نادره للدندان ورده على العجمان

[معلومات العضو ابو زيد الغييثي]

السلام عليكم ورحمه الله وبركاته


أقدم لاخي القارئ هذه الابيات النادره لشاعرنا الكبيــر

الدندان / عبدالله بن محمد بن حزيم آل راشــد من الحرارشه من العياضات

من الرجبان من آل زايـــد .

مناسبه هذه الابيات هو عندما قال الشاعر راشــد بن ( ---- ) الذيب العجمي

مادحا ً الرجبان :

لاضاق صدري قلت بانحر الرجبان = لهم موقف ٍ عندي وأنا عندهم غالي

فقال الدندان رحمه الله هذه الابيات الرائعه :

أنا هاض مابي اعوذ بالله من الشيطان = كلام ٍ يشاليني وأنا ضايق ٍ بالي
فيا راكب اللي نياها ينبه البدان = حلاحيل حيل ٍ خالة الحيل نحالي
حلاحيل حيل ٍ مابعد جات من الحيران = حلاحيل حيل ٍ كنها صيد لسهالي
جهاجيل جيل ٍ تجتول كنها الغزلان = جهاجيل جيل ٍ تجتول يوم تنجالي
جهاجيل جيل ماتوطا على لرسان = جهاجيل جيش للحلق فيه جلجالي
ثمنان ثمنها ماتطري على لثمان = لها في رخاريخ التخاتيخ زلزالي
فطير تقطع في زعمها حلف لرسان = تواجف الى من روحت مع خلا الخالي
تشادى نعام ٍ عقب ماوكدت لعيان = هجيج ٍ مع راس الشفا والشفق تالي
تشيل الحمول أفحول من ركب عمان = حفيف صريف اكوارها حوف لهذالي
دريمه سماريها مع نابي الحزمان = دريمه مخال بالبرد له تنزالي
تسرح صلاة الصبح من فيض العلمان = لها في الضخى سرحة الثور مقيالي
تخلي الجبل بايسارها والبياض ايمان = مصافيرها في العود يوم أذن التالي
تنشد وتلقا من يدلك على الظفران = عيال ٍ تحوش الطيب ذربين لفعالي
نص السلام مناحي خيرة الجذعان = وثن السلام لخالد حامي التالي
ونص السلام مفرج ٍ مكرم الضيفان =وسلم على (راشد ) رعا الموقف العالي
سلم عليهم عد ما انشا من الودان =سلام ٍ يثنى عد ماهل همالي
سلام ٍ حلاته تزرع الخب في لبدان = تشادي حلاة حلا الدر حم الجهالي
قعدنا وحنا ماتهين على برهان = نبي نجيهم لاشك بالربع ماجالي
بعده انشد راشد عساه انقضا له شان = على الحول من صوبه على غيره إنحالي
عسى الحول منه إيخال ذباح حيل الضان = (( يشيل المخلا يوم خلوه لنذالي 1))
ويومي لاهل عوص النجايب من الريعان = مناخه محله للرياجيل مدهالي
من لابة تروى شبا مرهف العودان = تحزم القنازع عند طرعات لجهالي2
فإن كان ركبه كايد ٍ مالقا عوان = فلا عندنا شئ ٍ على راشد غالي
سلام نباكم واسلموا من خطر ماشان = سلامه نبا من زين الله له الغالي
وصلاة على ذكر النبي بأمرة الرحمن = نصلي عليه بحق ما يأمر الوالي

1/ يقصد سالفه راشد العجمي مع العجوز وقال ابيات شهيره ومنها هذا البيت الذي يحضرني

وان طاب الولد قالوا من خواله = وبالخال يسأل قبل الوالديني

ألخ الابيات

2/ يقصد العجمان وهم اهل ٍ للمدح
أخوكم / ابو زيــــــد الغييثي

 

 

 

 

[معلومات العضو تركي ال فنيس]

بيض الله وجهك علي الموضوع الله يرحم الشاعر رحمة واسعه

والعجمان يستاهلون المدح

 

 

 

 

[معلومات العضو الزين]

لاهنت يابو زيــــــــــــــــــد

وبيض الله وجهك

 

 

 

 

[معلومات العضو ابو زابن المسعري]

الاخ العزيز الغالي ابو زيد الغييثي ارحب تراحيب الحياء يالقرم حيه وحي ماجاب الله يرحم الشاعر الداهيه الدندان ويسكنه فسيح جناته ويستاهلون العجمان المدح من اول وتالي لــك مــني خــالص الاحتــرام والتــقـدير,,,,

 

 

 

 

[معلومات العضو مبارك الخييلي]

ونعم في أبن عجيم وباقي القبايل بلا نقص


وكلًً قدرة عالي


لاهنت وبيض الله وجهك يابو زيد على هذه المساجلة الرائعة والممتازة


ورحم الله شاعر الدواسر الدندان


تقبل جزيل شكري والتقدير

 

 

 

 

[معلومات العضو أبو سعود الودعاني]

اتحفتنا

بهذه النادره الجليله

رحم الله الشاعر الدندان

ورحم الله اموات المسلمين

لاهنت اخي الكريم ابو زيد

 

 

 

 

[معلومات العضو عبدالله المسعري]

بيض الله وجهك
ورحمة الله على الشاعر

 

 

 

 

[معلومات العضو الراقي]

اخي ابا زيد رعاك الله وابقاك
اتمنى ان كان لديك قصائد للدندان انك تتحفنا بها مأجورا ومشكورا
اشكرك من كل قلبي

 

 

 

 

[معلومات العضو سالم الحراجين]

ونعم في أبن عجيم وباقي القبايل بلا نقص


وكلًً قدرة عالي


لاهنت وبيض الله وجهك يابو زيد على هذه المساجلة الرائعة والممتازة


ورحم الله شاعر الدواسر الدندان


تقبل جزيل شكري والتقدير

 

 

 

 

[معلومات العضو سالم بن صمهود]

بيض الله وجهك علي الموضوع الله يرحم الشاعر رحمة واسعه

والعجمان يستاهلون المدح

 

 

 

 

[معلومات العضو ولد زعب]

ماقصرت ويعطيك العافية

 

 

 

 

[معلومات العضو ابوعبدالرحمن الودعاني]

أبوزيد دوم متميز. ورحم الله الدندان ما جاد الزمان بمثله. نحبك فالله يابوزيد. إلى الأمام ومزيد من الأنجازات من أجل القبيلة.

 

 

 

 

[معلومات العضو راعي الجمل]

شكراً أخوي ابو زيد ورحم الله الدندان وجزالك الله خير على هذه القصيدة المميزة

ولكن بيت بن الذيب يقول

( الولد وان طاب قالوا من خواله *** بالخوال يسال قبل الوالديني )

 

 

 

 

[معلومات العضو عبدالله المسعري]

لا هنت
بيض الله وجهك

 

 

 

 

[معلومات العضو ابو عبدالرحمن الدرجم]

بيض الله وجهم
ورحم الله الشاعر رحمة واسعه وجميع المسلمين

كل الود