وادي الدواسر...

[معلومات العضو راشد المسعري]

أبيات( أرشيفية) كتبها شاعرها بعد أن ابتعد عن ديرته لظروف الدراسه:-

أغليك يادار الوفاء والـله أغليـك=غـلا حقـيقـي صعب شـيءٍ يـزوله
يـادارنـا مافيه دارٍ تحاليـك= مهـما نلـف الكون عرضه وطوله
لو خيروني بيـن لندن مع التشـيـك=وباقي ديـار الغـرب دولة ودولة
إني لقـول الزين ياهوه واديـك=وادي الدواسـر والكرم والرجـولـة
وشـلون ينسى الدار منهـو ربا فيك= ماظـنتـي نســيانـهـا بالسهولة
حمـاك رب الكـون باللي سكن فيك=أسـلافنا أهـل التضحيـة والبطولة
ماضيك يبهـجنا ليا قيل ماضيـك= وحاضــرك زاهي والجميع شهـدوله
ياحبني لإسمـك وشـوفـك وطاريـك=حـب اليــتيـم إليا لقا من يعوله
وياحبني لجـّوك وشمسـك وأراضيـك=في وقتـنا الحاضر ووقـت الطفوله
المغـترب يادار ماهـو مجافـيـك=بس القدر غصــبٍ عليـنا قبـوله
أفـرح ليا جيتـك من البعد ناصـيك=كني سجيـنٍ بالفـرج صوتوله

 

 

 

 

[معلومات العضو أبونواف الدوسري]

الأخ القدير راشد المسعري ..لك جزيل الشكر علي نقل هذه القصيده..

وصح لسان قائلها ويرجعه بالسلامه الي أهله وذويه غانم سالم.

أخوك أبو نواف الدوسري.

 

 

 

 

[معلومات العضو راشد المسعري]

المشاركة الأصلية كتبت بواسطة أبونواف الدوسري

الأخ القدير راشد المسعري ..لك جزيل الشكر علي نقل هذه القصيده..

وصح لسان قائلها ويرجعه بالسلامه الي أهله وذويه غانم سالم.

أخوك أبو نواف الدوسري.

الغالي: ابو نواف

هلا والله بك ياحكيمنا ويسعدني مرورك على المشاركة المتواضعة

التي زدتها جمالا بمرورك وتعليقك الكريم ، ولكن للتنبية فقط يابو نواف:-

القصيدة لي طال عمرك ، لكن يمكن المقدمة خادعة شوي ، ولك مني الود والتقدير ،،،

 

 

 

 

[معلومات العضو العماني]

الشاعر القدير والغالي ابومحسن

صح الله لسانك وبيض الله وجهك على هذه الأبيات الرائعه والقصيدة الجزله كيف لا وهي في مهد الأباء والاجداد ودار الكرامه والشهامة ((وادي الدواسر)) .

صح الله لسانك ونبغيك تنفض لنا وتعطينا كل مافي الارشيف.

تقبل تحياتي،،

 

 

 

 

[معلومات العضو فهدالمحيسن]

مشاركة جميلة تشكرون عليها

 

 

 

 

[معلومات العضو يحيى الودعاني]

صـــــــــــــــــــــــــــح السانك مليون يالذيب

وبيض الله وجهك

الله يعز أهل الوادي و جميع الدواسر بدينه

 

 

 

 

[معلومات العضو شجاع الخريم]

الأخ العزيز والشاعر الكفؤ
أبــــــــــــو محســـــــــــن
أعزك الله ، وبيّض الله وجهك
على القصيدة الرائعة
وتقبل مروري،،،

 

 

 

 

[معلومات العضو العـمـور]

صح لساااانك ملااااااين على ذا القصيدة الي تنومس من سمعها,,

 

 

 

 

[معلومات العضو سالم بن صمهود]

صح الله لسانك يابن مسعر

وبيض الله وجهك يالقرم

الصلف

 

 

 

 

[معلومات العضو راشد المسعري]

المشاركة الأصلية كتبت بواسطة هايف العماني

الشاعر القدير والغالي ابومحسن

صح الله لسانك وبيض الله وجهك على هذه الأبيات الرائعه والقصيدة الجزله كيف لا وهي في مهد الأباء والاجداد ودار الكرامه والشهامة ((وادي الدواسر)) .

صح الله لسانك ونبغيك تنفض لنا وتعطينا كل مافي الارشيف.

تقبل تحياتي،،

الغالي: هايف العماني

ارحب يابو مبارك ، وصح بدنك وهذا من حقوق ديرتنا علينا

ومهما قلنا فيها من الكلام الطيب والقصيد نكون مقصرين تجاه درانا ودار آبائنا وأجدادنا

الله يعطيك العافية على المرور والرد الطيب ولك مني أجمل الود والتقدير ،،،

 

 

 

 

[معلومات العضو راشد المسعري]

المشاركة الأصلية كتبت بواسطة فهدالمحيسن

مشاركة جميلة تشكرون عليها

هلا يابو حكيم وتسلم على المرور الطيب

 

 

 

 

[معلومات العضو راشد المسعري]

المشاركة الأصلية كتبت بواسطة يحيى الودعاني

صـــــــــــــــــــــــــــح السانك مليون يالذيب

وبيض الله وجهك

الله يعز أهل الوادي و جميع الدواسر بدينه

يحيى الودعاني


صح بدنك ياطويل العمر ووجهك ابيض والله يعز المسلمين اجمعين ولاهنت على المرور

 

 

 

 

[معلومات العضو راشد المسعري]

المشاركة الأصلية كتبت بواسطة شجاع الخريم

الأخ العزيز والشاعر الكفؤ
أبــــــــــــو محســـــــــــن
أعزك الله ، وبيّض الله وجهك
على القصيدة الرائعة
وتقبل مروري،،،

شجاع الخريم


ارحب يابو حسن ووجهك ابيض يالقرم

 

 

 

 

[معلومات العضو راشد المسعري]

المشاركة الأصلية كتبت بواسطة العـمـور

صح لساااانك ملااااااين على ذا القصيدة الي تنومس من سمعها,,

العمور


ارحب يالقرم وصح بدنك ولاهنت

 

 

 

 

[معلومات العضو راشد المسعري]

المشاركة الأصلية كتبت بواسطة سالم بن صمهود

صح الله لسانك يابن مسعر

وبيض الله وجهك يالقرم

الصلف

سالم بن صمهود

صح بدنك يابن غياث وارحب تراحيب المطر ولاهنت على الكلام الطيب وتقبل التقدير ،،،