وقعـه بين الدواسر وال مره

[معلومات العضو نايف الخييلي]

بسم الله الرحمن الرحيم



في أحد السنين نزلوا الخييلات شرقً من الخرج .وفي احد الايام غار ركب جيشً من الغفران من قبيله ال مره العريقه على أبلً للفرجان في ليل وكانوا اهل البل غير حاضرين وأقفوا ال مره بالبل . وكان مدعث ابن جريس( شيخ الخييلات بوقته ) يسمع صوت هجيج البل فجاء الى جماعته وهم في مجلسه فأخبرهم فركبوا على جيشهم هم حوالي عشرين رجال . ولحقوا بالقوم وفكوا البل بعد معركه بينهم أنتهت بانتصار الخييلات وردهم للبل وكسبهم لقلايع خيل ال مره وقال في هذه المعركه الفارس حليس بن هجــاج الخييلي:

كم عقيدً ماخذيناه في غره =سقيناه في وضح النهار أمرار
نفسه عسيفً طوعتها لابتي= وخلوه مطروحً على راس زبار
من فوق سابقه عكرز على وجهه =ومن فعلنا ثوبه غشاه حمار
بعلطً نوردها أكبود أعدانا = وحدبً تقصر في طويلين الأعمار
لعيون من صاحت في صلب جدها= ومن شالت من بيض الخدود اخمار
لعيون فطس الخشوم الشمخ=كم راس باغً من كتوفه طار
ردينا للفرجان تسعين ناقة = سودً لها عند الرجال وقار
وخذنا القلايع من نوادر ربعه= وعوّد ماكنه في نهاره غار
لاد الخييلي من سلايل تغلب= وانا احمد الله مالنا عندهم ثار

وسلامتكم

 

 

 

 

[معلومات العضو فرحان فهد ال فرحان]

نايف عساك بخير وبشرني عنك وعن جماعتك

الله يديم الامان والامان والالفه والمحبه بين الجميع

وكم دوسري ترك اقرب الناس له ورافق له مري وكم مري كذلك وهكذا دواليك

الحقيقه اليوم الصبح الاسلام مستهدف ببث الفرقه بين ابنائه واثارة النعارات من خلال بعض القنوات والمواقع كما يجب علينا ان نكون نبحث عن مايقرب بين الجميع وان نترك الماضي لايضاح الحقائق حين طلبها او وجود مناسبه لذلك

وهنا في هذا الصرح الشامخ وجدنا لنتقاربونتعارف ونمد ايدينا لبعض حتى نكسب قلوب الجميع

لك تحياتي وشكري

 

 

 

 

[معلومات العضو نايف الخييلي]

الاخ فرحان ال فرحان

حياك الله واشكرك على ردك الواعي والجميل واللى اتفق معك فيما قلته . ولكن طرحي للموضوع لم يكن لإثاره النعرات ولا الإستنقاص بقبيله ال مره فنعم ً بال مره
قبيله مهيوبه ولها تاريخها. لكن هذا القسم ( تاريخ قبيله الدواسر ) هدفه تدوين تاريخ
القبيله وتاريخ القبيله لايقتصر على التعريف بها وبمواطنها من دون ذكر إنتصاراتها ومعاركها , اما ان كنت ترى عدم ذكر الطرف الاخر فهذا جيد وأتفق معك .وأتمنى انك فهمت مقصدي وياهلا بك

 

 

 

 

[معلومات العضو الزين]

بيض الله وجهك ياالخييلي

علي القصه والقصيده الطيبه

لاهنت

 

 

 

 

[معلومات العضو فرحان فهد ال فرحان]

المشاركة الأصلية كتبت بواسطة نايف الخييلي

الاخ فرحان ال فرحان

حياك الله واشكرك على ردك الواعي والجميل واللى اتفق معك فيما قلته . ولكن طرحي للموضوع لم يكن لإثاره النعرات ولا الإستنقاص بقبيله ال مره فنعم ً بال مره
قبيله مهيوبه ولها تاريخها. لكن هذا القسم ( تاريخ قبيله الدواسر ) هدفه تدوين تاريخ
القبيله وتاريخ القبيله لايقتصر على التعريف بها وبمواطنها من دون ذكر إنتصاراتها ومعاركها , اما ان كنت ترى عدم ذكر الطرف الاخر فهذا جيد وأتفق معك .وأتمنى انك فهمت مقصدي وياهلا بك

لا هنت وبيض الله وجهك والكبير كبير يانايف انسان راقي وعقليه واعيه




الله يوفقك ويحفظك

محبك ابو فهد

 

 

 

 

[معلومات العضو الهجرس]

نايف الخييلـــي ...


الله يبيّــض وجهـــك .. يا ابن العـــمـ على طرح مثل هذه القصص .. الجميلــه

والتي نفخــر بها جميعــا ...

ونعم ببني عمنــا الخيلات وعليهم البيـــض .. وقصصهم معروفه ومشهوره ..
من نجد الى الساحل الشرقي ..

ونعم ببنــــي .. مره ..


تقبل تحياتي وتقديري

 

 

 

 

[معلومات العضو أبراهيم بن محمد الخميس]

الأخ نايف الخييلي وفقه الله .

أشكرك على إيراد القصة والقصيدة وأقترح في مثل ذكر هذه القصص القديمة التأكيد

على القراء أن الحكمة من ذلك ليس أنتقاص الآخرين أو التقليل من شأنهم أو المباهات

والعصبية المنبوذة وأنما ذكر الأحداث التاريخية لتذكر نعمة الله علينا أن وحدنا وجمعنا

وجعلنا أمة واحدة بعد أن كنا متفرقين يأكل القوي منا الضعيف ويغزو بعضنا بعضا .

وتقبل تحياتي (أبومحمد الخميس البدراني ) الرياض /البير

 

 

 

 

[معلومات العضو نايف الخييلي]

الزين


هلا وغلا . ولاشان وجهتس ياأختي الكريمه ولاهنتي على المرور


*********


اخوي فرحان اشكرك مره اخرى وعلى كلامك الطيب اللى أتشرف به ومرحبا والله

 

 

 

 

[معلومات العضو قاتل الوقت]

لا هنت وهب غريبه علنا حنا الدواسر

بس الله لا يهينك تحط مصدر أقوا من القصيدة

لاني بصراحة ناوي انقل الموضوع

وأكون لك شاكر

تقبل تحياتي

أخوك قاتل الوقت

 

 

 

 

[معلومات العضو غازي المسعري]

بيض الله وجهك ياالخييلي

علي القصه والقصيده الطيبه

لاهنت يالقرم

تقبل نحياتي

 

 

 

 

[معلومات العضو د/عيسى العيسى]

السلام عليكم

أخالف بعض ردود أخواني الكرام أعلاه وأقول: بل نفتخر ونتباهى بمثل هذه الأخبار التي تعد من معارك الشرف والمجد.
أليست دفاعا عن المال وعن العرض؟
أليس من قتل دون ماله ومن قتل دون عرضه شهيد؟
إذا يجب ذكر هذه الأخبار وتوثيقها وحفظها من الضياع ولا يضير القبيلة المعتدية أنها هزمت!.
فالقبيلة المنتصرة هم قبيلة الدواسر ويمثلهم في تلك المعركة قبيلة الخييلات العريقة، والدواسر أهل لذلك.

ونحمد الله تعالى أن هذه القبيلة التي ننتمي لها قبيلة عرفت في معارك الشرف والمجد ولم يعرف عنها - إلا ما ندر - معارك السلب والنهب والإعتداء على الضعفاء وحجاج بيت الله الحرام ، وهي معارك الخزي والهوان في الدنيا والأخرة.

 

 

 

 

[معلومات العضو فهد الغريري]

ارررحب يابوفهاد تراحيب المطر وبيض الله وجهك على ذكر هذه السالفة اللي تنومس كل دوسري وكفو والله بالخييلات جعلهم المعزه يحرون بالعلوم الغانمه والمواقف الطيبه مهيب غريبه عالخييلات ولا على الدواسر اللي اشتهرو بالمواقف المشرفه على مر التاريخ تقبل تقديري واحترامي

 

 

 

 

[معلومات العضو إبـراهيـم بـن راكـــان]

كفوووووووووووو وكفووووووووووووو


ماهيب غريبه علينا


لاهنت يابن العم

ومااجمل ماتطرحه ياذيبان

 

 

 

 

[معلومات العضو ابو زابن المسعري]

	ابو فهاد \ ارحب تراحيب الحيا يالقرم دائما تتحفنا بالسوالف اللي ترفع الراس ونعم وسبعين نعم بالخييلات اعلومهم طيبه في الماضي والحاضر وترفع راس كل دوسري

 

 

 

 

[معلومات العضو غازي المسعري]

ابو فهاد

بيض الله وجهك على ذكر هذه السالفة اللي تنومس كل دوسري


وكفو والله بالخييلات جعلهم المعزه يحرون بالعلوم الغانمه


والمواقف الطيبه مهيب غريبه عالخييلات ولا على الدواسر


اللي اشتهرو بالمواقف المشرفه على مر التاريخ



تقبل تحياتي