محاورة محمد بن فالح المسعري وعبدالله هارب

[معلومات العضو عبدالكريم العماري]

بسم الله الرحمن الرحيم
السلام عليكم ورحمة الله وبركاته

محاورة الشاعرين محمد بن فالح المسعري وعبدالله هارب


محمد

سلام الله سلام فيه ردية وهاك وهات=وأنا أقول أولتها وأنت تعرف وش معانيها
أنا ما همني بعض العرب لو راحت ولو جات=لها رب كريم فالقسا ولين يعطيها

عبدالله

هلا يا مرحبا ترحيبة من خاطري بذات=على وضح النقا وهل الوفا نكشف معانيها
أنا أشوف العرب متغيرة والعب على ما فات=على شان العلوم الطيبة كل يغنيها

محمد

ولك نيه ولي نيه وربي يعلم النيات=وأنا أعرف هقوت الرجال وجرحها وداويها
ليامنك ورثت المرجلة لا تخلف العادات=وعينك بعد ما كحلتها لا عاد تعميها

عبدالله

تقوله والمثل يبقى على عهد الوفا ما فات=عساك من الرجال اللي صلاته ما يخليها
تخوينا على مبدا ثمين وفيه بعض ابيات=وأنا مدري علومك يا محمد وين أوديها

محمد

ترانا ما نشره غير للي يفهم الشرهات=ولكن مثلكم وسواتكم وش عاد يدريها
ولا يلي وراك صكوك ولكن ما عليك اثبات=ترى العاقل يعرف الناس صايبها ومخطيها

عبدالله

هزمنا الحفنة اللي ذنبها يكفي عن السيات=لقينا المشكلة في الديرة اللي عايش فيها
ترى حبل القضية منفلت ماني لكم شمات=رواية والرواية بين كاتبها وقاريها

 

 

 

 

[معلومات العضو مبارك بن شافي النتيفات]

محاورة ممتعة

سلمت يمناك يابومحمد على نقلها لنا

تحياتي وتقديري لشخصك الكريم

 

 

 

 

[معلومات العضو شافي بن راشد النتيفات]

لاهنت يابومحمد على النقل وصحت السنت الشعراء محاورة رائعة

 

 

 

 

[معلومات العضو الفضي]

شعر من درر صحت السنتكم سجلو اعجابى

 

 

 

 

[معلومات العضو دغش محمد الصخابرة]

لاهنت يابومحمد وبيض الله وجهك


على النقل وصحت السنت الشعراء محاورة رائعة

 

 

 

 

[معلومات العضو فهد المقابله]

لاهنت يابومحمد وبيض الله وجهك


على النقل وصحت السنت الشعراء محاورة رائعة

 

 

 

 

[معلومات العضو عبدالرحمن بن فلاح آل بريك]

يعطيك العافيه أخوي عبدالكريم على النقل المميز ..