والصمت حكمه والمجالس لهـا ذوق ........

[معلومات العضو ابو طارد]

هذه قصيدة أعجبتني ،،، أعتقد أن قائلها يقال له "أبو نجود الخييلي الدوسري" على الأرجح ،، مع العلم بأنني ليس متأكد من الأسم،، إليكم القصيده عسى أن تنال إعجابكم : -

سرياقلم وكتب من الشعـر طـاروق=هوجاس شعـرٍ بالخفـوق ارتطامـه
يصفق بقلبٍ من عنا الوقت مصفـوق=قلـبٍ مغربلـه الزمـان وحطـامـه
يفـز للعلـوم المطالـيـق ويـتـوق=دائـم علـى العليا همامـه همـامـه
بعده سـلامٍ عـد ما لاحـت ابـروق=يكشف سناهـا الليـل لظلـم ظلامـه
سلام احلى من لبـن طيـب النـوق=وحلى من انتاج النحـل فـي تهامـه
إليـك يامسعـود والعلـم مـرفـوق=مرفوق وانت ادرى بدرب السلامـه
انصحك لاتمشي مـع كـل مطفـوق=ولاجـبـانٍ كاسيـتـه الـرخـامـه
ولاكـذوبٍ يجعـل الطـاق مطبـوق=اعـوج خلقـه الله بـدون استقامـه
وحذر من الشبهات وحذر من البـوق=ولاتصاحـب مـن غشتـه الملامـه
وعرف ترى المجلس له ادآب وحقوق=هـرجٍ قليـل وضحكـةٍ ببتسـامـه
ومن العيوب الثرثـره علـم ماثـوق=علـمٍ موثقتـه رجــال الزعـامـه
والصمت حكمه والمجالس لهـا ذوق=والضحك مايـرث لـك إلآ ندامـه
خلك عزيز ومنـزل العـز مرّمـوق=والطيب لهل الطيـب يبقـى علامـه
يبقى مقامك فوق وتعيـش بـه فـوق=والـرجـل يفخر لا تعـلـى مقـامـه
يبقى احترامك يكتسي كـل مخلـوق=والمحترم علـى الجميـع احترامـه
مكـارم الأخـلاق تمنعـك فالعـوق=وتحط لـك تـاجٍ علـى كـل هامه
خلك حكيم السان في كـل منطـوق=والرجل بين النـاس يحفـظ كلامـه
وحرص وخل قلبك للسرار صندوق=خلـه يجـي لسّـر فيـه انسجامـه
وقنع بقسمك لو من النبـت زملـوق=اخيـر لـك مـن مـد يـد الهلامـه
وان صك توك باب سوق القدم سوق= للباب ألآخـر ينفتـح لـك كرامـه
ادرك سبب مادآم لك قلـب وعـروق=يضـخ فيهـا القلـب دم الشهامـه
واصبر مدامٍ كـل مطـرود ملحـوق= مـن مبتـدى الدنيـا ليـوم القيامه
والقلب خـل كنـه معلـق بعالـوق= بالله وحج وصـل وكمـل صيامـه
والوالديـن إلبرّهـم خلـك مسيـوق=وخفض لهـم جنـاح ذلـك رغامـه
سانح لهم في شفهـم ومـش برفـوق=فـي مايحـل الله وجنـب حـرامـه
والوالده صَـن قدرهاداخـل المـوق=وحرص على الشايب كبير العمامـه
وعداد ماهـز الهـوا كـل غرنـوق=صلوا على اللي منهج الحـق اقامـه

وسلامتكم ،،،،