل وصوله لدوله الكويت ومر به بعض الشباب في ذلك الوقت في المكان الذي تعطلت به السياره ونخاهم يساعدونه ويسحبون سيارته حتى بلوغ المدينه ولاكن للاسف ماثمنوا نخوته لهم حتى قيض الله له ان يلتقي بـــرجل من قبيلة زعب ويدعى ( ربيــع الزعبي ) ونخاه وانتخى له قال وشفيك ياولد قال شوفك بعينك السياره متعطله وادور على اللي مثلك وشرواك قال وين انت تبي قال ابي الكويت قال الامنت بتبي بغداد قال لاوالله ابي الكويت ولا وصلنا الكويت فالله لايهينك قال لايهم والله باذن الله مايجي دور هالليله الا وانت فيه ان مشى مشينا وانا مامشى شليناه وفعلا سحب السياره وصلحه وبعد ماصلحه وجيت بسلم حق التصليح حلف ودفع حق التصليح وهذا يدل على طيب ساس هذا الرجل وكرمه الامحدود وقام بالواجب وزاد عليه ومعدن الرجل الطيب مايبين الا بالمواقف وعزالله انه من قبيله ذكرها يرفع الراس ويشهد على ذلك وقفتهم دون قصيرهم في وجه الشريف اللي كلا يعرفها وفخرا لهم يستاهلونه لين تقوم الساعه وهذا جزء قليل من امجادهم تجسد في هذا الوقفه وقال فيه رحمه الله هذه القصيده ياحـيسفا يـانخـوتي بعـض الاولاد=مـاثـمـنوا لــي قـولـة يـالعـيالـي كسب العلا صعـبا على كـل كـواد=ولا كـل رجـل للمـراجـل ينـالي المرجله تـبغي لـها عــزم وجــهاد=وصبرا على ميل الدهر والعدالى ياوالـله اللي صـار للجــمس لـداد=مـن عـقب ماويـله يشـق الرمالي شـريـت انـا لـه كـل شـي ولا فاد=ومن الوكاله جـبت لـه كل غــالي والهقـوة انـه صايبه عـين حـساد=عسى العمى لصبي عيـنه خلالي امس وقبل امس على العين لاعاد=وقـبله ثـلاث أيـام واربــع لــيالي بارضا خلا مابه من الـناس رواد=برضـا خـلا فيـها وحـيد لـحالـي والصـدر كن به للهواجيس ميعاد=وماكان غاب من الهواجيس جالي لاكن فزع لى خالقي بابن الاجواد=لاعـل مـايقـطـع للا جـواد تــالـي بربـيعـا عشـيق مـزمـوم الانــهـاد=لـعــل عـمــره دايــم مـأيــزالـي وزال الهموم وهان من المر ماكاد=الله يـجيـره مـن صـدوف الـيالي ثم قــال وشـبك قلـتله يـابن الاجواد=شـوفـك بعينك كافـيا عـن سؤالي ثـــم قـــال والله لانــوديــه بــغــداد=وان ما مشى لاياصله لـو يشالي وان كل مايطلب على نقد واقصـاد=والله وامــانــه مــاتســلم ريــالي تعيش يارجلا كسـب كـل الامجـاد=وحـاش المراجـل كلهـا بالكمالـي تبــناله البيـضاعــلى روس الارجــــاد=واعداد ماتذري الرياح الرمالي من روس زعب اللي يضدون الاضداد=زعــبا هـل الردات عند التوالي زعبا عــزاز الجــار بــانــين الامــجاد=ودونه تبـيع ارواحها والـحلالي هل فــرســة من دور عـــادا وشــــداد=ويشهد لهم تاريخهم والرجــالي والطيب ماهو مشفــقا عــند الاجـــواد=لاكن ذكرته يوم جــاله مجــالي وصــلاة ربـي عـــد ذعــذاع الانــواد=واعــداد ماهبت هبوب الشمالي الشاعر : دخيل الله ابن محمدابن دخيل الله الشكره رحمه الله وادي بـــــــــرك

 

 

 

 

[معلومات العضو بن مشخص المسعري]

سلطان بن دخيل الله

بيض الله وجهك على ذكر هالقصه والقصيده الطيبه

اللي تنم عن الوفاء والفزعه والعلوم الغانمه

ونعم بقبيلة زعب من غير قصور بباقي القبائل

 

 

 

 

[معلومات العضو سلطان بن دخيل الله]

مشكور على مرورك الطيب بابن مشخص والله لايهينك

 

 

 

 

[معلومات العضو ابن وتيد السباعي]

سلطان بن دخيل الله

بيض الله وجهك على ذكر هالقصه والقصيده الطيبه

اللي تنم عن الوفاء والفزعه والعلوم الغانمه

ونعم بقبيلة زعب من غير قصور بباقي القبائل

 

 

 

 

[معلومات العضو أبو سعود الودعاني]

كفو والله بزعب


ورحم الله الوالد دخيل الله واسكنه فسيح جناته


ولاهنت يالغالي ولا تخلينا من قصايد الوالد

تقبل خالص ودي

 

 

 

 

[معلومات العضو ابو زابن المسعري]

رحم الله الشاعر دخيل الله ابن محمد الشكره

رحمة واسعه واسكنه الله فسيح جناته

وبيض الله وجه الزعبي عزالله انه يستاهل المدح

ولا نستغرب منه هذا الفعل لانه من قبيله طيبه

 

 

 

 

[معلومات العضو سلطان بن دخيل الله]

مشكور يالغالي على هالمرور الطيب

 

 

 

 

[معلومات العضو عبدالرحمن الشرافي]

كفووووووووو والله بــزعب

ويستاهل والله الزعبي المدح


ورحم الله ابوك ما جحد جمـيــــلـه ..



لاهنت يا سلطان على النقل



تحياتي

 

 

 

 

[معلومات العضو سلطان بن دخيل الله]

يستاهل المدح على علمه الغانم
وانت مني تستاهل الشكر ياعبدالرحمن على مرورك الطيب
وبيض الله وجهك

 

 

 

 

[معلومات العضو أبونواف الدوسري]

رحم الله الشاعر دخيل الله ابن محمد الشكره

رحمة واسعه واسكنه الله فسيح جناته

وبيض الله وجه الزعبي عزالله انه يستاهل المدح

ولا نستغرب منه هذا الفعل لانه من قبيله طيبه

 

 

 

 

[معلومات العضو سلطان بن دخيل الله]

الله يرحم والديك من عذاب النار
يابونواف
يكفيني شرف مرورك على مشاركاتي
بيض الله وجهك
ولك مني جزيل الشكر وبلا حدود

 

 

 

 

[معلومات العضو ابومبخوت الدوسري]

لاهنت وبيض الله وجهك ياسلطان بن دخيل الله

ورحم الله الشاعر دخيل الله الشكره واسكنه فسيح جناته

قصيدة جميله ورائعه من روائع المرحوم

تقبل تحياتي

أخوك /بومبخوت

 

 

 

 

[معلومات العضو ابوبدر المصارير]

ثم قال والله لانوديه بغداد=وان ما مشى لاياصله لو يشالي
وان كل مايطلب على نقد واقصاد=والله وامانه ماتسلم ريالي
تعيش يارجلا كسب كل الامجاد=وحاش المراجل كلها بالكمالي
تبناله البيضاعلى روس الارجاد=واعداد ماتذري الرياح الرمالي
من روس زعب اللي يضدون الاضداد=زعبا هل الردات عند التوالي
زعبا عزاز الجار بانين الامجاد=ودونه تبيع ارواحها والحلالي
هل فرسة من دور عادا وشداد=ويشهد لهم تاريخهم والرجالي

كفو والله بزعب والله ومليون نعم

والله مايضيع المعروف بين الاجواد دام فيه مثلك وشروك ياسلطان يدونونه ويحرصون عليه وعلى ذكره

الله يرحم الشاعر دخيل الله وبيض الله وجهك ياسلطان على الذكر الطيب

اخوك ابو بدر

 

 

 

 

[معلومات العضو ابو زيد الغييثي]

من روس زعب اللي يضدون الاضداد=زعـبـا هــل الـــردات عـنــد الـتـوالـي
زعـبـا عــزاز الـجـار بانـيـن الامـجـاد=ودونــه تـبـيـع ارواحـهــا والـحـلالـي
هــل فـرسـة مــن دور عــادا وشـــداد=ويشـهـد لـهـم تاريـخـهـم والـرجـالـي

كفووو انعم وأكرم بزعب يحرون بالطيب

و الله يرحم الشاعر الكبير دخيل الله بن محمد

ولاهنت يا بو نواف على ايراد هذه الابيات الجميله

أخوك / ابو زيـد

 

 

 

 

[معلومات العضو فيصل الشكري]

سلطان بن دخيل الله

بيض الله وجهك على ذكر هالقصه والقصيده الطيبه


والله يرحم الشاعر الكبير / دخيل الله بن محمد


تقبل تحياتي,,