صرخة ندا من "برك" تنخى وتزهم

[معلومات العضو المسعري]

استجابة للنداء اللذي وجهه الشيخ/ الزقروط بن ناصر آل بريك لعموم قبيلة الدواسر عامة ولمنتدى قبيلة الدواسر خاصة ، أرسل هذه القصيدة إلى جميع دوسري أينما وجد:-

دق الجرس في ليلة مشهودة = للابة اللي كل صعب تروده
دق الجرس للي تروم الطالة = دواسر جيش الفعول تسوده
دواسر كسب المعالي كسبهم = وكسب الجزيلة عادة معهودة
لامن دعا الداعي بصوت عالي = كل فزع لوهي بعيد حدوده
واليوم ماللحمل كون جماله = في وقفتن لاهل الوفا محمودة
صرخة بني عمي ودرع جنوبي = يوم انتخوا فالدوسري وجدوده
هذا نهارن مالنا به صدة = عقّب صبيٍ ماوفا ماروده
فياراكبٍ من عندنا منجوبة = بنت العماني للطلب معدوده
ركّابها حرٍ ومعه رسالة = مرٍ تقاود له و مر تقوده
ينصى هل الوادي كعام العايل = لاجاء نهارن للبراء مردوده
دارٍ لنا فيها مواقف عزة = كم طاح فيها حاكمٍ وجنوده
سلّم على أهل الدار كلاٍ باسمه = وارفع بصوت الصرخة الملهودة
اليوم ماللطيب كون الطيّب = والرجل ماله كون جبر عضوده
وانص السليل والسفر منباجي = واشهر على راس الحجا وارجوده
ديرة رجالٍ فاللقاء بتاعة = الدار تحمى من جرات إيسوده
وقبل السليّل لا تعدا تمرة = دار ترد المعتدي وحشوده
وميّل على أهل الكار في العجليّه = وسلّم عليهم عد ذاري نوده
محزم ظفر لا احتجتهم تلقاهم = عون الرفيق وبهجته وسنوده
وانص البديع وماقف الشجعاني= عون الدريك وفزعته وسعوده
وانص الحمر دار الوفا والعزة = دار الكرم لاهل الكرم ماعودة
وميّل على الهدّار حق ولازم = رجالهم كسب الثنا منشوده
ومن كان في الافلاج يسمع صوتك = تبشر بعزك لا نخيت افهوده
واشمل على الخرج واهل الشيمة = دار حميناها بقدح زنوده
دارٍ لنا ماهيب دار لغيرنا = يوم السيوف بحدها مجروده
تلفي على أهل خريص يامندوبي= تلقى رجالٍ فاللقا معدودة
ومن كان في الاحساء وفالشرقية = يزود فعل اربوعنا من زوده
وتنصى خليج العز دولة دولة = كل الخليج ومن سكن بحدوده
وانكف علينا لا توخر تكفا = الليل لا يضوي ورى سامودة
تلفي على أهل سدير واللي حوله = كم طامع حطوّه وسط لحوده
ومن كان فالزلفي من اهل النخوة = والغاط في دربك لزوم تروده
وانص الشماسية ديار ربوعي = في ديرةٍ بين السهل ولهوده
وانص القصيم ولا تخلي ديرة = من كان في دوسر لزوم تعوده
وانكف على أهل العاصمة في ساعة = لازم توافيهم بدرب العودة
من كان من ربعي وهو يسكنها = سلّم عليه إعداد ذاري نوده
صرخة ندا من برك تنخا تزهم = من حرّها ذاب الجبل وحيوده
اليوم مهدي تحت حكم القاضي = وستة ملايين تفك قيوده
من كان في زايد يجينا فازع = ومن كان في تغلب تبين جهوده
وانتوا هل الوقفات واهل الفزعة =والرجل جوده من عطا ماجوده
والرجل يظهر لا وفت حزاته = في موقفٍ كل الرجال اشهوده
(وشيوخنا وتجارنا ملزومة ) = وقفة شرف لاجيالنا ماكودة
وختامها ياسامعين الصرخة = الرجل ماله كون جبر اعضوده

 

 

 

 

[معلومات العضو الزين]

دق الجرس فـي ليلـة مشهـودة=للابة اللـي كـل صعـب تـروده
دق الجرس للـي تـروم الطالـة=دواسـر جيـش الفعـول تسـوده
دواسر كسـب المعالـي كسبهـم=وكسب الجزيلـة عـادة معهـودة

صــــــــح لسانك وبيض الله وجهك علي القصيدة الطيبه

والله يفرج علي مهدي ويرده لاهله سالم غانم

اللهم أميـــــــــن

 

 

 

 

[معلومات العضو فراج بن فهد آل تركي]

صح لسانك أخوي المسعري وبيض الله وجهك
أسأل الله أن يعتق رقبة ابن عمنا مهدي
وأن يجعل هذه القصيدة في ميزان حسناتك

 

 

 

 

[معلومات العضو ولد ودعان]

صح السانك يالمسعري والله يفرج كربت بن عمنا

 

 

 

 

[معلومات العضو عبدالله العصيمي]

صح لسانك والله يابو خالد

قصيد والله يجمل ويبقى للتاريخ


بيض الله وجهك يا ابيض الوجه


لك تقديري واحترامي

 

 

 

 

[معلومات العضو العماني]

بيض الله وجهك يابوخالد على القصيدة الشامخه والله يجعلها في موزاين حسناتك

وصح الله لسانك ملايين ولافض فوك يالقرم ، والله يعتق رقبة ابن العم البريكي وان شاء الله بني عمنا مايقصرون .

تقبل تحياتي،،

 

 

 

 

[معلومات العضو سالم بن صمهود]

صح لسانك أخوي المسعري وبيض الله وجهك
أسأل الله أن يعتق رقبة ابن عمنا مهدي
وأن يجعل هذه القصيدة في ميزان حسناتك

 

 

 

 

[معلومات العضو نجــــــــــديه]

صح لسانك أخوي المسعري وبيض الله وجهك أسأل الله أن يعتق رقبة ابن العم وان شاء الله الدواسر كافه بيبيضون الوجه وماقصرو مع الاغراب يوم ينخونهم فما بالكم بولدهم مشكور يالذيب

 

 

 

 

[معلومات العضو مهجد]

صح لسانك يالمسعري وبيض الله وجهك أسأل الله أن يعتق رقبة ابن عمنا مهدي وأن يجعل هذه القصيدة في ميزان حسناتك

 

 

 

 

[معلومات العضو راشد المسعري]

من كان فـي زايـد يجينـا فـازع=ومن كان في تغلب تبيـن جهـوده
وانتوا هل الوقفات واهل الفزعـة=والرجل جوده من عطـا ماجـوده

الله يبيّض وجهك يابو خالد على القصيدة الجزلة


كفيت ووفيت وعسى الله يعتق ابن العم مهدي


وبإذن الله الدواسر " هل الوقفة " ماهم مقصرين


صح لسانك ولك مني أجمل الود والتقدير ،،،،

 

 

 

 

[معلومات العضو غازي المسعري]

صح لسانك يابو خالد وبيض الله وجهك أسأل الله أن يعتق رقبة ابن عمنا مهدي وأن يجعل هذه القصيدة في ميزان حسناتك تقبل مروري

 

 

 

 

[معلومات العضو فهدالمحيسن]

صح لسانك

والله مبدع اخي الغالي

وانص القصيـم ولا تخلـي ديـرة = من كان في دوسر لـزوم تعـوده

تقبل مني ومن اهل القصيم (( نبعة )) كل تقدير واحترام

 

 

 

 

[معلومات العضو ابو زابن المسعري]

الله يصح السانك ويبيض وجهك يابو خالد والله يفك اسر السجين

 

 

 

 

[معلومات العضو المسعري]

المشاركة الأصلية كتبت بواسطة الزين

دق الجرس فـي ليلـة مشهـودة=للابة اللـي كـل صعـب تـروده
دق الجرس للـي تـروم الطالـة=دواسـر جيـش الفعـول تسـوده
دواسر كسـب المعالـي كسبهـم=وكسب الجزيلـة عـادة معهـودة

صــــــــح لسانك وبيض الله وجهك علي القصيدة الطيبه

والله يفرج علي مهدي ويرده لاهله سالم غانم

اللهم أميـــــــــن

الزين
هلا وغلا
صح بدنك
يعطيك العافيه ع المرور العاطر
والله يقبل دعوتك
تحياتي

 

 

 

 

[معلومات العضو بوحمد الحمد]

لاهنت على الكلمات الطيبه


بيض الله وجهك

وصح السانك

تقبل مروري