التغطية المصورة لــ حفل الشيخ سعد بن فهاد آل لويحق الشرافا

[معلومات العضو الإداره]

الحمد لله رب العالمين والصلاة والسلام على سيد الانبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته الى يوم الدين إخواننا أعضاء وزوّار الموقع الرسمي لقبيلة الدواسر أعدّ التقرير عضو مجلس إدارة الموقع الأستاذ فهد بن هادي الغريري لطيب نبراس وللعلوم الطيبه اهلها من باب التنافس الشريف ،ومن باب الإخاء بين أبناء العمومه. وفي ليلة فريدة وفي تجمع عـز وطاعة وفي لقاء أنس ومحبة ، في جو أخوي زاد من جماله ذلك التجمع الرائع بين أبناء قبيلة الدواســـر والقبائل الاخرى. وضمن ما يقوم به الموقع الرسمي لقبيلة الدواسر العريقة من تقديمٍ لتغطياتٍ مختلفة ومتنوعة لـ جميع أحداث قبيلة الدواسر المختلفة بكل مكان ، فإننا ليسرنا أن نستعرض عبر هذا المتصفح حفل الشيخ سعد بن فهاد ال لويحق الشرافا وذالك لزواج ابنه الشاب عبدالله بن سعد ال لويحق الشرافا. وتكريم اداري موقع الدواسر الرسمي الاعلامي فهد بن هادي الغريري وذالك نظير لجهوده النيره خلال العشر سنوان في خدمة قبيلة الدواسر. الشيخ سعد بن فهاد ال لويحق الشرافا العريس: العريس عبدالله بن سعد بن فهاد ال لويحق الشرافا من اليمين الشيخ راجس بن بنجان الشرافي وبجانبة الشيخ حمد بن سعد بن شايع الهاجري من اليمين الشيخ فهد بن منير الشرافا وبجانبة غالب بن حمد الهاجري من اليمين الشيخ عبدالله بن فهاد الويحق الشرافا وبجانبة فهاد بن سعد الويحق الشرافا وبجانبة الشيخ سعد بن فهاد الويحق الشرافا من اليمين فالح بن معجب الويحق وبجانبة فالح بن بن فهاد الويحق من اليمين عبدالرحمن بن محمد بن دعس الشرافا وبجانبة عايض بن سيف الشرافا من اليمين معجب بن فالح الويحق الشرافا من اليمين شبيب بن حليس الخييلي وبجانبة عضو المجلس البلدي بالشرقية الاستاذ فالح بن نبجان الشرافا من اليمين حمد بن سعد بن شايع الهاجري وبجانبة علي بن حجاب المنيف الهاجري الشيخ سيف بن فايز البيشي من اليمين فهاد بن سعد الويحق الشرافا وبجانبة الشاعر محمد بن مبارك الشرع العمور من اليمين فايز بن فهد الويحق الشرافا وبجانبة فالح بن محمد الويحق الشرافا من اليسار العقيد خالد بن شبيب العمور من اليسار محمد بن فهد الشرافا ويليه محمد بن جمعان الشرافا ويليه عضو المجلس البلدي في بقيق الاستاذ مسفر بن فهد الشرافا من اليمين الشاعر مرزوق بن حليس الخييلي وبجانبة محمد بن سيف الشرافاء ويليه الاستاذ فهد بن هادي الغريري ويليه العقيد خالد بن شبيب العمور من اليمين الشاعر مبارك بن مناحي العمور وفي اقصى اليسار الشاعر سعد ال بريك في المنتصف الشاعر سعد ال بريك وبجانبة الشاعر عبدالله بن صالح الصليبي الحقباني فقرات الــحــفــل الأعلامي راشد بن حماد الغريري إنطلقت فعاليات الحفل المنبري عند وصول جميع الضيوف التي قدمها الأعلامي راشد بن حماد الغريري وقد بدأ الحفل بآيات من الذكر الحكيم تلاها النقيب حسام بن ابراهيم الشرافاء. النقيب حسام بن ابراهيم الشرافاء. الشيخ سيف بن فايز البيشي ألقى الشيخ سيف بن فايز البيشي كلمةً بهذه المناسبة . أشاد فيها بالحفل، وبيّن أن ديننا الاسلامي حث على صلة الرحم ومثل هذه التجمعات وان هذا من فضل الله علينا وأن الجميع مأجور بإذن الله فهاد بن سعد الويحق الشرافا ومن ثم كلمه لراعي الحفل الشيخ سعد بن فهاد الويحق الشرافا يليقها نيابتاً عنه وابنه فهاد بن سعد الويحق الشرافا لأن مثل هذه المناسبات لابد لـ الشعر أن يكون له حضوراً ، ولأن مثل هذه المواقف العظمى لابد أن تسجل وتدوّن بأبيات القصيدة . إستهلها الشاعر ثقل بن مبارك النقيزان الحقباني الشاعر ثقل بن مبارك النقيزان الحقباني الشاعر فيصل بن بدر بن مرسان الهاجري ثم ألقى الشاعر فيصل بن بدر بن مرسان الهاجري قصيدةً بهذا الحفل حيث يقول في قصيدته : ي راشد غنها لا جاء وعدها =بفعل الطيب ما تقصر يدينا يالين النفس ما توصل لحدها=على الميثــاق دايـم حاضرينا مثل خوتك ما ينقص عهدها=علـى سلم الرجــال الأوليـنـا حـــرارٍ نــادراتٍ في هــددها=واسر تجعل القاسي يلينا ياكـم فـاطــرٍ تبكـي ولـدها=تذكـــونه ويمنــاكـم سميـنا مواقفكم لو بنحصي عددها=دواوويـن إن كتبنا ما وفيـنا طناخة روسكم كلٍ شهـدها=مزارق طيب وسيوفٍ سنينا دواسر كل رجالٍ قصدها=لقـاها ساعـة الشـدة تبيـنا دواسر لا إعتـزت كلٍ وجدها=عـلــوم المـرجــلـة دنـيا و ديـنا فعـلـها بـ الخصيـم أمــر وأدهـا=وعون اللي شكى ضيم السنينا أقوله بـ إسم ربعي وأعتمدها=بني_هاجر كـعـام العايلينا الشاعر محمد بن مبارك الشرع العمور ثم ألقى الشاعر محمد بن مبارك الشرع العمور قصيدتان بهذا الحفل حيث يقول في قصيدته : سلم الـعرب تـبدا بـتسليم الإسـلام=ولا خــاب والله مـن بـدا وأبـتدا بـه سلام ي الظفران ما حـايمٍ حـام=حرٍ رقى مـن فـوق رجـمٍ عـلا بـه سـلام ي ربــعٍ يـضـدون الأخـصـام=ربـعـي عـمـى عين الـحـريب وعـذابه من شان جمعى الربع حثيت الأقدام=أهـل الـكــرم والـعــرف وأهـل الذرابه جمعى بني عمي على صدري وسام=تـزيــد مــن عـمــري ويـكـثر زهـابـه ويـامرحباً بالضيف ما خطت إبهام=من عصرنا لا عصر خير الصحابه عــنـد أبــلـجٍ ومــعـرّبٍ لـلـعـلى شـــام=سـعـد سـعـد من هو نـصـاه ولـجـابه تـسـمـع تـراحـيبه عـلـى مــر الأيــام=مـــشــرعٍ للـضـيـف قــلـبـه وبــابــه مــن نـسـل عـودٍ فـالصعيبات مـقدام=فهاد ذكــــره كـــل شـيـــخٍ درابــه وجــهه وجــاه وفـزعةٍ تـبري أسـقام=وقـفـة وفــاء والله يـضـاعف ثـوابـه لـه سـيرةٍ تـبقى على طول الأعوام=فــي صـفـحة الـتاريخ تـزها كـتابه مــن عــزوةٍ يــوم الـجهل دوم قـدام=لآد #الحزيمي مـجـدهـم يـقـتدابه لامـن غـــدا لـلـعـمر بــايـع وســوام=ســاق #الشرافي لـلـمـنايا ركــابـه قـلـته وربـعـي صـيـتهم والـفـخر دام=لاد #العميري وأسـمـهـم يـكـتـفابه ربـعي هـل الـوقفه مـحطمة الأرقـام=للــضـد ضــــد ولـلـقـرايـب قــرابــه ثم اللقاء قصيدته الثانية في اداري موقع الدواسر الرسمي الاعلامي فهد بن هادي الغريري هـاجـسـي روح عـلـى روس الـطـوالي=وأسـلـك دروب الـصـعايب لا تـمـالي الـصـعـب لــمـدور الـصـعـبة عـشـاقـة=ووقـفـتي تـطـرب لـيـا جـالي مـجالي وأنت يا فهد بن هادي لك قصيدي=يـطـرب ويـطـرب كـريـمين الـسبالي فـعل كفك قــدم عيني وأنشدوني=وأنشدوا غيري عن فعولٍ جزالي تــبـذل الـجـزلات فـالـموقف وتـبـذل=جـهـدك ومـالك ولا جـمعت مـالي شـايشٍ راسـك وبـه طـيب وحـميه=ورث عم وورث جـد وورث خـالـي مــن غــررةٍ مـجـدهم جـزل مـسطر=فالتواريـخ الــقـديـمـة والــتـوالـي تـشـهـد الـحـوطـة بـهـيـتها وتـشـهـد=غـيـرها مــع غـيـرها لـو بـه مـجالي وخـتـمـها صـلـوا عـلـى طــه مـحـمد=عـــد وبـــل هـــل فــالـوادي وســالـي وبعدها كان هناك التكريم لــ اداري موقع الدواسر الرسمي الاعلامي فهد بن هادي الغريري عباره عن رشاش مذهب و بشت ودرع _____________________________ وبعدها كان هناك كلمه لــ عضو المجلس البلدي بالمنطقة بالشرقية الأستاذ:فالح بن راجس بن نبجان الشرافي عضو المجلس البلدي بالمنطقة بالشرقية الأستاذ:فالح بن راجس بن نبجان الشرافي الشاعر عبدالله بن صالح الصليبي الحقباني ثم ألقى الشاعر عبدالله بن صالح الصليبي الحقباني قصيدةً بهذا الحفل حيث يقول في قصيدته : هات يا هاجسي شرد القوافي=هقوتي فيك ما ظني تخيبي حي من حزّة اللازم يشافي=عقّب اللي عن ربوعه يغيبي حفل ذا الليل وافي وأنت وافي=عند لآد #الحزيمي يا نديبي يا سلامي على سعد #الشرافي=#ابن_لويحق عمى عين الحريبي جيت أشارك وأبارك للسنافي=وجعل فال السمّي زين النصيبي نسل ربعٍ تصافي من يصافي=ومن حربهم لقاء جمعٍ مهيبي #الدواسر هل الحدب الرهافي=محزمي لا عوى ذيبٍ لذيبي يامن اللي وزانا ما يخافي=ترقد عيونه وجرحه يطيبي و #الغريري فهد ذيب الفيافي=للدواسر كسب عزّ و طيبي والفخر لإبن مسعر له يضافي=كفو ابو محسن الساس العريبي والتواصل أخير من التجافي=والمراجل لها درب صعيبي والوطن كلنا له درع ضافي=لا دعى داعيٍ الفزعه نجيبي والقبايل لهم سعي ومطافي=والله اللي على الحسنا يثيبي ذا وأصلي عدد ما هب سافي=للنبي عد ما سال الشعيبي الشاعر سعد بن فهيد آل بريك ثم ألقى الشاعر مسعد بن فهيد آل بريك قصيدةً بهذا الحفل حيث يقول في قصيدته : المرجلة ماهيب تاتي شفـاقه=تبغي صبيٍ ينثني للثقيلات يتعب لها وهي تعشقه عشاقه=وقفتـةٍ مـا فيها مـلـي وهاهات لا قام شال الحمل والطيب شاقه=وعند الخوي يشوش ويجيه موّات لامـن زهـم جـت فزعتـه من أعماقه=ماهيب فزعة من بغى منك حاجات مثلك يابـو راشــــد ي عـز الـرفــاقـه=غريريٍ في الوقت ذا واللي بعد فات تاريخهم يشـعــاك لمــعــة بـراقــه=بأيمانهم حازوه ماهوب إشاعات وأنت أحتزمت بطيب راس ولباقه=وعزّمت تحتل الـذكـر والإشادات بينك وبين المــدح ود وعلاقه=علاقةٍ ماهيب مثل العلاقات جعلك بـعــد من يتّصـف بـ الحمــاقـه=ضعيف وفوق الضعف راعي مباهات ماله بـســوق الطيـب جمـل و نـاقـه=ومن لا ذكر بالطيب ينسى ليا مات مبـروك ي فهـد علوم الطلاقة=والا اللقب إسمٍ يخلد للثبات وأنا أقـــدم لك مـن الــــود بـاقـه=وأقول مثلك كفو لأعلى الدرجات الشاعر مبارك بن مناحي العمور ثم ألقى الشاعر بارك بن مناحي العمور قصيدةً بهذا الحفل حيث يقول في قصيدته : أنا وشعري والقوافي والأبيات=حضّرتها عند الرجال المسمين وأخترت من جزل المثايل مساحات=قصيــدةٍ عنـوانها اليــوم عيـديـن من #العمور أسوق جزل التحيات=على #الشرافا عــد زرع البساتين أهل البيوت اللي بــروس الرفيعات=وأهل الوفاء والحق والعرف والدين وعلى الحضور أمد عذب السلامات=تسليمة الــوافـي إلى شــاف وافـين الحفــل هـذا الليل ، ذا الليل بالذات=عندي وعند اللي حضر صار حفلين حفلة فــرح فيها زهـور ومسرات =وحفلٍ يكرم فيه طلق الحجاجين فهد ابن هادي زبون المهمات=عـزٍ لربعـه حـزة العسر واللين متحمـلٍ ليــل التعـب والمشقــات=ويقدّم الفزعه للأقصى والأدنين له في مجال النت صوله وجوﻻت=وأكبر دليل المـوقـع اللي له سنين في فزعته تسهل جميع الصعيبات=وإلـى زهمتـه شفتـه يسـار ويمـين موقع #دواسر له برامج وصفحات=ياخذ من الماضي دروس وعناوين #تغلب و #زايد للوصل والمروات=سمٍ على كبـد الحسـد والمعادين #دواسر نرفع على المجد رايات=وفزعاتنا تعتــق رقـاب المساجين وإلى وردنا ماحسبنا المسافات=وﻻ يخـوفنـا قنـيــب السـراحـين الشاعر مدعث بن محمد بن جريس الخييلي ثم ألقى الشاعر مدعث بن محمد بن جريس الخييلي قصيدةً بهذا الحفل حيث يقول في قصيدته : هاجســي لامـن زهمـتـه مـا تــونّـا=يصطفق مثل البحر وسط المحاني يطـرب اللي يستمع لامنه غـنّـا=ولا يجيب إلا جزيــلات المعاني ي ســـلام الله عــدد ما نـجــر دنّــا=وعد من صلى ومن صام رمضاني للحضــور اللي لفـوا منّا و منّا=من قريب ومن بعيدات المكاني بعدها مبـروك يالـوافـي جملنّا=جعل عمرك كله أفراح وتهاني ي #ابن_لويحق ياولد زبن المجنّا=سلمكم معــروف من بين البيـاني طيب خاطر خف نفس وحسن ضنّا=ولا خبـرنا عشــركـم ترجــع ثمـانـي ارحبــوا والعــود الأزرق بـعــد بنّـا=والشحم مردوم من فوق الصواني ينـدله فـي ضفـكـم قلب المعنّـا=ياكعام الضد خطلان اليماني ي #الشرافا خيلكم ماهي تعنا=تاردون المــوت ميراد الضماني من حرب لآد #الحزيمي ما تهنا=لابتن فـ الهـوش يروون السناني ذودهم فـ أرض المخافا يرتعنا=محتمينن دونها بـ أم المثـانـي روسهم عند الصعايب شوشنّا=كـل منهم للصعيبـة مرحبـاني لابتي تمحى المعـادي بالمحنّـا =نحمد الله مانزلنا في طماني نشرب العـد القـراح إليا وردنا=ومانبيع الماء ولو شح الزماني واللحم في وسط سوقه ما تجرنا=لو كـلانا الفقر أو ضـاق المكاني نرضع علوم المراجل في مهدنا=والشجاعة طبعنا والعمر فاني وأنت ي #عز_الدواسر ي فـهـــدنـا=يالكريم الصيرمي يابن الحصاني #الغريري لا ورد ذكـره بهـجــنـا=#الدواسر تفتخر قاصي وداني الشاعر خالد بن حليس الخييلي ثم ألقى الشاعر خالد بن حليس الخييلي قصيدةً بهذا الحفل حيث يقول في قصيدته : للشعـر بـاب وللفخـر عدة أبواب=وأنا أفاخر في القصايد وأهلها وأخص أبو راشد ولا عنه مجناب=رمــزٍ خـذا جـل الصعاب وحملها ساق القدم يم النشاما والأجناب=ومجالس إكـرام اللحى قد دهلها عشان خطلان الأيادي والأصحاب=وجـه مــوديــت الـديـــار ونـتــلــهـا للي تجيب العلم وتفك الأرقاب=وحـرر مـواثـيــق العلـوم وفتلها حـرٍ شهر حول على كل مرقاب=خاوى طحاطيح الرجال وذهلها اللي تقول الصدق وتحط الألقاب=وتختـار من بــد الأسامي جملها #عز_الدواسر نجم وإن ما كفى شهاب=باصـم علـى خــد الـديـــار ودولـهـا في كل محفل يكسب أنواع الإعجاب=حــاز المــراجـــل والمـعــرفـة نـهــلـهـا جعل السحاب اللي تزبّر وسكّاب=لا جـاء على ديـار الرفاقة شملها الشاعر تركي بن مسفر الشرافي ثم ألقى الشاعر تركي بن مسفر الشرافي قصيدةً بهذا الحفل حيث يقول في قصيدته : أبدي بذكر الله في مبداها=وعساني أوفق لزين إبناها البارحه هاضت عليّ هجوسي=وسـرتنـي الفـكــرة وسـرينـاها وجبت التماثيل الجزال الندّر=اللي يحير الفكر في معناها عنّيت ي #عز_الدواسر لجلك=العيطموس اللي تجر خطاها ذي سابقي فالشعر وإلها وقفه=وقـفــة فـخــر وأجيالنا تقــراها المـدحـه اللي في جنـابك تكفي= تكفي عن ظنون البشر وحكاها قصيدةٍ يالله عساها تسمو=للي سـهــوم المرجلة عـلاّها فهد فهد رمز الوفاء و الجزله=هـي مكسبه من سيـرةٍ بناها ترفع له البيضاء وهو يستاهل=اللي فـعــولـه ما حــدٍ سـواها نفـســه جعلها فـــدوةٍ لـربــوعـه=ومصخرٍ جهده لكسب إرضاها روحه جلوبه دون ربعه جمعا =دون الـقـبـيــلة كلها وحماها يمـثــل اللاّبــه وبـسـم اللاّبــه=في كل محفل بصمته نلقاها إسمه ينومسنا وبسمه نرقي=اللي عجز ولـد الردي يرقاها الرآس طيب والفعول تجمل=ومـدايـحــي يزهنه ويزهاها هذي القصيدة قلتها فالوافي=حتي إلي من قيل وش طراها بقــول طرتها فعــولٍ بسمه=بيبطي التاريخ ما يمحاها أتعبت من بـعــدك وفعلك غانم=جزل المدايح صوبكم منصاها وكان لنا موعد مع الأوبريت الانشادي مع المبدع تركي بن مسفر الشراقا الهب حماس الحضور بــ الشله الانشادية الجزله من كلماته ا ::::::.:::::: تفاعل الحضور مع الشله الـــــتــــــكريـــــم وإيماناً من الشيخ سعد بن فهاد الويحق الشرافا راعي الحفل أن يكرم الشعراء المشاركين بـــ الحفل. صــور عــــامــه من الحفل وفي الختام، فإننا نكرر المباركة بإسم مجلس إدارة الموقع والطاقم الرقابي العام والرقابي والإشرافي والإستشاري للموقع الرسمي لقبيلة الدواسر لـ الشيخ سعد بن فهاد الويحق الشرافا مناسبة زواج أبنه الشاب( عبدالله )، ونقول له "بارك الله لكما وبارك عليكما وجمع فيما بينكم بخير". (صوت قبيلة الدواسر) موقع قبيلة الدواسر الرسمي www.alduwaser.org/vb

 

 

 

 

[معلومات العضو نآصر البدراني]

نبارك للعريس الأستاذ عبدالله بن سعد الويحق الشرافا

بمناسبة زواجه الله يوفقه ويرزقه الذرية الصالحه وبيض الله وجه والده

الشيخ سعد بن فهاد الويحق الشرافا على الحفل الطيب والرائع

لاهنت يبو راشد على جهودك وتستاهل التكريم يا كحيلان

 

 

 

 

[معلومات العضو راشد المسعري]

نبارك للعريس الأستاذ عبدالله بن سعد الويحق الشرافا

بمناسبة زواجه الله يوفقه ويرزقه الذرية الصالحه

وبيض الله وجه الشيخ سعد بن فهاد بن لويحق الشرافا على الحفل الطيب والرائع

ونشكرهم على اللفتة الكريمة والغير مستغربة بتكريم رجل ناجح خدم القبيلة

بأكملها في كل مكان وهو الاخ/ فهد الغريري ويستاهل ابو راشد التكريم والتقدير

والإحترام .