قبائل الجنوب تهاجم الدواسر

[معلومات العضو تركي ال فنيس]

حدثت هذه الوقعة عندما غارت قبائل من الجنوب وهي قبيلة دهم وقبيلة عبيــــده من قحطان والصياعر والكرب وغيرهم على آل حسن من آل صهيب من الدواسر عند الافلاج وحدثت معركة كبيرة انتصر فيها الدواســــــر وقتل من المعتدين الشيوخ حسب ماورد في القصيد.


وبهذه المناسبه قال الشاعر الهذيه مبارك بن شيبان الودعاني ، ويكذر فيها ان خساير الدواسر كانت عقر ثلاثين فرس ، في حين ان خاسايرهم الشيوخ والأرواح، كما غنم الدواسر منهم ثمانين من الابل مليئة بالزهاب غير غنائمهم من السلاح، وفي النهاية ينقل الهذية خبر النصر للشيخ سلطان بن قويد واليكم القصيدة.

انا هاضني من يمة الشرق جردة= ثمان اميه لاكثر الله حسابها
غاروا على ترثة صهيب بن زايـــــد = حسنية وافعالها يندري بها
يفدونهم فد الفهد شرد المها = يقولون خلفات الغضا اش نبابها
خسايرنا منهم ثلاثين حافر = وخسايرهم الشيخان نهفي رقابها
كله لعينا ترفة غضة الصبا = يبون اليمن مراعها من اثيابها
خذا قضاها عويض(1) وجعمل(2) = خيالة الحرشا نهار العزابها
خذوا لابتي منهم ثمانين نضوه = عليها الاشده زاهيات زهابها
مع الفرنجيات من كل مايق = ضواق المجاري ضببت في رقابها
ون بانلك في يمة الخيل فرجة =تبغى الرديني(3) والرديني حجابها
حنا حمى الوادي بسيفٍ وبندق =فرنجيةٍ ماعاد يبرى صوابها
لي لابةٍ زبن المجنا الى وزى =هل كرمةٍ كم من جويعٍ هقابها
عيدٍ الـ هشال الخلا لالفولهم =لاجات من الغربة حفاياً ركابها
قصيرهم يهمل بليا نقيلة =من الخرج لاخرباً رعى في جنابها
نواسة الحربي(4) على كل ضامر =لاقامة العبلة يتلاعج سرابها
ياراكب وجنا مني السير والسري= وقم الرباع وما بعد شق نابها
تلفي لنا في عثعث الدحي لابة = هل عزوة من جا حماها دري بها
تنحر لنا سلطان زيزوم سربة(5) = حامي العشاير لين كل يهابها

(1)عويض: هو الفارس عويض بن خضير الهواملة الدوسري
(2)جعمل: هو اخو عويض بن خضير الهواملة الدوسري
(3)الرديني : الفارس الرديني بن قويد المساعره الدوسري
(4)الحربي: يقصد به الطرف الثاني المعادي ( اي العدو)
(5)سلطان :ابن زابن ابن قويد

وهذه قصيدة الفارس : عبدالله بن فرتيش بن غصن الخضران الدوسري ومسندها للدواسر كلهم يبشرهم بالنصر الذي حققه الفرجان وآل حسن كلهم.

ياراكب من عندنا عيدهيه = تشدي هنوف درعت عيطموسها (1)
تسرح وتمسي لي طوارف قبيلة =زايــــدية في الهوش ترخص انفوسها
جانا من العبر المسمي مخيلة = تبرق بنار والثميدي ضروسها
جتنا جرود ماعرفنا حسابها = من الكثر لا امست ماتحرس حروسها
عشرٍ مع عشر وعشرين لليلة =على الوجه قفو مايعوجون روسها
جونا عبيدة والصياعر والكرب =وزيزومها الضلعان يقدّون روسها
يبغون خلفات ذراها رماحنا = خلفاتنا كن الوحايا جنوسها
شرف رقيبتهم وبشر كبيرهم = شاف الخلايا في طوارف كنوسها
غاروا لحلتنا ورزوا بيارق = وعليهم نجدد مامضي من رموسها
بعنا علي حوض المنايا بيعة =وغنت بها الورقا بناعم غروسها
ذبحنا عويضه وسونا لحق صالح =وعاداتنا لضو القوم نطفي قبوسها
نروي العرينيات في دلق وردنا = لين انثنت كن الكلاليب روسها
هجوا وردينا ثمانين نضوة =وخمسين عند البل دفقنا نفوسها
خذينا الفرنجيات ماينصخي بها = مع الخناجر فاصلات حبوسها
حريبــــــنا لو ينتزح دوم خايف = وابله علي العيرات دايم ننوسها
ربعي عزاز الجار يامن بدارنا = يروح منا حرمته ما نسوسها(2)

(1)عيطموسها: الثوب المزين بسلوك البرسيم والحرير وتلبسه العروس ليلة زفافها
(2)مانسوسها: لانطلب عرضها بسياسه او حيلة

كما شاركت قبيلة الغرره بني عمهم الدواسر في المعركة وابلوا بلاءً حسناً ويقول فيهم الشاعر ابن غصن الخضراني من عرض قصيدة طويلة:

اخيارنا في ملاقا عبيدة=غريرية ٍ مروين حد الرهايف

كاتبه : تركي الودعاني

شكر وتقدير : لأبوسعد الفرجاني ، ومحمد الغريري ، والعماني على الاضافات

جميع الحقوق محفوظه لمنتديات الدواسر الرسميه

 

 

 

 

[معلومات العضو نايف]

لاهنت ياتركي على المجهود الطيب صح لسانك ويعطيك العافيه

 

 

 

 

[معلومات العضو أبوفهيد الودعاني]

بيض الله وجهك ياتركي الودعاني على ذكر

هذه المعركه والقصيد ولا عدمناك يالقرم


تقبل تحياتي ،،،،،

 

 

 

 

[معلومات العضو عامر الحراجين]

بيض الله وجهك تركي الودعاني على ايراد الهيه.

وكفو والله بصلب ابوي وجدي.

عــــامــــــــر الحراجين..

 

 

 

 

[معلومات العضو محمد ال بو زمام]

السلام عليكم ورحمة الله وبركاته

بيض الله وجهك اخوي ( تركي الودعاني ) ولاهنت على هذه القصيده .


والى الامام

والـــــــــــســــــــلام خـــــــــــتــــــــــام

 

 

 

 

[معلومات العضو تركي ال فنيس]

نايف ولا انت يالغالي والسانك ويسعدني مرورك

 

 

 

 

[معلومات العضو ابن محمد الودعاني]

بيض الله وجهك ياتركي

والله لايهينك على مجهودك

 

 

 

 

[معلومات العضو الـخـيـيـلـي]

خسايرنـا منهـم ثلاثيـن حافـر
وخسايرهم الشيخان نهفي رقابهـا
كله لعينا ترفـة غضـة الصبـا
يبون اليمن مراعها مـن اثيابهـا
خذا قضاها عويـض بـن جعـل
خيالة الحرشـا نهـار العزابهـا
خذوا لابتي منهم ثمانيـن نضـوه
عليها الاشده زاهيـات زهابهـا

كفوووووو والله صبيان حسن .. يحرونبها

من غير قصوراً في قحطان .. وهذا هو حال الاولين يوم غالب ويوم مغلوب

 

 

 

 

[معلومات العضو العماني]

ونعم والله بآل حسن كلهم ولابه قصور بالباقين

لاهنت اخوي تركي على ذكر هذه المعركة

تقبل تحياتي،،

 

 

 

 

[معلومات العضو ابو زيد الغييثي]

ونعم وبيض الله وجهك يا تركي

 

 

 

 

[معلومات العضو تركي ال فنيس]

البراق وجهك ابيض يالقرم ويسعدني مرروك الكريم

 

 

 

 

[معلومات العضو تركي ال فنيس]

عامر الحراجين وجهك ابيض يالقرم ولاهنت علي مرورك الكريم

 

 

 

 

[معلومات العضو بن مشخص المسعري]

بيض الله وجهك يالودعاني ولا هنت
بس بغيت انوه للموضوع
ال ابا حسن المساعره لاد صهيب

 

 

 

 

[معلومات العضو ابـــــ سعد ـــــو]

اخوي تركي الودعاني مساك الله


بالخير وتشكر كل الشكر


على المجهودات التي لم

تستغرب من شخص كشخصك الكريم

نقلت فاصبت وكتبت فابدعب

يالغالي


اخوي تركي الودعاني عندي اضافة

للمشاركه وهي بعضٍ من بيوت القصائد

لم توردها

في القصائد السابقة

قد يكون انها لم توصل ايليك

كاملة ... اما في قصيدة عبدالله بن شيبان الودعاني

المعروف باسم (الهذية) فهي الابيات التالية

بالنسبة للبيت الذي ذكر فيه اسم ( فيحان )

الرواية التي عندي تقول اسمه سلطان وهو

الامير سلطان بن شارع بن قويد المساعره الدوسري

اما الرديني المذكور:: فالمقصود به هو الفارس الرديني بن قويد
المساعرة الدوسري

وعويض : هو الفارس عويض بن خضير الهواملة الدوسري

وجعمل : هو اخو عويض بن خضير الهواملة الدوسري

و الحربي في البيت الاخير : يقصد به الطرف الثاني المعادي ( اي العدو)

اما القصيدة الثانية فهي للشاعر : عبدالله بن فرتيش بن غصن الخضران
الدوسري
وليس عبدالله بن غصن
وتكملتها ثلاث ابيات التي في متناولي

ه

هذا اللي حبيت توضيحه مع عدم القصور في رواية اخوي تركي الودعاني

والله اعلم بالصواب

وتقبل من اخوك اصدق المحبة والتقدير

ابو سعد

 

 

 

 

[معلومات العضو محمد الغريري]

هذه المعركة قد شارك فيها الغرره وقد ابلوا في هذه المعركة بلاء حسنا

وقد قال فيهم الشاعر عبدالله بن غصن الخضران في قصيدة لم يحضرني

منها الا هذا البيت ..

أخيارنا في ملاقا عبيدة = غريريةٍ مروين حد الرهايف

اخوك في الله

محمد الغريري