قصة البيت ( يالله وانا طالبك حمراً هوى بالي ...

[معلومات العضو راشد المسعري]

يالله وانا طالبك حمرا هوا بالي ** ليا روح الجيش طفاح جنايبها

والكثير لايعلمون لمن البيت او ماهي القصيده كامله ،القصيده للشاعر (فراج ابن ريفه القرقاح) جد الشاعر المعروف فلاح القرقاح وكان عليه دم لواحد من جماعته من قبيلة (عبيده)قحطان. وجلى عن القبيله وانتظر (ابن شفلوت) يحل القضيه بصفته شيج قبايل عبيده لكي يعود لقبيلته في (طريب) وكان قد جلى عند قبيلة (سبيع) وبعد مرور عشر سنوات ارسل القصيده هذي اللي خلت الجميع يتحرك لها وعلى راسهم ابن شفلوت وانتهى الدم الي عليه.. ويقول:-

قال ابن ريفه بدا في المرقب العالي =واعلى المراقيب توميبه هبايبها
يامرقبي جاك من الاسبار همالي = انصوب مزن من المنشا يهل بها
مايدهله كون صافي الريش والوالي = والا الولع يوم يفتك في عجايبها
انا ولد طارفه مانيب كسّـالي =اخاف من خبرة باحت مزاهبها
عليك يامرقب جيته وانا سالي = هيّض على القلب ديران شطيت بها
هيض علي شدوق(الثفن)لياسالي = عطفة (طريب)ليا زافت عجايبها
ليا من غدا الفيض كنه زرع عمّالي = سيله من القدم للبطنان ناهبها
كم مرة قد نزلنا عشبه المالي= بيوتنا لاوزا المجرم يلوذ بها
ننزله ببيوت عرّاف وجهّالي = وان جا النذر من حفيف مانزهبها
ربعي (عبيده)ليا جا هوش وقتالي =اهل هيّة في الضحا تشعا كسايبها
انشد عبيده هل الطولات من حالي = وانشد الاجانيب يوم انا نقرّبها
منهو يقلّط على فرش وفنجالي = سعد ابن عمه ليا جاته مكاربها
ليا من غدا بين نقّاض وفتّالي= وصفّت الاجانيب وآذته بطلايبها
ثم جيتهم ثم لفحت بهم على الجالي =لفح الدلي للمعدي يوم يجذبها
ياراكب ميمونة في مشيها ارمالي = ماي شتّحن من هل العيرات راكبها
تزها السفايف وتزها الخرج وحبالي = ومجرّب ليا سرا في الليل صال بها
ملفاك من يلبسون الجوخ والشالي = ربعي ودرعي وضد اللي يحاربها
ملفاك شيخ القبيله حامي التالي =عند (ابن شفلوت)يالمنجوب قرّبها
قل له علي طالت المدّه وانا( جالي) =(عشر سنوات) مضت بحساب مقطبها
فان كان ربعي نسوني ماني بغالي = باعيش في ديرة قفرا جوانبها
في ايدي قرار تفك الجمع ليا اهتالي = طويلة ناحل مقضب خشايبها
لي بندق ماصنعها الصانع التالي =من دقّة(المارت) نحالن مقاضبها
شريتها بالثمن يوم ارخص المالي= ميه وعشرين مايمهل بغايبها
الله يرحمك ياعود شراهالي =من واحد جابها للسوق جالبها
حديدها وانا اذكر الله كنه ريالي = كن الحيايا تطوّا في مقاضبها
اوقف بها بين ربعي وامنع التالي = ان خاف ولد الردي مااحتال يزهبها
عط الطويله عريب الجد والخالي = ولد الردي لاتخلونه يزول بها
واللي رفيع وللشوفات حمّالي = ارفع نواصيه ياربي وقطبها
انا من الخبره اللي شورهم عالي = واهل سلوك الردا يارب تذهبها
بنت غراها زباد في ايد دلالي = والا طموح هواها من يلاعبها
كم مرة قد ضربنا منجم خالي = وكم جملة فرقتها من ربايبها
وليا لفونا من المقناص زعّالي = احد مدح بندقه واحدن يعذربها
بشرتهم بالعشا من عقب مقيالي = القايده مع مرد الكوع ضاربها
اضرب بها الوعل ليا جاله تهنفالي = ابو حنيّه كبير الراس شايبها
ذبحت عشره بها والظل ما مالي= والحاديه روّحت تثلع مضاربها
ويالله وانا طالبك حمرا هوا بالي= ليا روّح الجيش طفّاح جنايبها
ليا روّح الجيش حاديه اشهب اللالي = لاهي تورد وسيع صدر راكبها
اللي على كورها واللي بالاحبالي =واللي على عيزها واللي بغاربها
ليا روّحت مع سباريت الخلا الخالي =كن الذيابه تناهش من ترايبها
تمت وصلو عدد ماهل همالي = علىنبي شروع الحق رتبها
اغفر ذنوب الفتى يالله ياوالي = ليا جيت في حفرة رزّو نصايبها

 

 

 

 

[معلومات العضو ابو زيد الغييثي]

اررررررررررررررررررررحب يا بو محسن

ولا هنت على ايراد هذه القصه الشهيره

و رحم الله الفارس / فراج بن ناصر بن مسفر القرقاح

وهو شاعر فارس ذاع صيته باكثر من قصيده

وخصوصا ً هذا المقطع الشهير :

ويالله وانا طالبك حمـرا هـوا بالـي=ليـا روّح الجيـش طفّـاح جنايبهـا
ليا روّح الجيش حاديه اشهب اللالـي=لاهي تـورد وسيـع صـدر راكبهـا

 

 

 

 

[معلومات العضو abuadeeb]

تسلم يا الغالي راشد المسعري على اتحافنا بهذه القصيدة وذكر مناسبتها

 

 

 

 

[معلومات العضو أبو جمال الغييثي]

ابومحسن

لاهنت يالقرم على ارادة هذه القصيدة لشاعر /فراج بن ريفه القرقاح رحمه الله

واعجبني البيت الي يقول

لي بندق ماصنعهـا الصانـع التالـي=من دقّة(المـارت) نحالـن مقاضبهـا
شريتها بالثمن يوم ارخـص المالـي= ميـه وعشريـن مايمهـل بغايبهـا

تقبل فائق احترامي

ابوجمال الغييثي

 

 

 

 

[معلومات العضو رائــــــــــد]

راشد المسعري
بيض الله وجهك يالقرم
على النقل الموفق
للقصيدة ومناسبتها
تقبل تحياتي

 

 

 

 

[معلومات العضو ابو زابن المسعري]

بيض الله وجهك على هذه القصه والقصيده المشهوره

 

 

 

 

[معلومات العضو الزين]

بيض الله وجهك ياالمسعري والله يجزاك خير

علي توضيح قصــــــــــه ؟؟؟؟القصيده !!!!!

وانا منزلتها صوتيه باالمنتدي للي يحب يسمعها

الرابط
http://alduwasser.com/vb/showthread.php?t=25957

 

 

 

 

[معلومات العضو غازي المسعري]

اررررررررررررررررررررحب يا بو محسن ولا هنت على ايراد هذه القصه الشهيره و رحم الله الفارس / فراج بن ناصر بن مسفر القرقاح وهو شاعر فارس ذاع صيته باكثر من قصيده

 

 

 

 

[معلومات العضو vip909]

لا هنت علي الموضوع


والله يرحم ابن ريفة

ونعم بفلاح القرقاح يقولها من اعرفه

 

 

 

 

[معلومات العضو شافي القويسي المخاريم]

بيض الله وجهك على ما قدمته أخوي راشد


تحياااااااتي

 

 

 

 

[معلومات العضو ابو فهد الغييثي]

تسلم يا الغالي راشد المسعري على اتحافنا بهذه القصيدة وذكر مناسبتها

والله يعطيك العافيه

 

 

 

 

[معلومات العضو راجــع]

شكرا على ايراد القصه الرائعه ... والمشهورة

 

 

 

 

[معلومات العضو راشد المسعري]

[ALIGN=CENTER]

ابو زيد الغييثي ، ابو جمال الغييثي ، ابو أديب ، رائد ، ابو زابن المسعري ، الزين ، غازي المسعري ، vip909 ، شافي المخاريم ، ابو فهد الغييثي ، راجع ارحبو جميع تراحيب المطر والمعذرة يالربع على عدم الرد في الوقت المناسب ، وبيض الله وجيهكم جميعا على مروركم وتعليقكم على القصة والقصيدة الشهيرتين وتقبلوا ودي وتقديري ،،،

[/ALIGN]

 

 

 

 

[معلومات العضو بنت الشايب]

لاهنت ياراشد على طرحك الجميل


سلمت يدجاك لتبدع

دمت بود..

 

 

 

 

[معلومات العضو أبونواف الدوسري]

لا هنت على الطرح الرائع أخي الغالي...

بارك الله فيك...