مساجله بين الشاعر مطحس بن حمد و الشاعر حسن القحطاني

[معلومات العضو ذيب قحطان]

أعضاء وزوار منتدى قبيلة الدواسر

يسرني ويشرفني أن أنقل لكم هذه المساجله بين الشاعرين

مطحس بن حمد بن عرار و حسن بن محمد بن وزن ال مسعود القحطاني

مطحس

راكب الي لا حديته على اليمه يزوع .. زوع حر ٍ شاف خرب الحبارى بالعيان

جيب لكزس طخته كنها طخة فروع .. في محاسنها رموز التدلع والحنان

يقصد الي يدرك الطيب بالعزم البتوع .. لين خلا بين روس النشامى له مكان

الرفيق الي حوا المرجله من كل نوع .. فزعة المظيوم والبيض قسمه من زمان

ذا حسن وافي المعاني وعشاق الطلوع .. ماكره روس الشواهيق مارب الطمان

من سلايل روس قومن يفصّون الدروع .. بالرماح و بالبواتير و الشلف السنان

في نهارن يرعب القلب بالموت ويروع .. عزتي للي وقع في نحا خيل اقحطان

لا ذكرت انه رفيقي لو اني به قطوع .. صرت ماكنه ابيجيني ممات ولا دفان



حسن


راكب الي دوبها من حديثات الصنوع .. نوع بوينق الحديثه علا كرت الضمان

حسها يوم اقلعت رج طبلات السموع .. ماقرب حول المدرج ضعيف ولا جبان

ماتحسّب للمسافه ذهاب ولا رجوع .. تذهب و ترجع ما بين الاقامه و الآذان

لا نهزها الكابتن الي علا ملة يسوع .. فالعباده مرجعه عند بابا الفاتيكان

فك ريقه بالنبيذ الحمر عن كل جوع .. ماحسب ذنب الصلوات وصيام ارمضان

لاآستوت فالجو تقدح مثل قدح الشموع .. في سهر ليلة عريس دخل جو الحنان

وكن قطرات الغدق في قزازتها دمووع .. اعتلت خد اليتيمه علا باب الضمان

يانديبي فوقها لا بدا وقت السطوع .. وآهبطت وسط الرياض وطفا نور الامان

انحر الزيزوم راع الوفا ذرب الطبوع .. الرفيق الصافي الوافي القرم الحصان

ذاك مطحس راعي المرجله شوق الميوع..طامح عن ضف من عودت عشره ثمان

سلسلة فريّس دوسر مفرقة الجموع .. في نهارن يتعب الخيل مقباض العنان

ياخوالي يامزبنت من لحقه ارموع .. من دخل بوجيهكم لا يمس ولا يهان

ايتباهى ويتمخطر تمخطار الشبوع .. في عصاه الوسم وعجافه اتعود سمان

يانديبي قله اني على شوفه طموع .. لو يطول البعد من بيننا نبقى اخوان

 

 

 

 

[معلومات العضو محمد راشد النتيفات]

لاهنت ياذيب قحطان على النقل

 

 

 

 

[معلومات العضو شافي بن راشد النتيفات]

بيض الله وجهك على النقل الرائع

 

 

 

 

[معلومات العضو مبارك بن شافي النتيفات]

ارحب ياذيب قحطان ولاهنت على النقل الرائع والمميز

بانتضار جديدك