|
|||||||
22-01-2008, 07:59 PM
|
#1 | ||||
|
روائع x روائع ( ابداعات دوسريه )
 اقـــدمــ لأخي القارئ مجموعه مختاره من الابيات بين " الوصف والحماسه والفخر ألخ .. من التوجهات الشعريه ، ولقد بدأت فكرت تدوين افضل ما قاله الشعراء منذ ان عرف الرواه التدوين فاعجبوا بسبع قصائد طوال فسموها المعلقات وايضا ً قيل انها عشر ، وايضا ً قام المفضل الضبي بانتقاء عدة قصائد فسميت " المفضليات " وكذالك الاصمعي وسميت " الأصمعيات " ، اما ما ساقدمه لك أخي القارئ هو ما اخترته من قصائد أخواننا الشعراء في هذا المنتدى او من خارجه وهي قصائد اتمنى ان تحوز على أعجابكمـ ملاحظه هامة " ترتيب القصائد غير ُمتعمد " ابتداء بابيات للشاعر دغش بن بطي رحمه الله وهي من اقرب قصائده الى قلبه :
ألآ يـاناشدٍ عـني تـفضلْ وإسـتمع بآأجيب = إجـاباتي عـلى قـد الـسؤال الـلي تهذريبه أنـا رجلٍ وأحب الطيب واللي يفعلون الطيب = ورجـلٍ يحشم أهل الطيب والمعروف ياطيبه وأنـا رجـلٍ عـزيز النفس وأدورْ لها تجنيب = عـن إدروبٍ بـها الغرَات والشكَات والريبه وأنـا رجلٍ كثير الخوف من اللي عالمٍ بالغيب = وأسـآله يـغفر ذنـوبي ونـسلم مـن تعاذيبه وأنـا رجلٍ غيورٍ وأكره أهل الكفرِ والتخريب = ورجـلٍ مـامشى فـي مـنهج التوحيدِ ماليبه وأنـا مـن لابـةٍ بـين القبايل تشتهر بالطيب = لـهم تـاريخ ومـؤرخ وكـل الـناس تدريبه وأنـا مـن لابـةٍ خلَتْ عيون المعتدين إتشيب = مـزبنة الـجلاوي لاقـنب ذيـب ودعه ذيبه أنـا مـن لآد زايـد لابتي سقمٍ على الحريب = رجـالٍ يـفعلون الـجود والـناموس تحريبه رجـالٍ يـكسبون الـطايله غـصبٍ بليا طيب = رجـالٍ يـنطحون الـحرب لادارت دوالـيبه إليا من صاح صيَاح الضحى يزهم عليه إنجيب = نـوردها حـياض الـموت مانخشى عواقيبه نـضد الـضد بـالسيف الحدب ونعذبه تعذيب= وشـلفٍ فـي نـهار الهوش ماتبرى مضاريبه ومـن جـانا يـبينا مـالقى ياكون شق الجيب= وإلـيا مـنه تـوهق مـن توهق عاد بمصيبه وحـمينا الـدار وأعـفينا جوانبها من الغريب = يـكون الـلي نحط الوسم في المشعاب يمشيبه بـدون إقصور في باقي القبايل مالحقهم ريب = كـريمين الـرجال الـلي فعول الطيب تمشيبه عطيتك علمي الأول عسى علمي معاك يصيب = وإذا كـفَـاك وإلأ بـاقـي الأخـبار بـآجيبه والشاعر الكبيـــر الذي لن نوفيه حقه : فراج بن فهــد :
نغيب وألا مانغيب أقدامنا فوق السحاب=وأهل المكر فوق البسيطة ماضربنا حسابها إليا رضى عن فعلنا الأبيض رفيعين الجناب=رقط الحيايا خلها إتموت بسموم أنيابها الحر يشهر في السما والبوم ينعق في الخراب=شتان مابين الطيور أشكالها وأسرابها لابارك الله في حضورٍ يستوي معه الغياب=ناسٍ مع العالم تجي وإتروح مايدرابها وإن طلّت الشمس الرفيعة من وراء روس الهضاب=غابت إنجومٍ في الدجا محدن شعر بغيابها ما أقولها ناتج غرور أقولها رد وجواب=على القناه اللي تبث الشوشرة بألعابها مايوقظ الفتنة ويفتح للردى سبعين باب=ألا حثالات البشر ورخومها وأذنابها المجد يحضابه ارجالٍ طافوا آفاق الصعاب=صلب العزايم للمفاخر يشعبون إركابها أما تقيٍ يرجي الجنة ويخشى من العذاب=إدموع عينه في قيام الليل ياما أصخابها وألا حكيمٍ ثاقب النظرة على الدرب الصواب=لاعمست أريا لابته زينات الأريا جابها وألا شجيعٍ ثابت الوقفة وقلبه مايهاب=حامي غنادير البنات وسترها وإحجابها وألا كريمٍ مايدفّن الأرصدة وسط الحساب=إمكبّر الضيفة بدارٍ ماتصكّ أبوابها واللي جمعهن كلهن ياخذ الأماره بإكتساب=طرقٍ على عوج الخشوم اللي تشم ترابها وباقي الأوادم ( مشّ حالك) والحياة أكل و شراب=مثل الدواجن تاكل وتشرب وتنسى أصحابها المرجلة من لاقدر يلحق عليها في الشباب=ماهوب لاحقها لشابت لحيته وأشنابها والشعر وهبة من لدى ( الوهاب) ماهوب إغتصاب=قولوا لشعار المهايط لاتطول أرقابها الشعر مايرفع مقام اللاش وأفعاله سراب=لاشان فعله مايحرك في الرجال إعجابها الشعر ماهوب البطولة والذخيرة والزهاب=حتى المره تقدر تقوله من ورا جلبابها لذا على الشاعر يسمّعنا القصيدة بإقتضاب=والحكم للجمهور يشرح سلبها وإيجابها أحدن قصيده في الحلا : درّ المصاغير العِذاب=لاروّحت من روضةٍ نبت الوسم يزهابها وألا شفايا غادةٍ في ريقها الشهد المذاب=طب الهواوي لاسرى ليله على ( عنّابها) وأحدن قصيده يرفع الضغط ويجيب الإكتئاب=علة وريدٍ ماتعالجها جميع أطبابها ومن لايفكر في عواقب كلمته نال العقاب..= من ( الله ) أول ثمٍ أقوامٍ يثير أعصابها قلته على وضح النقا من دون شكٍ وإرتياب=والكلمه اللي بأستحي من قولها بأبدابها ياللي تفاخر بالمغازي في المخازي : والترا ب=لوكان ربعك والنعم بأفعالها وأنسابها انشد عن القصة مع العقال يامال الذهاب=حتى عيونك تبصر اليمّة ولايغدابها محدن غزانا والليالي كنها لون الغراب=خلْ عاد والدولة على راسك تشد أطنابها هذي ( الحمر) من دونها (حمر) الشلافي والحراب=و(حمر) السيوف اللي صناديد الحروب إتهابها (آلاد شكرٍ) لاتعاوت في ضحى الكون الذياب=فزعاتهم تشبع سراحين الخلا بأسبابها مير اركد وقلّل من الجرعات وأجواء الضباب=لاتقطع إسيولٍ تداحم مع مفيض إشعابها هذه ابيات " محمد بـن ناصر الغريري " :
يقول ابن هديهد جديد القول لا قـال=بدا و ابتدا بأعـذب معانـي امثالـه ابمدح هل الطالات والعلوم الجـزال=أهل الوفا والطيب شـرق وشمالـه أنا دوسري معـرب العـم والخـال=من الغرره نعـم الفخـر و الطالـه دواسـر كنيـو بدوسـر بالأمثـال=فحول الجمال اللي قـوىٍ احتمالـه قد قالها محمـد السديـري ولا زال=واليـوم أنـا اللـي بجـدد مقالـه حنـا الدواسـر متعبيـن الجمـال=وحنا الدواسر على الخيـل خيالـه والخيل ما يركب عليها كود خيـال=يـوم المعـارك كـل قـرم وفالـه أي لا من غدت بعض السوالف طوال=رجـال الغـرره للصعبـات حلالـه رجالنـا يسـوى خمسيـن رجـال=قولٍ صحيحٍ بعطـي علـي الدلالـه تشهد على صدق السوالف الأفعـال=علوم الوفا والطيـب كـل ومجالـه لامن اشتدت الشدات في كل الأحوال=اتبيـن بالشـدات ذيـاب وثعـالـه احـدٍ علـى الشـده وسيـع البـال=وحدٍ على الشدات قصيـره حبالـه لابتي الغرره سعد من حـده الجـال=قصيرهم مـا يشتكـي مـن ليالـه يرتكـون لكـل حـمّـلات اثـقـال=أنشهد إنهم لا أثقل الحمـل شيالـه قومٍ كـرام فيهـم اطـوال ال=امـالسلالـه يـا نعـم فيهـا سـلالـه بيوت شعري فيهـم تصيـر جـزال=و الاشعار ما تصلح بغيـر الجزالـه الآد الغريري عزوتي مثـل الجبـال=هـم اهـل المراجـل و الجمـالـه كامليـن والله اللـي لـه الكـمـال=سبحـانـه الله جــلا جـلالــه رجلٍ بليا ربع عليـه الدهـر مـال=وعزاه يا رجـال بيعيـش بلحالـه وارجوا المعذره على نقص الأمثـال=ما فيـه شـي بالمـلا فـي كمالـه ابيات للشاعر نــايف بــن مسرع " الشامخ " :
البارحة مانمت ليلي تعاجيب=عفت المنام إن كان غيري هنابه هذه ابيات : عبدالله بن عبدالرحمن آل عريمه " :تكدرت لي صافيات المشاريب=وقلبي شكا جرح(ن) جديد صطابه كانت جروح القلب تعيي التطابيب=واليوم زاد الجرح ظلم القرابة هرج القفا يا كاسبين المواجيب=عيب(ن) على اللي في اللقاء يعتزابه يا ربعنا ياهل الوفا منقع الطيب=مهوب حق السيف يجرح انصابه يا شينها لاجات بين الاصاحيب=ولا العدو ما قد حسبنا حسابه من ماضي الازمان نرقى لصاعيب=ومنزالنا بالعز عالي هضابه نحرص على الطالات ما نقرب العيب=وميقافنا في الحرب كلن حكابه وما ننتظر في حاضر الوقت تجريب=ناخذ من الماضين فعل(ن) امشابه فينا الولد يمدح إلين أبيض الشيب=يظهر بوجهه لاتقافا شبابه ولامن تغربنا حداد المخاليب=ما نرتضي بالهون واللي سعابه وخوينا ما يلحقونه عذاريب=يفخر بخوتنا ويمدح جنابه ويفرح بنا اللي حاديته الكواليب=نفك قيده ويتهنى شرابه وما نلتفت لاهل الحكي والشواذيب=نرقا سنود وضدنا في عذابه يابنت ياللي فارقه فالرعابيب=يابنت منهو في اللقا يندعا به اللي على ظهور النضا كنه الذيب=يحوف عدوانه بيوم الحرابه كبي ردي الجد ضخم التلابيب=اللي حصيله في المراجل ترابه اللي يجنب درب الاجواد تجنيب=ويبني على دروب الرخامة اطنابه وعليك باللي ذكرهم فيه تطريب=ربع(ن) على كسب المعالي تشابه إللي إيلا دارت عسير الدواليب=ما منهم إللي في القسا صك بابه قلته وانا أونس في فوادي لواهيب=من هاجس(ن) بين بقلبي صوابه وختامها... ياحيف ياهل المواجيب=هرج القفا نقص(ن) على من حكابه
نفحة الطيب وهيـل الشاذليـه=تساق تقدير لوجيـه العشيـره ( الواسمين العصا ) سلم وحميه=موسّعة حدها أسـود الجزيـره لابـةٍ "زايـديـه" ~ "تغلبـيـه"="أزد" "ووايل" مناسبنا الشهيـره يـوم رزوا حـروف الابجديـه=روس الاقلام مجـدي تستثيـره سيـف ولا قلـم حـقٍ عليـه=دام انا دوسري وقفـة وغيـره اندبتنـي مـع ربعـي الحميـه=وقلت يالحرف لاتذخـر ذخيـره هلهـا دوسريـه دوسـريـه=ليـن تلغيبهـا سيـره وسيـره محميّـة بنـي عمـي محميّـه=علموا الاولـه تنبـي الاخيـره المكـارم لنـا ثيـابٍ نقـيـه=وشايعتنا مثل شمس الظهيـره اوسع حـدود حـد الدوسريـه=قيّـظ بديـره وربـع بـديـره من ثرى الوادي لاالخرج النديه=لاالحسا وفل تاريـخ ومسيـره جات بعراك وفـرس بوارديـه=ماخذيناهـا بمقاصـر وجيـره مناوخٍ في ثـراه الفيـن هيـه=بكـل حـرٍ مواريـده خطيـره راسخينٍ علـى شـوف البريـه=بالسيوف المحاديـب الشطيـره مدرعينٍ علـى خيـل ومطيـه=ملحقين السرايـا بكـل ديـره ياحرارٍ علـى الباغـي عصيـه=ياحصون الذرى زبن الكسيـره مادفعنـا لمخـلـوقٍ جـزيـه=غيـر رب المـلا مانستجيـره عزة النفـس فينـا نـار حيـه=وعندنا اذلالهـا اكبـر نكيـره تجـزع انفوسنـا ورد الرديـه=تنفر مـن السفالـه مستذيـره ودون الاسلام مانعطـي الدنيـه=سلمنا صلب والسيـرة عطيـره نصرة الدين فينا اكبـر وصيـه=اسد الاسلام بالنصـره جديـره ناهجيـنٍ علـى سنـة نبـيـه=يشهد الغربي المنهـج وسيـره مـن الخيانـه مواقفنـا جليـه=ولا غدرنا البعيـده والقصيـره طولـة وجيـه وكفـوفٍ نديـه=نعطي الجـود ومدتنـا كبيـره ياوجيه الندى البيـض الوفيـه=ياهـل الوقفـة كعـام المغيـره بنـدق التـرب ماهـي بندقيـه=نقلها عـار ورميتهـا معيـره هوزة الدوسـري تحـرم عليـه=قبل ماتهوزهم تعطـى الجبيـره ولو لحقني من ادناهـم رزيـه=باحتملهـا ولحفهـا حصـيـره واعتبر فزعتي مثـل الوصيـه=سيف يمناك سله مـن جفيـره وحطني في نحر خصمك ضحيه=وخل عيني على نومك سهيـره وخـل بينـي وبينـك قابليـه=ولا نهدف على اللابـه جريـره وهسّة الهزل تضرب جرهديـه=الكبيره يابـن دوسـر صغيـره التـجـارب دروس ومقـدريـه=والجهل تيه والحكمـة بصيـره والضلالـه سـراب ومهمهيـه=والمحبـه لوجـه الله سفيـره والموارد على حـوض المنيـه=والنوايـا الـعـلام السـريـره والتواضـع ادب والكبـر غيـه=والضغينه حطب نـارٍ سعيـره والعـداوه طبـوع الجاهلـيـه=نبتها مـر ونظرتهـا قصيـره والمواقف حكـم والقصـد نيـه=والتشدد جهل والجهـل حيـره والكرم بذل وترحيـب وعطيـه=وبشّة حجاج من صافي السريره يطولها صاحب النفـس الغنيـه=جامع الناس في مالـه خشيـره والحسد تهمة النفـس البريـه=الحسد ذنب مالك ذنـب غيـره والزعامـة صفـاة وعبقـريـه=ماهي كتـاب تقـدر تستعيـره ولا درّس ولا تعطـى هـديـه=العسيـره مطالبهـا عسـيـره بدر بن نايف بن شين الحلايا :
يالله يامنشي حقوق السحابه=كلشي يارب الكون تعرف حسابه يالواحد المعبود ياعالى الشان = تجمع شتات ربوعنا والقرابه يالله طلبتك ياكريم العطايا=تشفي المريض اللى يعانى الاصابه وترجع اللى غايبن عن دياره=وتوفقه فى رحلته مع ايابه واتسد حاجة من عليه النوايب = يدعيك مخلص مرتجى للاجابه يالله تهدينا الصواب ونشوفه=على هدى الهادى ونهج الصحابه الحمد الك والشكر فى كل حالى = تقدر وتلطف ولابه غرابه وتتجاوز اخطاء الموحد بربه = لين ايتسلم فى يمينه كتابه موقف يفرق بين خل وخليله = ويصير مابين الاوادم طلابه موقف ويرهق من وقفبه ويرهب = اهل العقول الناضجه واللبابه ياربنا رحماك فى ساعه الحشر = اللهنا الرحمن نرجى ثوابه من عقب هذا انتهض يانديبي = ياذيب ياللى من مواكر ذيابه واركب على اللى وارده من حفيزه=منصاك بيت الجود واهل الذرابه قصرالفخر منزال ربعي بنى ذلق =اخوان شما سور مجدى وبابه قصر الرجال المداغيش الاكارم = مأمن الدخال واللى التجابه منصاك لمحمد ورسام وان جيت =حبه على خشمه وراسه وسابه وانقل عن السانى حروفي وكتابي = من بدر ابن نايف وهذا خطابه راس العوض ربعي وفقدى حسيان=جعل الذخر ورثه ومنهو اقتدابه مرحوم ياعودن علوم تنومس = فى شيبته ولا بعد فى شبابه كريم ممدوح الخصايل ونشمى = المجد ضلع وفالمراجل رقابه جعله تحت ضل الغصون الدوانى=وتمطر على قبره حقوق السحابه فقده ترك فى قلب منهو يحبه = هموم واحزانن كثار وكابه يالله انا طالبك ترحم وتغفر = وتتجاوز اخطائه وتمحى عذابه ياحيث ابو محمد يخافك ويرجاك = يركع ويسجد لك بخوف ومهابه يشهد على طاعته مسجد ومنبر= ودعاء مخلص منتظر للاثابه يالله تثيبه خير ياراعى الخير = وتصبر اللى ماتحمل غيابه انا اشهد انه فالجماعه فقيده = وانا اشهد انا قد فقدنا جنابه يالله ترحمه وتوسع بقبره=وتكفيه شر القبر ويا عقابه ويصير روضه من رياض الجناين=تلبسه سندس وشهدك شرابه واغسله فى مائك وثلجك والبرد = يالواحد الفرد الصمد والرجا به اغفر لبو محمد وكافيه بالخير=واجزيه عنا خير واحسن مأبه القلب يحزن والعيون اتدامع = ولا جزعنا الحكم نرجى ثوابه لله فى خلقه شؤن ومأرب = سبحان من سبب وتمضي اسبابه سبحان رب البيت ياخذ ويعطى=واليا عطا يعطى ولابه غرابه صلو على الهادى شفيع الامه=مخلص اتباعه بيوم النشابه و لعبدالله الصليبي الحقبانـي في حفل الكويت :
هاجسي بالشعر دوّر لي مخاوي=و الله الله بالبيوت الرّاويه من بحر من قاع و إلا من سماوي=نقّهن لي و إرق خلّ الغاويه عيشةٍ من دون ربعي وش تساوي=ما وراي إلا الذّياب العاويه أشمل و خلكّ يمين من الصّداوي=للكويت و نصّه المشاويه لاد ابن جوزان محرقْة القهاوي=للمراجل ضاريه و مهاويه عند ابن براّك للكرْمه حراوي=المسمّى حسين ركن الزّاويه مكْرم الضيفان في الوقت الغلاوي=ما تعذّر بالظروف الكاويه يا سلام الله على الحرّ النداوي=و من حضر للحفل و اللي ناويه مرحبا ترحيبةٍ من طيب جاوي=للمحبة و المودّه حاويه يالدّواسر يا مزبّنة الجلاوي=يا نجومٍ للكواكب ضاويه يا غناة الفقر يا ريف الخلاوي=يا مقوّمة العروش الخاويه مكتسين الطيب و العزّه كساوي=مصّلين للخوي مناويه واسمينٍ للعصا ختم و براوي=و مهملين الجار في محاويه من صحبنا تنجلي عنه البلاوي=للجروح الماكنات مداويه و من حربنا ما تغنّا له غناوي=ينتقل من هاويه في هاويه انشد التاريخ و انشد كل راوي=عن بني تغلب قبل معاويه و انشده عن زايد العدّ الرّهاوي=كم سجلّ للمعزّه طاويه دايمٍ و الدوسري فوق الهقاوي=ما تهبّطه العزوم الثاويه في يد الجمعا نحقّق للرجاوي=تزهر غصون الشّتات الذاويه قاله اللي لأجلكم حثّ الخطاوي=ما اقرب الحقبان للمشاويه الشاعر سالم بن صمهود الغييثي :
هيه يلي نظرتك حيل محدوده=كل برق لاتخايل يم نوه كود نو تسمع لحنة رعوده=والسحاب الدهم يمطر من علوه واحد ٍ ما ينقلن حمله عضوده=والله ان يبطي وحمله وسط جوه واحد ٍ لامن بغا شين يكوده=والله ان يبطي وهو يزداد سوه ومن تحيزم بالردي تفتر زنوده=الردي مافيه طيب ولا حموه ومن خذا بنت الردي ماطاب فوده=والولد لو فرحبه ماشب ضوه يتلم لغليص من جابه يذوده=يبشر بقل المروفه والحفوه ومن بغا العليا ترى العليا سنوده=ايتساما لين يبلغ في سموه رحلتن فيها المعابير معدوده=من سلك منهاجها يبغا جروه يحتمل للدين لو تكثر قصوده=ويحكم المنطوق لامنه تفوه وينطح العايل ولو تكثر جنوده=والعواقب تحتمل موت جلوه الزمن دوار في بيضه وسوده=يقتدي من يعتبر ولا يتوه الزمن يجري والامال معقوده=همتن قصيا والاخرا ماتموه وغلطت الشاطر يضخمها حسوده=يعتبرها فرصتن جت في عدوه مايطوفها يحسبنها اتزوده=حيلت العاجز في الوافي يشوه هيه يلي نضرتك حيل محدوده=لاتفكر كل ماجالك بقوه كل خير العبد من فضل معبوده=جل شان الي تفرد في علوه البدوي وهو شاعر من شعار المنتدى وله هذه الابيات :
تحت أزيز الرصاص وونته والظلم والجور ماياوي لشيخٍ مستكين=إنكشف للكل لعبة خبيثة صدقوها الناس باسم السماحة والسلام إنجلت ظلمة وغمة واستهل هلال طاغوت هالعصر اللعين=حلم طفلٍ كان في المهد وامن وعايش في وئام صار مجرم متهم بأي عرف وبأي سلم وبأي دين=كيف يقتل كيف يسبى من حنان أمه وهو سن الفطام وكيف تسحب للرذيله عفه الطهر جبراً وتضنى بالجنين=وكيف يسبى زينها من ثغرها قهر والبسمه الغيداء حرام وكيف نال الكلب من سيده واضحى يلقب بالفطين=استدار الحل واندارت الأيام وأصبح يعد من الكرام بعد كذبة صدقوها العرب واستماتوا دونها موتة الرجل الهوين=والثمن دمع اليتاما والثكالا كل ماجن ديجور الظلام العصابة ممنة في بلاط الذل وتعوث بالقتل والنهب بأرض الرافدين=والقيادات السقيمة مسفهلة نايمة تدفن الراس بالرمل ياطير النعام آه ووايلاه معتصماه نخوتك كانت نور يشعل طريق الصاملين=آه عذراً يامنار العلم علمك إندثر ماعاد نلقيه اهتمام آه بغداد الرشيد أضحت بقايا ذكريات في رفوف المسلمين=من لنا ؟ من لهم؟ من لها ؟ والغدر والصدر ساد ابن الحرام زمرة خرقاء ومذهب سلفها متشح باللون الأسود من سنين= مذهب اللادين مبداه مايعمره غيره يظل من الهدام ياحسن.. ياحسين.. ياعلي.. يالله عفوك ولطفك يامعين= أستعيذ بوجهك من الكفر والزيغ والذل والجهل يارب الأنام واستجير بعظمتك واستنصرك ياناصرٍ ضعيف خلقك بكلمة ياعوين=وانت منقذ من تجلّت كربته واستحكمت واستفحلت فيهم بدين أهل السلام مالهم منجا وملجا ياكون أنت يدعونك وخرّو لوجهك ساجدين= نصرك اللهم نصرك بجاه العز جاهك وجاهك مايرام إنصر أتباع النبي المصطفى اللي وحدوك الله بأرض الرافدين=واخذل أتباع الهوى والكفر والرافضة في كل ليل وكل صبح وكل عام وهذه ابيات للشاعر " مطلق الحصان آل عمــار :
مارضت عنك اليهود ولارضت عنك النصارى = قـالها الـمعبود ربـي جات في محكم iiكتابه غـافـلينن مـادريـنا وغـافـلينٍ iiفـالقرايه = وكـل مـنا قـد قراها مير كل(ن) في iiسرابه ويـوم طـال الـوقت بان وبيّنت كل iiالغرايب = ومـقبل(ن) دور الليالي والله ان يظهر iiغرابه سـبّو الـهادي مـحمد بـالجرايد iiوالصحافه = مـاسلم مـنهم مـحمد ولا سلم منهم iiصحابه الـخبايث بـان مـنها خـبثها يـاهل iiالعقيده = واقـبلت تـطحن رحاها وكل منهم في iiعقابه مـسـرجين ومـقـبلين ومـردفينن iiبـاللعانه = وغـيظهم بـانت شروره وكل منهم قد حكابه كـل بـيرٍ بـان جـمّه وكـل دلـوٍ له iiمذاقه = ودلـوهم ذقـناه مـنهم واطـعمونا من iiشرابه مـيـر والله ثــم والله ثــم والله ثـم iiوالله = مـاغفلنا عـن مـحمد عـن رسـولٍ iiيقتدابه يـعني افـهم يـاليهودي يعني افهم من كلامي = مـارضينا الـذل والله والـهدى كـلٍ iiمشابه مـاعبدنا غـير ربـي يـاخنازير iiالـملاهي = وحـده الـمعبود ربـي وحـده اللي iiيهتدابه أظـهرو مـاكان خـافي والكبود ابدو iiصداها = والله ان يـبطي بـلاها يـامواريث iiالـخرابه شـرعنا شرع الرسول وحكمنا حكم iiالالآهي = شـرع رب الـكون وحده للنبي اوحا iiوجابه مـايطفي نـار غـلٍ فـالحشا يـطبخ iiسناها = حـطها الـمعبود فـيكم مـن مياسيم iiالصلابه ضـايـعينٍ فـالـحياه وضـايعينٍ iiفـالمماتي = قـادكم وبـليس يـقدم زمـرته لاجـا iiحسابه عـابـدينٍ لـلـحياه ومـنكرينٍ مـع iiقـراره = والـهوى وبـليس نـادى وكل منكم طق iiبابه مـير وقـف يـاليهودي وافـتهم خط iiالنهايه = عـن رسـول الحق حذرا لاتقرّب من iiجنابه سـيد الامـه مـحمد فـضله رب الـخلايق = ارسـله لـلناس رحـمه وكـل منّا قد iiدرابه وانـت يـانجس الـخمايم عـاهرٍ ملعون iiدايم = انـجس مـن الكلب واردى من رديده iiلاغذابه شـرذمه تـحمل نـجاسه طـغمهٍ تحمل لعانه = سـمّها فالجوف فيها ساري وكل منهم بان iiنابه يـاحماه الـدين قـومو وانهضو ياهل iiالبرايا = قـاطعو نـجس الـخبايث والولي زايد iiثوابه الـرزق مـن عـند ربـي قبل نخلق قد iiظمنا = جـل شـانه مـرتجينه ولانـدم منهو iiرجابه لـين يـدري عـن كلامه لين يرضخ iiللزعامه = ديـننا الاسـلام ديـن وجـل من انزل iiكتابه مـايخلّد كـل شـخصٍ فـالحياه ولـو iiتمنى = والآجـل مـاقال شـايب تـو هذى في iiشبابه نـهجنا نـهج الـرسول وسنته درب iiالسلامه = ومـحكم الـتنزيل يـلقى كـل نـشّادٍ iiجوابه غـيرهٍ مـاهيب غـيره لـلرسول iiوللصحابه = غـيرهٍ ضـايع وفـاها مـاجبر مـنها مصابه كـم غـشيمٍ مـافهمها وكـم غـشيمٍ مـاتوعّا = مـادرى ويـش البلاوي مادرى وشهو مصابه مـادرى انـهم سـبو اللي ارسله رب iiالبرايا = ارسـله وانـزاح عـنا كـل جهلٍ به iiضبابه مـادرى انـهم فـي محمد جارحينه بالاساءه = مـن بـلاهم قـادمين وكـل مـنهم قد iiحكابه لـعنت الله لـعنت الله لـليهودي iiوالـنصارى = يـطبخون ادوار فـلمٍ ثـورو مـنّه iiسـحابه عبدالله بن مرضي الودعاني :
بالقاف أسلي خاطـري كـل ماظـاق=مثايل(ن) تنبع من اهجـوس ضيقـه مع النسيـم وداجـي الليـل تنسـاق=أولـه لهـا ولـه القلـوب العشيقـه أسس قواعدها علـى بيـض الأوراق=وابني عليها مـن البيـوت الغميقـه من شأن من يطرح لها السمع يشتاق=ونقادهـا مـا أبغـا يجيلـه طريقـه ولمعانقي يشتاق مـن كـل الاعمـاق=وينقـاد بيـن الثانـيـه والدقيـقـه ولا اقول انا في ساحة الشعر عمـلاق=انـا كسيـتـه ثـوبـه ابوذليـقـه ماكل من ينطـق يقـال إنـه نطـاق=يحكـم عليـه إيـلا تكلـم نطيـقـه ولاكل رمـاي(ن) يقـال انـه تفـاق=ولاكل صيد(ن) من قنص لـه يعيقـه وإن جيت بوصف من التواصيف مالاق=بحث(ن) عن إعجاب الوجيه الطليقـه أختـرت مايطـرب رفيعيـن الاذواق=ومـن الزلـل حصنتهـا بالحقيـقـه حقايـق(ن) ماهيـب تحتـاج ميثـاق=تشهـد لصحتهـا العقـول الوثيقـه عن ما تشوف أعيوني مـن التفـراق=في سيـرة الدنيـا وطبـع الخليقـه وأبدى وأقول الطيب من فضل خـلاق=ومـن لاوهبـه الله يظيـع طريـقـه والناس ترفعها المراجـل والاخـلاق=يوم الـردي كسبـه عـداوة رفيقـه رجل(ن) يجي لقرابـه اظـلال ورواق=تجذبـه للطيـب الاصـول العريـقـه ورجل(ن) يلامن طاب طيبه تلصمـاق=مثل السـراب يـزول عجـل بريقـه ورجل(ن) نظر عينه رفيـع للآفـاق=ورجل(ن) عيونه في الأمور الدقيقـه ورجل(ن) براسه من الصواديف دناق=يروغ منها لـو تجـي فـي شقيقـه ورجل(ن) يلا نشفت من الحمل الارياق=يشيل حمـل اللـي عجـز لا يطيقـه ورجل له اهل المدح بالمـدح عشـاق=ذكـره لهاجـوس المديحـه حديقـه والبلشة اللـي مـا تلهمـد وتنسـاق=اللـي لخـو مـره رحـول ووسيقـه اللي لربعه حرقـة اكبـود وإرهـاق=خلقـة وبـا ماينعـرف لـه طريقـه بين الخـلايق عــايش بالتلـزاق=وعينه علـى الغـرات دايـم مويقــه اللـي علـى طـرد المقفيـن شفـاق=ومن كثر هرجه بالقفا نشـف ريقـه وإذا درى ان الوضع قـرب التوهـاق=جوده ومجهـوده يجـي فـي طقيقـه مايدري إن له في المطاليـق معـلاق=يحشم جنابـه لجـل حشمـة فريقـه حلو اللسان اللي مـع الوقـت بـواق=مـا أشبهـه كـون العبـاة الرقيقـه هذا لك أفضـل بيـع جمعـاه بفـراق=من قبل تصبح منـه كبـدك حريقـه وتمـت وذكـر الله مبـدى ومغـلاق=قاف جذبتـه مـن البحـور العمقيـه وهذه ابيات الشاعر " ماجد المهنا الشكرة " :
اللعبي يا اغلى الطواريق iiاللعبي = تـرى المعقب شيخ ماهو iiعايدي وأرحـبي لاقـلت هـيّا iiأرحبي = مـنّا نـدور فـزعة الـجرايدي ياللي مناشبني ولادري وش iiتبي = سـؤال خـبث ومايعد iiمحايدي يـاللي متعرض مبعدين iiالمنشبي = هـم درعي الظافي وهم iiسنايدي هـاك الأجـابه وستلمها iiياصبي = بـأبيات شعرٍ من هل القصايدي ترا (الدواسر) حلف قوم مجربي = يـاللي تـدور كـثرة iiالنشايدي سـلمنا واحـد ونـفس iiالمنسبي = وتـتفق الأعـراف iiوالـعوايدي (تـغلبي لامـن زهـمني iiتغلبي = وزايـدي لامن زهمني iiزايدي) لاثـار فالكون الدخان iiالأشهبي= مـن هـو يـعادينا نـعده iiبايدي وسم العصا من سلمنا iiوالمذهبي = مـثل اللذي على الشريعه iiذايدي وجـارنا نروي ضماه iiويشربي = ولا نــدور عـقبه iiالـفوايدي وشـيخنا نـسل القروم iiمعربي = وصـغيرنا يـطبق مقولة قايدي ستر العذارى لارمن سود iiاللعبي = ولا يـعرف الـذل iiفـالطرايدي في عصر مابه غير سيفٍ أحدبي = حـنا هـل اللبل وهل iiالفرايدي هـذا وأنـا من لابةٍ هي iiمكسبي = ولا تـعرف الـحقد iiوالمكايدي لا عـاد تـقربنا وتنشب يا iiغبي = تـرا الدواسر سيل جرفه iiكايدي ادخل على الله عقبها وجه iiالنبي = اهـل الوجيه البيض iiوالزهايدي وهذه لمسفر المصارير :
الصمت حكمه بس بعض العرب ثور = في كل حاجه دوم مطلق لسانه والصاحب اللي بندقه دايم تثور = ما امشي مع دربه ولا اجلس مكانه في خوته يا ناس ماني بمجبور = لنه جبان و نسل قومٍ جبانه حيث الردي راع الكذب راعي الزور = محدٍ يعده يا النشاما تكانه أحب اجالس كل قرمٍ و منعور = نسل الرجال أهل العقل و الفطانه اشفق على خوة هل الطيب و النور = الصدق عادتهم و حفظ الأمانه ما نلحق الطيب ملامه ولا قصور = له عندنا قدرٍ كبير و مكانه اللي مثل هذا عسى ايامه سرور = يا طيب من جود لسانه و صانه لا تخرج الكلمه قبل تحكم الشور = خلك ثقيل و خل عندك رزانه السانك حصانك و ذا قول مخبور = يوهقك لو ما تجود عنانه من لا حسب للهرج ما هو بمعذور = من لا يصون الهرج لا شك خانه قلته و انا ربعي لهم فعل مشهور = رجالنا بالطيب مسرج حصانه عزيز نفس و من رجال لهم دور = مرضى لنفسي يا عرب با الإهانه يا الله ترحمني ليا نفخ فا الصور = يا عالمٍ سر الزمان و علانه ابو زيد
|
||||
|
|
|
|
22-01-2008, 08:42 PM
|
#2 | ||||||||
|
رد: روائع x روائع ( ابداعات دوسريه )
ابو زيد
|
||||||||
|
|
|
|
22-01-2008, 08:54 PM
|
#3 | |||||||
|
رد: روائع x روائع ( ابداعات دوسريه )
|
|||||||
|
|
|
|
22-01-2008, 09:14 PM
|
#4 | |||||
|
رد: روائع x روائع ( ابداعات دوسريه )
اقتباس:
بو حمد اررررررررررررررحب يا قرم آل عمار ووجهكـ ابيض ولاتهون ويجزاك خير محبك / ابو زيد
|
|||||
|
|
|
|
22-01-2008, 09:17 PM
|
#5 | ||||||
|
رد: روائع x روائع ( ابداعات دوسريه )
اقتباس:
لاهنت اختي الشقرديه
على هذا المرور اما عن الشعراء الذين لم اذكرهم هو ليس متعمد ولكن انا اخترت بعض القصائد وهناك موضوع اخر ان شاء الله سيكون لهم فيه قصائد ابو زيد
|
||||||
|
|
|
|
22-01-2008, 09:19 PM
|
#6 | ||||
|
رد: روائع x روائع ( ابداعات دوسريه )
|
||||
|
|
|
|
22-01-2008, 09:30 PM
|
#7 | |||||
|
رد: روائع x روائع ( ابداعات دوسريه )
اقتباس:
اررررررررررررررحب يا بو فهد واحرجني ردك الاكثر من رائع تقبل صادق ودي واحترامي لمقامك السامي محبك / ابو زيد
|
|||||
|
|
|
|
22-01-2008, 10:50 PM
|
#8 | ||||||
|
رد: روائع x روائع ( ابداعات دوسريه )
بيــــــــــــــــــــــــــــــــض الله وجهكـــــــــ وتسلم يمينـــــــــــــك يــــــــــــــابن غــــــــــــــــــــــــــــياث
|
||||||
|
|
|
|
23-01-2008, 02:11 AM
|
#9 | ||||
|
رد: روائع x روائع ( ابداعات دوسريه )
|
||||
|
|
|
|
23-01-2008, 05:17 AM
|
#10 | ||||||
|
رد: روائع x روائع ( ابداعات دوسريه )
آخر تعديل ناصر آل جزاء يوم 23-01-2008 في
05:23 AM.
|
||||||
|
|
|
|
23-01-2008, 05:55 AM
|
#11 | ||||||||
|
رد: روائع x روائع ( ابداعات دوسريه )
أخوي الغالي
|
||||||||
|
|
|
|
23-01-2008, 10:30 AM
|
#12 | ||||||
|
رد: روائع x روائع ( ابداعات دوسريه )
عزالله أنهم كفو وقصايدهم طريبه يبوزيد خصوصاً ((الكاتم))
 عسى الله يرحم دغش ويعفا عنه ليتك حطيت قصيده من قصايده الغير غزليه وياكثرها الرجال بحاجه للدعاء والترحم عليه
آخر تعديل ابو زيد الغييثي يوم 05-02-2008 في
10:03 PM.
|
||||||
|
|
|
|
23-01-2008, 06:14 PM
|
#13 | |||||
|
رد: روائع x روائع ( ابداعات دوسريه )
اقتباس:
الزين ووجهتس ومن قال سالم ولاهنتي على هذا المرور
|
|||||
|
|
|
|
23-01-2008, 06:18 PM
|
#14 | |||||
|
رد: روائع x روائع ( ابداعات دوسريه )
اقتباس:
اررررررررررررررررررررحب بشاعرنا القادم بقوه بو صقر لاهنت على هذا الكلام الطيب وجزاك الله خير يالقرم ولا عدمنا تواجدك ابو زيد
|
|||||
|
|
|
|
23-01-2008, 06:23 PM
|
#15 | |||||
|
رد: روائع x روائع ( ابداعات دوسريه )
اقتباس:
ارررررررررررررررررررررررررررحب يا قرم آل نابت ومن يقول سالم ووجهك ابيض ولاهنت على كلامك الطيب ويكفيني ردك هذا يسوا عندي الدنيا وآمين على الدعاء محبكـ ومحزمكـ / ابو زيد الغييثي
|
|||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 12 ( الأعضاء 0 والزوار 12) | |
العرض العادي
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 03:41 PM
