ناصر بن لقرع ( وصف الإبل )

[معلومات العضو راشد جفن الهاجري]

اهدي لكم هذه الابيات للشاعر // ناصر ابن لقرع الهاجري

من اقوى شعراء بني هاجر ومن اقوى الشعراء في وصف الابل والمرابيع



لن اطيل عليكم

دار الفلك وسهيل عقب الفجر بان=وعدو هل البل ناهيات المفاريد
واستاقو المظهور من كل مقطان=وصار الضحى كله هبوبه تباريد
تسابقو قفر المنادي على شان=يرجون وسميا" سحابه مراجيد
تصبرو خمسين ليله بحسبان=واثمر رجاهم من صدوق المواعيد
اقبل سواده تختلف منه الاذهان=دهم المزون اللي مطرها تراديد
سيله صدوق ويلحق السيل ودان=ويحوز من سيله بعض شرد الصيد
جرة كريم ربعت كل الاوطان=وكل ثنى للرب شكر وتحميد
وراحو عسوس القاع ذربين الايمان=فوق الجيوب مقربات المباعيد
تمثنو السبسب ومن فوق رزحان=فوق ام زور يسار ماضمه الحيد
تنصو الشيط ودار ابن رشدان= وتيامنو بالدرب من عقب تسنيد
ومرو على جو الصداوي مسيان=والفو على بعض الوجيه الاجاويد
يوم اصبحو عاذوه من كل شيطان=ساقو عليه وزبنوه المقاصيد
وداجو وراجو في صحاصح رميثان=ولا عن الرقعي وشعبه تصاديد
جاو الشعيب اللي من الخير مليان= زافات عشبه غاديا" له عناقيد
ثم لزموه الدرب يمة رمادان= يوم انكفو جابو علوم التساعيد
وكل عقد رايه مع وقت الاذان= وقاد الحلال وقربو نازح البيد
ماطاوعو شور المزورب وكسلان= ساقو يبون فياض عشب مجاديد
كنها لياقادت دخاخين نيران=ولا البواخر بين صادر وتوريد
قم يافهد** واحسب احسابك من الان=البل تبي مثلك صبور على الكيد
صوت لها واطلق عن القيد خشبان= لاتربطه ماهوب يستاهل القيد
شوفه يباريها ويبراه قطعان= يزود في الروح القصيره تماديد
يبرى لسود نوعها غال الاثمان=كنها خراج موثقين البواريد
سود البكار اللي فحلها هديان= علط الرقاب جلال عظم ومسانيد
ومرق الغوارب ضافية وجه وذهان=واطيمس عرضة عيون المقاريد
من ساق فيها المال ماهوب خسران= نقاوة ماولفوها الرعاديد
تفرح قلوب اللي على الصدق صدقان=وتكوي قلوب اهل القلوب المغاديد
وتطلق لسان اللي على المدح ماخان= وتربط لسان مدورين المناقيد
بعض البشر ينقد وهو فيه نقصان= ومشقيا" نفسه مع زيد وعبيد
يلوي حنوكه يشتم فلان وفلان= ويرفع جنابه بالحكي والهرابيد
هذا وانا مالي مع هل الردى شان=غرامي اللي تفعل الطيب وتزيد
كرمان في عسر الليالي وظفران= في حزة" فيها التفاهم تهاديد
قلته وانا طالبك يالله غفران= رحمة كريم مالفضله تعاديد
لاجاء نهار بين داين وديان= يشيب منه الرضع اللي على الديد
تجعل لنا في دار الابرار مسكان= ويشفع لنا اللي مرسلا للبشر سيد

وسلامتكـــــــــــم

 

 

 

 

[معلومات العضو ابو فهد الغييثي]

صح السان الشاعر/ناصر ابن لقرع الهاجري

ويعطيك العافيه على طرحها ولاهنت

تحياااااااااااااااااااتي

 

 

 

 

[معلومات العضو شافي القويسي المخاريم]

صح لساااان الشاعر ناصر
عزالله قصيده طيبه في الابل
لاهنت على الطرح يا ابن جفن
تحياااااااااااااتي

 

 

 

 

[معلومات العضو محمد الولامين]

صح لسان شاعرها


ولا هان من نقل القصيده


في انتظار جديدك

 

 

 

 

[معلومات العضو راشد جفن الهاجري]

أبو فهد الغييثي

لاهنت على الرد و ما تقصر يالقرم

 

 

 

 

[معلومات العضو راشد جفن الهاجري]

شافي المخاريم

لاهنت على الرد يالقرم و ما تقصر

 

 

 

 

[معلومات العضو راشد جفن الهاجري]

محمد الولامين

لاهنت على الرد يالقرم