دعوة حسين بن براك محمود الطباع =اشهدانها تستحق البيوت ونقدها

[معلومات العضو عامر النتيفات]

اعضاء منتدى قبيلة الدواسر الرسمي : السلام عليكم ورحمة الله وبركاته:
كل عام وانتم بخير وصحه وسؤدد وبعد:
الاستاذ و الاخ العزيز / حسين بن براك المشاويه . هذا الرجل يستحق منا الشكر والتقدير والاشاده
نعم هو ليس في حاجه لذلك وليس هذا من اهدافه التي لأجلها اقام هذا الحفل .ولكن للرجال الأوفياء حقوقا على الطيبين من الرجال خصوصا هؤلاء الرجال الذين يعملون ويبذلون ويتعبون لاجل لم الشمل
والتعارف والتواصل بين افراد قبيلتهم
وانا هنا حاولت ان اعبر عن هذا الموقف بهذه القصيده ..وارجو منك المعذره على القصور
وعلى الاطاله التي اجبري عليها الموقف :

قال منهو ما يقول الشعر من دون داع = غير لاجا له مجال بيوته شدها
مايجازف بالقصايد ويكتب باقتناع=والهروج العوج عوج وهجسه ردها
منهجه واضح ولشعور خلق الله يراع =يعرف حقوق العرب في القصيد وحدها
ماهدفه المصلحه لا ولا ذكر (ن)يشاع= لاورب البيت علام خافي سدها
ماهبط بالشعرفي السوق شراي وباع = الشعر عنده شعور يذعذع ندها
يعرف ادروبه ولا حب شعر الاصطناع = والحداثه ماعرف جزرها من مدها
البحور يخوضها دون مجداف وشراع = ينتقي من قاعها درها مع شهدها
في اللوازم حاضر كان بعض الناس ضاع= في خيال الحب مع من يشعشع خدها
وعلمو مانيب الومه ولا اطلبه امتناع= كيف الومه كيف والكل يشكي صدها
الغزل له وقت بلسم نظم ولا استماع = وفي بعض لحيان نظمه لنفسك سدها
بعد هذا شفت دعوة شرف يومي تذاع = واضحه في النت قدم العيون تلدها
تلهم الهاجس وتسمو بصاحبها ارتفاع= وين شعار كبار غزير عدها
دعوة حسين بن براك محمود الطباع = اشهد انها تستحق البيوت ونقدها
اسمحوا لي يارجال بنايدكم وساع =برسل ابيات القوافي من اقصى نجدها
استلمها يابن براك مافيها اصطناع= انت منصاها ومنصى الرجال وسعدها
تحمل شعور ومشاعر وقدر ونطباع = للكويت وشعبها والشيوخ ومجدها
انتم وحنا بني عم والدنيا متاع =تاليتنا للفنا والقبور او لحدها
التواصل حق ولا ماحن وانتم جياع= في رخا وامن والاعدا تموت بحقدها
وانتم اهل الفعل الاول بلا شك ونزاع = وفعلنا عوده وطنكم بحنكة فهدها
استضاف الشيخ قال استرح بطهر بقاع = والله ياكويتك بحول الولي لا اردها
اذعنت كل الدول للاوامر بانصياع= لين عادت دوله آل صباح ال عهدها
حب خشم الشيخ جابر وزاع الشيخ زاع = قبل اتراب الوطن والكويت ارتدها
والجمايل بين الاخوان من دون انقطاع = مستمره دون منه وتخزي ندها
اختلطنا بالحسب والنسب زدنا اتساع =ةالموده بيننا ساس راسخ ودها
يابن براك الجهود الحثيثه والمساع = واضحه ومقدره الرجال تعدها
فعلكم مهوب سهل ولاهو مستطاع = غير للي يعشق الطايلات ويردها
مدح مثلك حق والحق حق انه يذاع = ولا مدحنا واحد لاش ماهو قدها
صيتكم من طيب فعلك يابن براك ذاع= طيب من روس قوم عريب جدها
من مشاوية (ن)لهم في سنام الطيب باع=للعدو سم وللربع عز وعضدها
ترفع البيضاء لرجل تكفل باجتماع=يجمع افراد القبيله ويطوي بعدها
ما حسب للمال يوم البخيل له يراع = شوف ربعه عيد واللازمات يسدها
قدر شيوخ العشاير وجاهم وفد داع=وكل شيخ دعوة الحفل وفده مدها
التذاكر والسكن والتنقل والوداع =جاهزات كلها من مخصص بندها
وجتماع مع ولي العهد ذاك الشجاع = ذاك نواف السعد للكويت واسدها
مااحد سوا سواته ولا قلته دفاع= ولا بجامل فعل شفتوه هجسي شدها
مااعرفه شخصي لكن البيوت تجي اتباع = تزدحم في هاجسي لين ارتب سردها
ولو يطول القاف فالهجس ملزوم يطاع= لو نرده يقلق الفكر لو في وردها
ياعسى الطيب بخير وزوده كل ساع =والرجال اهل المواقيف يشكر جهدها
المراجل ماتجي بالتمني او تباع = صعبة عسره على من تكبر وسدها
عقب اللي يجمع اموال مافيها انتفاع = يشتقي في جمعها يستلذ بجردها
يلهث ويتعب ويجمع وتاكلها السباع = حالته يرثى لها ما استلذ برصدها
كل جمعى تجمع الشمل تجلب له صداع= مايدانيها ونفسه دوام وحدها
اعطته دنياه ويقول ما للجمع داع= ذاك عقله مثل عقل الصغار بمهدها
نادم ضايع وخسران والربع الذراع =غرته بقعا وزانت وهي لابدها
الرجل دون بن عمه ذليل في الصراع = الدراهم ماترد العدا وتصدها
كل جمىعز والتفرقه ذل وضياع = وختلاف ارياء القبيله تراه يهدها
وكان كل قال انا شيخ واقوالي تطاع=ذي مصيبه فكروا والعقول برشدها
كل شيخ له مكانته لايمكن تزاح =لو تنازل ل بن عمه بحاجه ودها
والله ان يزيد قدره وينحل النزاع=ويخرس السنة المقرد ويحرق كبدها
والتحزب سم قاتل وطبه لقتلاع = وان بقى فرحت قلوب تخفي حسدها
وحدواصف القبيله وجمعو القلاع =والقلاع ان وحدت تطحن اللي ضدها
حفلة حسين بن براك فرصة لاتضاع =استغلوها عساها تحقق قصدها
دعوة عمت ووفت ومن لبى وطاع = حق لو يطوي الفيافي ويقطع جردها
ومن تعذر عن ظروف ترده (ماستطاع)= فالعذر لاجا المعازيب كنه عندها
ومن طرفنا ان الله اراد جيناكم سراع=والكويت وشعبها عندنا من( قدها)
مالنا عذر ان جلسنا كذا من دون( داع)=وما نحط البعد عذر لنا مع بردها
ذا وصلى الله على اشرف بشر واخير داع=عد ماهلت مزون (ن)ترزم رعدها

 

 

 

 

[معلومات العضو العماني]

السلام عليكم ورحمة الله وبركاته


الشاعر القدير " عامر النتيفات"

صح الله لسانك مدد مهوب عدد على القصيده الرائعه والجزله ويسعدني أول اكون اول من يرد عليها ، ويستاهل ابن العم الغالي حسين بن براك كل خير فهو بحق مفخرة لأبناء القبيلة جميعا ً فوالله مهما قلنا فيه فلن نوفيه حقه ، ولا شك ان رعايته لـ "للحفل السنوي الثالث لموقع الدواسر الرسمي " غير مستغرب من شخص بمكانة " حسين بن براك " صاحب تاريخ حافل بالانجازات والعلوم الطيبه والغانمه وصاحب السمعة الطيبه عند جميع العرب سواء في الكويت او خارجها.

ولاننسى من الشكر الأخوان وفد موقع قبيلة الدواسر الرسمي ، الاخ بوعبدالرحمن الودعاني وفهدبن هادي الغريري ومن معهم الذين قاموا بجولة مكوكيه في لدعوة المستطاع من ابناء القبيلة لهذا الملتقى .

تقبل تحياتي،،

 

 

 

 

[معلومات العضو أبونواف الدوسري]

الأخ العزيز الشاعر عامر النتيفات

صح لسانك علي هذه القصيده

والأخ حسين البراك يستاهل كل الخير

وأنشاء الله نشوفكم في الكويت جميعا

وفقك الله ورحم والديك

 

 

 

 

[معلومات العضو بوحمد الحمد]

الاخ العزيز عامر

صح السانك مليوون

ولاهنت على القصيده الطيبه

والاخ حسن يستاهل كل خير

وتقبل مروري ياغالي

 

 

 

 

[معلومات العضو فهد الغريري]

الشاعر العزيز والاخ الكريم ابو عبدالرحمن " عامر النتيفات" ارررررررحب ثم اررررحب ترحيبةٍ تحمل جزل القصيد في مقامك العالي والله يابو عبدالرحمن مدري من اين ابدى الكيبور تعطل والانامل يبست والقلب زاد نبظه مما رائ من جزل القصيد وقوة المعاني التي تحملها ما شاء الله تبارك الله اسال الله رب العرش العظيم ان يهنيك في عمرك وان يبارك في احساسك وان يقاك من كل شر هذى القصيد الذي يرن في الاذهان ويشربه الفؤاد قصيدة فوق كل إعتبار وفوق التقييم لاعدمتك فكلمات وعبارات لن ولن توفيك ولاتوفي هذه القصيدة الحق الكامل من المدح ولكن جئنا لتسجيل الأعجاب بالأبداع اللأمتناهي ابو عبدالرحمن صح الله السانك وعتلا شانك وزادك الله من زوايد فضله التي لا تنقضي والاستاذ / حسين براك المشاويه.. علمه غانم اول وتالي وبيض الله وجهك على لم القبيله على صعيد واحد وهذا الشي لا يستغرب من طيبين الساس جعلهم المعزه. وقصيده تساهل التثبيت ابو عبدالرحمن تقبل مني فائق التقدير والاحترام والاعتزاز في شخصك النبيل اخوك / فهد الغريري

 

 

 

 

[معلومات العضو نايف بن مسرع]

(( من كريم لا مستحق ))


لاهنت ياعامر ، وحسين البراك يستاهل ماقيل فيه وأكثر


مشاعر صادقة تجاه شخصية تستحق المدح

 

 

 

 

[معلومات العضو نايف الخييلي]

صح لســانكـ يابو عبدالرحمن


قصيده اكثر من جزله . صح لسـانك وبيض الله وجـهك


ويستاهل حسين براك المدح

 

 

 

 

[معلومات العضو أبو سعود الودعاني]

ارحب يابو عبدالرحمن

صح الله لسانك وسلم بنانك

وبيض الله وجهك

ورفع الله قدر

وبو براك يستاهل


ومهما قيل فيه لن يوفيه حقه

فبارك الله في الجميع

وتقبل خالص ودي

 

 

 

 

[معلومات العضو بدر بن صقر العجالين]

الرجل دون بن عمه ذليل فـي الصـراع=الدراهـم مـاتـرد الـعـدا وتصـدهـا
كـل جمىعـز والتفرقـه ذل وضـيـاع=وختـلاف اريـاء القبيلـه تـراه يهدهـا
وكان كل قال انا شيـخ واقوالـي تطـاع=ذي مصيبـه فكـروا والعقـول برشدهـا
كل شيـخ لـه مكانتـه لايمكـن تـزاح=لو تنازل ل بـن عمـه بحاجـه ودهـا
والله ان يزيـد قـدره وينحـل الـنـزاع=ويخرس السنة المقـرد ويحـرق كبدهـا
والتحـزب سـم قاتـل وطبـه لقتـلاع=وان بقى فرحت قلـوب تخفـي حسدهـا
وحدواصـف القبيلـه وجمعـو الـقـلاع=والقلاع ان وحدت تطحن اللـي ضدهـا

الشاعر القدير / عامر النتيفات (أبو عبدالرحمن)..

بيض الله وجهك ولاهنت يالقرم على ذا الجزله..

وعز الله انك صادق في كل كلمه قلتها..

وصح الله لسانك ملايين الملايين ولا يوفون يالقرم..

وكلامك يدل على طيب اصلك ومجناك..

وسجل اعجابي بك وانا من معجبينك...

والله لايهينك على كل بيت قلته ما اقول غير مشكور وبيض الله وجهك...

والله يوفقك و يجزاك خير إن شاء الله..

تقبل تحياتي وتقديري يالقرم،،

 

 

 

 

[معلومات العضو عامر النتيفات]

الأخ العزيز / هايف العماني
الشرف لي بأن تكون انت أول من يرد على القصيده
والأخ / حسين بن براك يستاهل اكثر من تلك القصيده

 

 

 

 

[معلومات العضو طـــــــيــر حوران]

الله لايهينك يا اخ عامر على القصيده الاكثر من رايعه وابو براك يستاهل وكفووو للقصيده وبيض الله وجهك وصح الله للسانك.

 

 

 

 

[معلومات العضو الحميدي الغريري]

وعليكم السلام ورحمة الله وبركاته الشاعر القدير : عامر النتيفات صح الله لسانك مدد من غير عدد عز الله مهما كتبت ومهما تكلمت فلن أوفيك حقك يا أبوعبدالرحمن فكيف أمدحك وأنت ملكت المدح كله ما أقول إلا بيض الله وجهك على هذه الجزله ، ونحن بإنتظار جديدك يا أبوعبدالرحمن وعز الله إنها (( من كريم إلى مستحق )) والأستاذ : حسين بن براك المشاويه علمه غانم ولا هوب غريبٍ عليه قومته بحفل الدواسر الثالث وبيض الله وجه وكما أشكر إدارة الموقع على فكرهم النيّر وجهودهم البارزه في كل مكان وتقبل فائق التقدير والإحترام أخوك : أبومحمــد،،

 

 

 

 

[معلومات العضو عبدالله الدوسري]

عامر النتيفات



صح لسانك



و يستاهل ابن براك على جهوده



و نسأل الله أن يجمعنا على طاعته



كل الود،،،،

 

 

 

 

[معلومات العضو أحمد الغاطي]

انتـم وحنـا بنـي عـــم والدنيـا متـــاع+++تاليتنـا للفـنـا وللقـبـور ولحـدهـا
التواصل حق ولا ماحـن وانتـم جيـاع+++في رخا وامن والاعـدا تمـوت بحقدهـا


صدقت والله صح لسانك ياعامر النتيفي هذا من طيب مجانيك
وبيض الله وجه حسين بن براك المشاويه الدوسري يستاهل مردود الثناء

 

 

 

 

[معلومات العضو ماجد بن رويه]

لاهنت


ياعامر



قصيده جزله ووافيه وفي شخص يستاهلها




تقبل تحياتي