بأبي وبأمي وروحي يارسول الله

[معلومات العضو محمد فراج الدوسري]

بأبي بأمي وروحي يا رسول الله=يارحمةٍ من عطايا الله مسديها
تكرم نبي الهدى والدين والملّه=ممايقولون وما قالت أعاديها
لولاك بعد الذي باعثك لابلّله=ماحنا ولا شي شاميها وهنديها
بعدك يابو القاسم العربان مجدٍ لّه=سدنا الحضارات تاليها وباديها
ياهشم صدرٍ تزفّر ماعرف ذلّه=أعراضنا دون عرضك ما نبديها
يا كثرنا اليوم مانشكي من القلّه=غثاء سيلٍ نبي من هو يقاديها
أتباعك اليوم ماتقبل خنا الزلّه=أتباعك أُسود وفهودٍ نهاديها
يستاهل السيف من شلّه ومن سلّه =من غير بو متعبٍ لاقام يرديها
صوت المنابرعلت بالحق وتجلّه=بيض العمايم زهت من بيض أياديها
بأبي بأمي وروحي يا رسول الله=يارحمةٍ من عطايا الله مهديها

 

 

 

 

[معلومات العضو كرباج]

يسللللم راسك .. وصح لسانك !!
ولا فض فوك يالقرم ..
ورسولنا محمد في قلوبنا..
شكراً لك ..

 

 

 

 

[معلومات العضو راشد المسعري]

بأبي وأمي وروحي يارسول الله


صح لسانك يابو فراج والله يبيض وجهك على القصيدة الجزلة

وعسى ماكتبت في موازين حسناتك وتقبل مني أجمل الود والتقدير ،،،

 

 

 

 

[معلومات العضو رائــــــــــد]

المشاركة الأصلية كتبت بواسطة محمد فراج الدوسري

بأبي بأمي وروحي يا رسول الله=يارحمةٍ من عطايا الله مسديها
تكرم نبي الهدى والدين والملّه=ممايقولون وما قالت أعاديها
لولاك بعد الذي باعثك لابلّله=ماحنا ولا شي شاميها وهنديها
بعدك يابو القاسم العربان مجدٍ لّه=سدنا الحضارات تاليها وباديها
ياهشم صدرٍ تزفّر ماعرف ذلّه=أعراضنا دون عرضك ما نبديها
يا كثرنا اليوم مانشكي من القلّه=غثاء سيلٍ نبي من هو يقاديها
أتباعك اليوم ماتقبل خنا الزلّه=أتباعك أُسود وفهودٍ نهاديها
يستاهل السيف من شلّه ومن سلّه =من غير بو متعبٍ لاقام يرديها
صوت المنابرعلت بالحق وتجلّه=بيض العمايم زهت من بيض أياديها
بأبي بأمي وروحي يا رسول الله=يارحمةٍ من عطايا الله مهديها

بيض الله وجهك
يالقرم
وصح السانك
وامد الله في عمرك
على طاعته
تقبل مروري

 

 

 

 

[معلومات العضو فهد بن مبارك الودعاني]

أرحب تراحيب المطر يأبو فراج

صح السانك ياشاعرنا

الله لأيهينك وبيض الله و جهك يالقرم

أنشهد أن رسولنا في قلوبنا

حسبي الله على الكفره و الخنازير..


تقبل مني أرق التحايا و أعذبها من أخوك.....

 

 

 

 

[معلومات العضو سالم بن صمهود]

ابوفراج

بيض الله وجهك
يالقرم
وصح السانك
وامد الله في عمرك
على طاعته

 

 

 

 

[معلومات العضو نادر فهاد بن نادر]

ابو فراج جمل الله حالك على هذا الابداع المتميز


اخوك
نادر بن فهاد بن نادر

 

 

 

 

[معلومات العضو نايف الخييلي]

صح لسانك يابو فراج

قصيده معبره دفاعاص عن خير البشر عليه الصلاه والسلام والله يجزاك خير

 

 

 

 

[معلومات العضو الزين]

أتباعك اليوم ماتقبـل خنـا الزلّـه=أتباعـك أُسـود وفهـودٍ نهاديهـا