إلى أصحاب الفضيلة والعلم الشيخ..

[معلومات العضو محمد فراج الدوسري]

لاتسأل المجروح مافيه تبرير=لانيب لامفطر ولا نيب صايم
أحسن لي اسكت ماتفيد المعاذير=مالي ومال غترهم والعمايم
لهم معزه واحترامٍِ وتقدير=شيوخنا سرج الأرض في الظلايم
ياكثر مافيهم من الدين والخير=عزايمٍ قصرت وراها عزايم
عل قل ما فينا نسب المناعير=والله ما نجني ياكود الندايم
لحومهم سم وحرامٍ وتخدير=هلايمٍ جرت وراها هلايم
أمة محمد ماكلت لحم خنزير=واكلت بعضها باللغط والشتايم
أمرٍ مدبر فيه غشٍ وتزوير=والعولمي يجني كبار الغنايم
بخيله ،ورجله ،واللهو، والمزامير=أجلب علينا إبليس والكل هايم
الكرسي إن ما دار بيجيه تدوير =دارت عليك الدايره وانت نايم

 

 

 

 

[معلومات العضو ابومبخوت الدوسري]

ابوفراج صح لسانك واعتلى شانك قصيده جزله وفيها من الوعي والفكر يعطيك العافيه ولاهنت تقبل تحياتي

 

 

 

 

[معلومات العضو مبارك بن الجوير]

عل قل ما فينا نسـب المناعيـر
والله ما نجنـي ياكـود الندايـم

لحومهم سـم وحـرامٍ وتخديـر
هلايـمٍ جـرت وراهـا هـلايـم

أمة محمد ماكلـت لحـم خنزيـر
واكلت بعضها باللغط والشتايـم

أمرٍ مدبر فيـه غـشٍ وتزويـر
والعولمي يجنـي كبـار الغنايـم

بخيله ،ورجله ،واللهو، والمزامير
أجلب علينا إبليس والكـل هايـم

الكرسي إن ما دار بيجيه تدويـر
دارت عليك الدايره وانـت نايـم

ابوفرااااج
اولا اررررحب على الحضور
ومن طوّل الغيبات جاب الغنايم

ثانيا" صح الله لساااانك على هالرسالة النبيلة
وجعلها في ميزااان حسناااتك
والمشايخ عزهم الله على طاعته
وكرمهم عن هرجة الاقزااام
اللي يتطاولون على من لا يطولونو لهم
يسلم منطوووقك الجزل يامحمد
والله يثبّت اجرك وانا اخوووك
ولاتحرمنا روائـعك يا القرم..
تقبل مروري المتواضع لاهنت..