|
|||||||
29-07-2005, 01:30 PM
|
#1 | ||||
|
الشاعر ظافر بن مفلح بن بتال الخييلي الدوسري
بديت أنا في الرجم لا عـاد مرقـاه =وياليـت ربـي مـن مجيـه نهـانـي تهيض المشحون يـا عيـن عـزاه =عيـن تهـد الـمـاء بلـيـا سـوانـي يا عين يا عين الخطـا يـا معنـاه =أنتـي خذيتيـنـي وقلـبـي خـذانـي ونيت أنا من ضامر القلب واقصاه =ونيـن مـن خلـي كسـيـرٍ وحـانـي تكفون كثـرت التنهـت وقـول آه =وكثـر الونيـن يهيضنـي مـا رفانـي قمت اتوجد وجد من قلـت اجـداه =خلـي طريـح وحقـق الليـل دانــي على اخوي اللي ما تذكرت عجفـاه =ذرب اليمـيـن وخاتـمـن المعـانـي ياخزنتي لا وا عضيدي عضيـداه =ياويـن بدلـه لا ذكــرت الاخـوانـي يا مهبل اللي قـال عـادك بتنسـاه =بنساه لا مـن طـارش المـوت جانـي والله ان نسيته ليـن بالحـق نقفـاه =ويحـط لـي بيـن النصايـب مكانـي يا تجرتـي خليتهـا يـا حـلالاه =منهـا الخبـر وقـف ولا عـاد جانـي ياخوي الا وا خوي ياخوي واخواه =ماهـوب مثـل معقـديـن الاخـوانـي اخو الهدا عمري على طول لا مـاه =وجـدي علـى جمعـاه كمـن زمانـي جيت المـراح وذي بقايـا سمايـاه =هـذي مداهيـلـه ولا كـنـه كـانـي حي المراح وحي من كان قد جـاه =وياونـتـي لا جيتـنـالـه مـكـانـي يا وسع فرجة ناصـر لا ذكرنـاه =ومن عاضني فيه العوض مـا هجانـي اعوي عوا ذيبٍ لقا الخـد مخـلاه =وابـكـي لا شـرفـت راس البيـانـي لا جيت انا قاع ٍ مشى فيه قد جـاه =الاف قلبـي لــوف زرع ٍ ضمـانـي الحب لامنه سطـى ويـش يمحـاه =لمن نشـى فـي الكبـد مـا قـد هانـي تكفون ماحدٍ شاف هو ناصرٍ جـاه =مـا عـاد لا جيتـه ولا عـاد جـانـي اتلى العهد به فـي جهـام ٍ دفنـاه =وحطوا عليـه مـن الصفايـح رزانـي حبه كوى قلبي ولا خـف مكـواه =واخفـاه مـن بيـن الضلـوع الحوانـي يا الله يا خلاف مـا شـئً بيخفـاه =اخلف علي بمـن كـان حزنـه كوانـي غدابه اللي مـا درى مـن قفايـاه =لاهـوب لا يرحـم ولا منـه امـانـي لو انه ينطح كـان دونـه نطحنـاه =وابصطبـر عنـده بمـاكـان جـانـي ولو انه يشرى بالثمن مـا ذخرنـاه =بسـوق خلعـي واستعـيـن بـالادانـي الموت لا يـاوي ولا حـدٍ بينسـاه =وكـم هـو يفـرق مـن بعيـدٍ ودانـي مير عساه في الجنه وهي جات ملفاه =وامه وابـوه وهـو بعـد فـي الجنانـي مابه على الدنيا حـدٍ لـه مواسـاه =لا زان الوقـت ابـن ادم ٍ قـد شانـي ابن رشيد اللـي طروقـه مخـلاه =قد هـو ضعيـفٍ قاعـدٍ فـي هوانـي وختمانها ذكر النبـي مـا نسينـاه =صلـوا عليـه وهللـوا يـا اخـوانـي ( 2 ) مرثية في امه ... يا والله اللي غيبت قبلـة البيـت =واقفى الحلا من يـوم قفـت منيـره بان الخلل في الحال يوم استخليت =والصدر ضاق وشب في القلب نيـره يامن يرحب عقبها كل ما جيـت =ويشفق على شوفي لا رحـت ديـره والبيت كنه جيفـتٍ لا تحليـت =ونيت من قلبي مـن اقصـى ضميـره لا جيتنا بدله ولا قلـت سجيـت =حسبي على الشيطان ماهـوب غيـره هيض على قلبي سريع ٍ وونيت =ونيـن مـن مسـت عليـه الجبيـره ( 3 ) مرثية أخرى في امه .. عند الضحى عديت في مرقبٍ زم =واعـدد القيفـان فـي راس عـالـي يالله انا طالبك يـا جالـي الهـم =والى طلبـتـك يالله اقـبـل سـؤالـي يالله انا طالبك تجـب وقـل تـم =ساعف لنـا بالحـظ فـي كـل حـالـي كبدي على جمر الغضى يوم صرم =والى بديـت الرجـم عــزي لحـالـي والى دخلت البيت حالي تغضـرم =ونيتنـا والقلـب مـاهـوب سـالـي على امي اللي ما غدت مثل كل ام =غدابهـا اللـي للعـرب مـا يمـالـي لاهيب لا قشرى ولا هيب لنا غـم =ام الهـدا ماهـيـب غــم العيـالـي قصيرها يرضى عليهـا ويحشـم =ولا مشـت بالهـرج بيـن الحـلالـي ( 4 ) مناسبة هذه القصيدة .. عندما ذهب ولده مفلح وهو في سن صغير إلى خواله آل بريك ، وأطال الإقامة هناك ، فقال هذه القصيدة يطلب من ولد اخوه محمد بن ناصر أن يأتي بمفلح من عند خواله ... يارب احفظ مفلـحٍ يـوم راحـي =قفـى مـع الرســته وقلبـي يبـاريـه الله يحفظه في المسـاء والصباحـي =ويالله يـارب تـقـود الـرجـا فـيـه عقبه وقلبي يشتغل مـا استراحـي =والعقل جعـله مـا يبيـن الخمـل فيـه من لامني جعله على الجنب طاحي =يمسـي ويصبـح كاثـراتٍ مشاكـيـه ما شفته إلا قد بي الشيب لاحـي =والـروح قفـى مـا بقـى إلا توالـيـه اقفوا بزرع القلب منـي وراحـي =أنا ارجـي الله ثم ارجـي القرم وارجيـه اشكي على اللي من طيور الفلاحي =محمـد يـا جعـل الانــذال تفـديـه من عقب أخوك مفيلحٍِ يوم راحـي =واشـوف قلبـي كاثـراتٍِ طـواريـه لا يابن اخوي افهم ترى السد باحي =والصبر مـا احتلتـه ولا نـيب مجديـه قرب من اللي يقطـع ٍ السماحـي =اللـي إلا منـه زمـى البعـد يطويـه توايره بيلـون والقيـر صاحـي =من مصنعـه ويقـال مـا بدلـوا فيـه سواقهـا متقـدم ٍ فـي النجاحـي =لا خـل بـه شـيء فلاهـوب خافيـه يا زوع قلبي زوع طير الرياحـي =من بين عج ٍ وبين حـوم ٍ صفـق فيـه قام يتقلب في الخضيـرا وراحـي =وراعيه صاح ويرفع الصوت يدعيـه تغانمونـي واعجلـوا والفلاحـي =مـا دام قلبـي قاضبـاتـه عـراويـه ( 5 ) قصيدة ينصح بها ولده محمد .. يا محمد المنعور بزهمك وانخاك =الكبـر غربـي وكـثـرة سنيـنـي ما نرجي الا الله ثم حنا برجواك =وابـوك لامـن قـام جـر الونينـي وإن طعتني يابوك برق بدنيـاك =واتبـع طريـق الحـق والعاقليـنـي واللعب خله لا يجي غاية منـاك =واللعـب قبلـك ضيـع الاعبيـنـي بوصيك بأمك قبل هذا وهـذاك =ومـن حبـه الله ياصـل الوالدينـي ابوك بشربك وحبك وربـاك =ومن اللي يقـوم بواجـب الوالدينـي علم اخوانك كلهم والخبر جـاك =وتـرى التنبـه يقـعـد النايميـنـي ويالله عسى ربي يحفظك وياقاك =وعسـى اخوانـك كلهـم سالميـنـي ويالله ياللي كل عيـنٍٍ ترجـاك =إنـك تجيـب لـدعـوة الوالديـنـي ( 6 ) مناسبة الابيات ... كان الشاعر ظافر بن مفلح يبحث عن حلاله ولم يكن معه راحله ، وفي طريقه رآىأهل بيت شعر فذهب إليهم ، وكان صاحب البيت يقال له ( أبا الزمات ) من آل مره .. فرحب به واكرمه ، وعندما علم بضياع حلاله أمر ولده بإعطاء ظافر بكرة توها عسيف ، ليستعين بها في البحث .. فقال ظافر بن مفلح هذه الأبيات يمدح فيها أبا الزمات ... ياهل الهجن لا روحـن عجـلات =دوروا للشـلـي لـيـن تلـقـونـه دوروا في العرب مثل أبا الزمات =عيـد اهـل ظمـر ٍ يـوم يلفـونـه هو وربعه هل المدح والطـالات =وكـل عـلـم ٍ جمـيـل يفيـدونـه والمراجل ركب دربها ما فـات =عادتـه جعـل الانــذال يفـدونـه ( 7 ) مناسبة هذه الأبيات .. عندما ذهب الشاعر ظافر بن مفلح الى الاحساء لشراء التمر والزاد ، وعند العوده لم يجد سيارة اجره ، فمر به شينان بن طميش العمري فاركبه سيارته واوصله إلى أهله دون اجره .. وكانوا مربعين في ظهرت شدقم ، فقال الشاعر هذه القصيدة يمدح فيها شينان ويحث اهل السيارات أن ياخذوا بسلمه ، ولم يحفظ منها إلا هذه الابيات . ياهل المواتر جودوا سلم ابو ضيـدان =سيارتـه بيـن العـرب مابـخـل فيـهـا عسى الله يمهله على طاعـة شينـان =ودرب المـراجـل دايــم داربٍ فـيـهـا ترى المرجله صعبه وكودٍ على الرديان =ولاهـوب يرقاهـا إلا اللـي دارب فيـهـا وسلامتكم ،،،
|
||||
|
|
|
|
29-07-2005, 01:37 PM
|
#2 | |||||||||||||||||
|
صح لسان الشاعر المعروف ظافر بن مفلح بن بتال الخييلي الدوسري
ابو طارد جعل تسلم يمناك على نقل القصيد الجزل والله يعطيك العافيه اخوك ابو عبد الله الشكره
|
|||||||||||||||||
|
|
|
|
29-07-2005, 02:37 PM
|
#4 | ||||
|
الله لايهينك
|
||||
|
|
|
|
29-07-2005, 04:53 PM
|
#5 | ||||||||
|
أخوي // أبوطارد
|
||||||||
|
|
|
|
30-07-2005, 09:45 PM
|
#6 | ||||
|
جعله والله تسلم يمينك على النقل يا الذيب
|
||||
|
|
|
|
31-07-2005, 01:16 PM
|
#7 | ||||||||
|
أبو طارد
|
||||||||
|
|
|
|
12-08-2005, 07:10 PM
|
#9 | ||||
|
ابو طارد
|
||||
|
|
|
|
27-08-2006, 06:03 AM
|
#10 | ||||
|
رد: الشاعر ظافر بن مفلح بن بتال الخييلي الدوسري
صح لسانك ولسااان الشاعر
|
||||
|
|
|
|
27-08-2006, 08:49 PM
|
#11 | ||||||
|
رد: الشاعر ظافر بن مفلح بن بتال الخييلي الدوسري
صح لسان الشاعر المعروف ظافر بن مفلح بن بتال الخييلي الدوسري
|
||||||
|
|
|
|
03-09-2006, 10:55 AM
|
#12 | ||||
|
رد: الشاعر ظافر بن مفلح بن بتال الخييلي الدوسري
صح لسانك ولسااان الشاعر
|
||||
|
|
|
|
19-02-2007, 01:17 PM
|
#13 | ||||
|
رد: الشاعر ظافر بن مفلح بن بتال الخييلي الدوسري
ابــو طـــارد
|
||||
|
|
|
|
08-04-2007, 10:51 PM
|
#14 | ||||
|
رد: الشاعر ظافر بن مفلح بن بتال الخييلي الدوسري
ابو طارد لاهنت على ذكر
|
||||
|
|
|
|
08-04-2007, 11:24 PM
|
#15 | ||||||
|
رد: الشاعر ظافر بن مفلح بن بتال الخييلي الدوسري
أبو طارد
|
||||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 2 ( الأعضاء 0 والزوار 2) | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| التغطية المصوّرة لحفل (ترقية الشيخ محمد بن مرّان بن قويد)وحصوله على درجة الماجستير برعاية الشيخ مرّان بن متعب بن قويد (حفظه الله تعالى) | الإداره | :: قسم اللقــاءات والفعاليات والتغطيات الخاصة:: | 51 | 09-10-2011 10:09 PM |
| التغطية المصوره لحتفل خريجي كلية الملك عبدالعزيز الحربية من أبناء قبيلـة الدواسر | الإداره | :: قسم اللقــاءات والفعاليات والتغطيات الخاصة:: | 15 | 01-04-2011 12:35 AM |
| الدراسة التفصيلية الكاملة لشعر المحاورة | عقاب بن هذال ال بريك | :: قسم المــحــاورة والألــغـاز:: | 8 | 09-10-2010 08:54 PM |
| التغطية الـمصّورة للحـفل الثـاني لموقع الدواسر الرسمي برعاية الغرره | الإداره | :: قسم اللقــاءات والفعاليات والتغطيات الخاصة:: | 29 | 18-08-2007 06:40 PM |
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 05:51 PM
