من بــــــــــادى الوقــــــــــت

[معلومات العضو الواضـــــــــــح]

في منتدى مثل منتدانا منتدى قبيلة الدواســـــــــــر تجد صعـــــــــوبة بالغة في اختيار قصيدة لتشارك بها والسبب هو لوجــــــود شـــــــعار اقل مايقال عن احدهم انه شــــــــــاعر فحل .فالتمس العذر منهم ليسمحو لنا بأن نشارك بقصائد من اختيار ذائقتنا المتواضعه

قصيدة من بادي الوقت

للشاعر سمو الامير خالد الفيصل


من بادي الوقت وهذا طبع الايامي
عذبات الأيام ما تمدي لياليها

حلو الليالي توارى مثل الأحلامي
مخطور عني عجاج الوقت يخفيها

أسري مع الهاجس اللي ما بعد نامي
وأصور الماضي لنفسي واسليها

أخالف العمر وأراجع سالف أعوامي
وأنوخ ركاب فكري عند داعيها

تدفى على جال ضوه بارد عظامي
والما يسوق بمعاليقي ويرويها

الا صفى لك زمانك عل يا ظامي
اشرب قبل لا يحوس الطين صافيها

الوقت لو زان لك يا صاح ما دامي
يا سرع ما تعترض دربك بلاويها

حتى وليفك ولو هيّم بك هيامي
سيور الأيام تجنح به عواديها





وهذا الرد من داثر الوقت

للشاعر سمو الشيخ محمد بن راشد المكتوم



يا مرحبا يا معنى خط الاقلام
مثائل شوقتني في معانيها

حي المثائل يا سلالة نسل الكرام
يا من بيوته عن الزلات يحميها

من داثر الوقت وهذا طبع الايامي
مرات تصفى ومرات الكدر فيها

كم واردا ضاميا صد درب الاحيامي
وكم واردا شرب من صافي مغانيها

لا تنظر اللي مضى وتعد الايامي
ارعى ربيع الزمان أول لياليها

حلو الليالي تعوض مر الايامي
ما يحسب الوقت ويفكر في ماضيها

لو كان ما بي كتبته جفت أقلامي
من حرتي أبدع أمثالي واغنيها

ردار فكري يصورلي مضن زامي
في هندس الليل يوم أرتاح غافيها

يوم الخلايا تنام وفكرها نامي
حرام عيني لذيذ النوم يغفيها

حالي كما عشب صيف صابها الضامي
ولا كما وردة جفت نواديها

نار الغضى والتوقد في بحر طامي
خالد وعيا مولعها يطفيها

ريم رعى في الفياض وزهر الاوسامي
قائد خشوف الجوازي في مفاليها

بأرض محيله ولو توطى لها أقدامي
تزهى وتضحك لها الدنيا وتحييها

سود الليالي مع صلفات الايامي
نأخذ مقادمها ونترك تواليها

نمشي على درب ما تأطأها الاقدامي
وإن وعرت الارض يعجبني المشي فيها

يا خوي انا ريت رويان وهو ضامي
يا كيف عطشان في جاري سواقيها

ريح ضميرك ولو هيم بك هيامي
حقا على اللي جرح نفسك يداويها

يا مفطر الوقت هذا شهر الصيامي
وليلة القدر في أخر لياليها

يا زين هد الوحش بعض الايامي
في ديرة قفرة عسره مضاويها

أشقر طويل المعنق يبري أعظامي
صوايده من فنادي الصيد يدميها

يا شيخ هذا زمان كله أنعامي
الذيب جائع وشبعانه حصانيها

لو كان يبغى يغزر نابها الدامي
يا كيف تكسر جوارحها طواريها

وكل مخلوق في هالدنيا فلا دامي
لابد تنهي مغازلها مطاويها

وأخر كلامي بحرف السين واللامي
والميم والعين تتلاها قوافيها

 

 

 

 

[معلومات العضو ناصر بن فهد]

صح لسانك ولاهنت على النقل الرآئع
والله يعطيك العافيه

 

 

 

 

[معلومات العضو عقاب بن هذال ال بريك]

اختيار فالابيات مميز وذائقه فذه لله درك أخي الواضح ...