جريدة الرياض تلتقي الأمير لبنان بن مناحي آل حزيم

[معلومات العضو [ المحايد ]]

آل حزيم شاعر تميز بالمفردة العميقة وسلاسة الأسلوب وفطرية السياق
الشاعر الشيخ/ لبنان بن مناحي بن هجرس
إعداد- فالح الشراح:

الشاعر/ الشيخ لبنان بن مناحي بن هجرس آل حزيم تميزت شاعريته بالمفردة العميقة وسلاسة الأسلوب وفطرية السياق المعنوي كيف لا وهو ابن البادية سار بقدميه على صحارى الوادي منذ نعومة أظفاره فتأصل فيه عشق الإبل وصحراء الوادي برمالها وهضابها وتنوعها النباتي الفريد فكانت قصائده من مفردة المكان والبيئة التي عاش فيها فعندما يشاهد الإبل في ذلك المكان بعيد الأفق لا يكسر خياله الشعري إلا هضاب المكان البعيدة لذا حلق بالقصيدة بعيداً عن المعنى الركيك أو المفردة السطحية وفي هذا السياق يقول:

يازين شيفان المغاتير سراح =لاجاك عساس بعلم وكيدي
وآخذ على بعض المجاهيم مشواح =لاطولوا عقب القعاد الشديدي
وأبرى لها من فوق زينات الأشباح =من وارد (....) توه جديدي
نرعى بها بنت الوسامي الياطاح =لوكان من دونه ديار بعيدي
لانيب لاشاوي ولانيب فلاح =نرقا المكان اللي نباته جديدي
يازينها لامن سرت عقب مرواح =علط الرقاب اللي سوات الجريدي

ولقد سيطر عشق الصحراء وبيئة الشاعر بشكل قوي على قصائده وهذا ما درج عليه الشعراء منذ القدم لذا يقال الشاعر إبن بيئته ومن هذا المنطلق جاءت الصور الوصفية مطابقة للحقيقة في عنصرها وقوة التشبية.
يقول الشاعر بعدما تأثر بحاله الصحراء التي لم ينزل عليها المطر وفي استغاثة في مقدمة القصيدة بأن ينزل الله الغيث على هذه الديار.

يالله طلبتك من حقوق المخاييل=وإنك تعجل بالحيا ذا الزماني
يسقى الياجتنا حلول المحاويل =والعشب يدفعه الحمل وترباني
وحنا نسجه بالبكار المشاميل =جرد الرقاب مشرحفات الآذاني
كبار الوروك محجلات الأسافيل =شيب الفطير اللي كمعها متاني
مر مجانيب ومر مشاميل =وهذه طرات الروح والعمر فاني

كما وثق شاعرنا الأماكن وجعل من قصائده تحديداً لجغرافية المكان ومسميات المعالم وهو بذلك يساهم في توثيق مسميات المعالم الهامة في بيئته يقول:

لامن نزلنا خايع عله السيل =حول الركا والاجنوبي ذقاني
ولا أصبحت أنا شبيت ضو المعاميل =وشبيتها قدام ولد الهداني
حتى اليا شبت يجون الرجاجيل =من قام منهم من محله نصاني
يبغون كيف مقند بالفناجيل =في مجلس فيه الهروج السماني
ما نيب خطوى واحد كنه الفيل =غوج ولا يفهم جميل المعاني

ومن واقع التجربة ايضاً تحدث الشاعر عن الرفقة الطيبة وإختيار الصديق في الترحال يقول:

ترى خوة الطيب لزوم تسليني =وترى خوة الرديان ما نيب باغيها
أنا أدخل على الله من مخاوي الردييني =ضعاف العزوم اللي قلال حسانيها

وللشاعر ايضاً تجربه في الوصف واتخذ من الكلمة الرائعة المعطرة برائحة الرياحين والخزامى بناء لقصيدته يقول:

ترى شوف زينات الغنادير يحييني =صغار (...) اللي دقاق مثانيها
عليها الشعر الأشقر سوات الرياحيني =كسالبة كمن القمر ظاهر فيها

وفي اختيار الزوجة الصالحة ذات المنسب الطيب يقول:

أحب الهنوف اللي على غاية الزيني =دقيق المعنق والردي ما يهاويها
لاجاد ولدها نادر يعجب العيني =يشوق النظاير والمراجل يحاظيها

ومن واقع عشقه للصحراء وعناصرها وأحيائها الفطرية شكلت الإبل في حياته جانباً مهماً وبطبيعة البدوي التي تتزين بالكرم والجود والشجاعة قال:

وضحان صلح طبخة تبعد العوماس =لزوم أجر الصوت حتى تبهرها
أبا أجر الصوت يبعد الهم والهوجاس =وزا في ضميري عبرة ودي أظهرها
أنا بعت ذودي با تصرف سوات الناس =وادور المصالح يوم كل يدورها
ترى هواي الطيب والعز والنوماس =واحب التعرف بالنشاما وقاصرها
وأحب الدلال الصفر والنجر والمحماس =وضو تقندل ما يقزيك ساعرها
وأحب البكار الوضح حب بغير قياس =وأحب الفحل لامن وسم في عشايرها
وأحب الشديد لعرفه زارها العساس =مع لابة ما هي تحسب خسايرها

المصدر جريدة الرياض الرابط
http://www.alriyadh.com/2006/06/08/article161163.html
شكر خاص للكاتب الصحفي فالح الشراخ
لك الأولوية على منتدانا اخ فالح ونرغب المزيد
لكم كل الود والتقدير
أخوكم المحايد

 

 

 

 

[معلومات العضو العماني]

وأحب الشديد لعرفه زارهـا العسـاس%%مع لابة ما هـي تحسـب خسايرهـا

اكرم وانعم والله بالأمير لبنان بن مناحي الرجبان

وصح الله لسانه على جميع القصايد الاكثر من رائعه

الله يطول بعمره ويجعله ذخر للدواسر جميع


الأخ العزيز المحايد

بيض الله وجهك ولاهنت على تنوير الصفحة بهذا الموضوع الرائع الذي كتبته جريدة الرياض عن الامير لبنان بن مناحي الحرارشه اطال الله بعمره

تقبل تحياتي،،

 

 

 

 

[معلومات العضو فهد الغريري]

السلام عليكم ورحمة الله وبركاته

الاخ الفاضل [ المحايد]

في البدايه ارحب فيك في هذى المنتدى الكريم

وهذي ابرك الساعات يوم سجل معى بين عمك

وابيض الله وجهك على هذي النبذه العطر

بالأمير لبنان بن مناحي الرجبان

واختيار موفق لهذى الموضوع

ونتتظر جديدك المميز

وتقبل تقديري واحترامي

اخوك / فــهـــد الــغـــريـــري,,,

 

 

 

 

[معلومات العضو سالم الغريري]

بيض الله وجهك اخوي المحايد

على نقل هذا الموضوع الرائع عن الامير لبنان وذكر بعض قصائده الجميله

مشكور وعساك على القوة

 

 

 

 

[معلومات العضو ابوشجاع]

لاهنت اخوي المحايد على نقل هذا اللقاء

ونعم بالامير لبنان بن حزيم

والله يمد بعمره على طاعه

 

 

 

 

[معلومات العضو رعاد]

لاهنت اخوي المحايد على نقل هذا اللقاء

ونعم بالامير لبنان بن حزيم

والله يمد بعمره على طاعه

 

 

 

 

[معلومات العضو معدي المرقاب]

الشعر له قيمه وحشمـه ومقـدار,,, بين الرجـال اللـى تثمـن معانيـه
وخص ليا صار الشعر وافي بـار,,,و اللي بـدا بـه وافيـات مجانيـه
ممشاه ممشى الطيب للطيب يختـار,,,مايقبل الزلـه ولـو مـن عوانيـه
عفيف نفس وموكره موكر احـرار,,, وله مجلس مشرع وللضيف بانيـه
سوالفـه ذربـه و لاهـو بـثـرثـار,,,قليل هرج و زبدة الهـرج صافيـه
شعره صريح و صافي مابه اكـدار,,, اصفى من اللؤلؤ على كف لاقيـه
ما يلحق المقفي ولا يطعن الجـار,,, دايم على درب الشهامـه مساريـه
الله يكفه من بلـى سـؤ الاشـرار,,, اللي تـدور للـردى فـي ملاويـه
بيض الله وجهك ولا هنت المحايد على نقل مقابله علم من اعلااام الدواسر
المشهود لهم بصدق والحكمه والحلم وبعد النضراطال الله في عمره
والآمير لبنان بن مناحي بن حزيم غني عن التعريفويستفاد منه في اموركثيره...
ياهلا والله وغلا اخوى المحايد
من طول الغيبات جاب الغنايم ..اخوى,, عودتك اكبر غنيمه لا عدمتك
يالقرم.. وفقك الله و رعاك.
تقبل مني خالص التحيه وتقدير....معدى المرقاب
اعادةالرد بعد حذفه والله يرزقني الصبر والحكمه في العشر الفضيله من رمضان
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟
مااخترت انا الطيب انا مختارني طيبي ** من علم الحر يشهر في مراقيبه
معدى المرقاب

 

 

 

 

[معلومات العضو ابوعبدالرحمن الودعاني]

الرد يامعدي المرقاب ما حذفه أحد هداك الله!!

تم نقل أستظافة الشركة إلى شركة أخرى والنسخة التي

أضيفة لم تكن فيها المشاركات خلال العشر الأيام الأخيره

لهذا أحببت أن أنبهك أطال الله عمرك على طاعته..

والأمير لبنان بن مناحي حفظه الله ووفقه سوف تنشر له

مقابلة مصورة وبعضها مكتوب وآخرى مسموعه خاصه بالمنتدى

في هذا المنتدى العامر بمثلك وأمثالك..

 

 

 

 

[معلومات العضو معدي المرقاب]

جور الحبايب غير جور الاعادي... وظلم القرايب مثل طعن السكاكين
جـارو عَـلَي مـرات ومـانـي بتايب...يظـلم واذا جـا يعـتذر قـلت مسكين
السلام عليكم ورحمة الله وبركاته
هلاوالله اوغلااااامليون اخوى ابو عبدالرحمن الودعاني
شرفتناء والله ابطلتك البهيه وليسه بغريبه منك تواجدك
وسرعه ردك وتوضيحك طال عمرك على طاعه
اوكل عام ونت والجميع بلف خير...
تقبل مني خالص التحيه وتقدير................معدى المرقاب

 

 

 

 

[معلومات العضو [ المحايد ]]

 

 

 

 

[معلومات العضو [ المحايد ]]

هلا وغلا اخوي هايف الصفحة والموضوووع
منورها وجودك لاعدمتك يالغالي
لك كل الود والتقدير
اخوك المحايد

 

 

 

 

[معلومات العضو [ المحايد ]]

عليكم السلام ورحمة الله وبركاتة
المرحب باقي ودايم اخوي فهد الغريري
مشكورعلى مرورك يالغالي
لك كل الود والتقدير
أخوك المحايد

 

 

 

 

[معلومات العضو [ المحايد ]]

أخي الغالي سالم الغريري
هلا وغلا فيك تسلم على الرد طال عمرك
أشكرلك تشريفك لموضوعي
لك مني كل الود والتقدير

 

 

 

 

[معلومات العضو [ المحايد ]]

هلا وغلا ابوشجاع ولا انت يالغالي
تسلم ولاهنت على مرورك وردك لاعدمتك
لك مني كل الود والتقدير

 

 

 

 

[معلومات العضو [ المحايد ]]

هلا وغلا اخوي رعاد ولا انت يالغالي
تسلم ولاهنت على مرورك وردك لاعدمتك
لك مني كل الود والتقدير