الدواســــر عــــزوتــــي

**معلومات** **العضو** · 20-08-2005, 08:43 PM

السلام عليكم

وانا اتصفح احد المنتديات وجدت قصيده جدا رائعه
للاخت النادره واعجبتني فأردت ان اضعها بين ايديكم

امل ان تحوز على رضاكم

ياناشـدٍ عنـي فاانـا بنـت رجــال=
راع الوفـاء والمرجلـه طيـب الفـال=
زبن الضعيف اللي حداه أشهـب الـلال=
ستر العـذارى لارمـو ضافـي الشـال=
وعون الذي دمعه علـى الخـد همـال=
أيه أفتخـر بـه ماتبـي لـوم وجـدال=
من غيره اللي لأجلـه المـدح يختـال=
صحيـح ميـت بـس مـازال مـازال=
كانـت وصاتـه جنبـي درب الأنـذال=
وابعد عن اللـي همهـم كثـر الأقـوال=
أبـوي راع الطيـب مضـرب للأمثـال=
وفي لابتي بكتب مـن المـدح ماجـال=
(( اولاد زايد))هم عما كـل مـن عـال=
أهل الوفاء والطيب فـي كـل الأحـوال=
فزَاعـهٍ للجـار يـوم الزمـن مــال=
تاريخهم تفخـر بـه أجيـال وأجيـال=
ربعي هل الطالات لا ضاق بـي حـال=
لاشفت مـن وقتـي تعاسـه وغربـال=
أنخاء ((الدواسر)) عزوتي لاأحتما الجال=
أطوح النخوه علـى أسـوود وأشبـال=
يوم اللقـاء و افعالهـم نعـم الافعـال=
يوم الوغاء يوم الخطر يـوم الأهـوال=
تشهـد فعايلهـم ميـاديـن وجـبـال=
يالايمـي فـي حبهـم جعلـك أهبـال=

النادره

**معلومات** **العضو** · 20-08-2005, 09:00 PM

أنخاء ((الدواسر)) عزوتي لاأحتما الجال =اللـي لهـم وقـفـه تـعـزز كيـانـي
أطوح النخوه علـى أسـوود وأشبـال =صغيـرهـم يـفـزع بلـيـا تـوانـي
يوم اللقـاء و افعالهـم نعـم الافعـال=يردون حوض المـوت عـزم وتفانـي
يوم الوغاء يوم الخطر يـوم الأهـوال =عدوهـم ضاقـت علـيـه المحـانـي
تشهـد فعايلهـم ميـاديـن وجـبـال=تاريخهـم شامـخ علـيـه الضمـانـي
يالايمـي فـي حبهـم جعلـك أهبـال =يلعـب براسـك ليـن تقعـد تعانـي

اخوي ابن فادر صح الله السانك وعتلا شانك على هذي القصيده الوافيه

وعز الله انك عرفت تختار الجزل من القصيد الي ايتنومس فيه الرجال.

وصح الله السان الشاعره النادره على هذي القصيده

التي تعبر عن نفسها.

تقبل تحياتي وتقديري

اخـــــوك / فــــــهــــد الـــغــــريـــري,,,

**معلومات** **العضو** · 21-08-2005, 12:38 AM

الاخ
فهد الغريري
تسلم يالغالي على المرور والاطراء الجميل
والجمال كله للقصيده الرائعه التي صاغتها
الاخت النادره التي فعلنا هي نادره وقصيدتها من النوادر

مره ثانيه تقبل تحياتي

**معلومات** **العضو** · 21-08-2005, 09:59 AM

سلمت يمناك على هالاختيار الرئع وصح لسان النادره على هالقصيده النادره.

**معلومات** **العضو** · 21-08-2005, 11:42 AM

السلام عليكم ورحمة الله وبركاته...

بعد التحية والسلام...

حبيت أكتب هذا الرد كتوضيح للأخ ابن فادر وبقية الأعضاء... فالنادرة كاتبة هذه القصيدة نادره اخرى غيري... فانا لم اكتب هذه القصيده، واعتقد انه مجرد سوء تفاهم وتشابه للأسماء...

مع خالص تقديري للأخت كاتبة القصيدة.

النادره

**معلومات** **العضو** · 21-08-2005, 02:07 PM

شكراً ياابن فادر على نقل القصيده هنا

وشكراً لكل من كتب مروره المشرف لي

بالنسبه للاخت العضوه "النادره"

اشكر لك امانتك وتوضيحك للامر هنا

وهذا هو لقبي الشعري الذي اكتب به من سنوات

وانشر به في مختلف المطبوعات الخليجيه

ولي لقاءات اذاعيه مسجله شاركت فيها

اتمنى منك التكرم بتوضيح الامر للاداره وتفهم الامر

شكرا لطيبك ونقاء روحك

النــــادره

**معلومات** **العضو** · 21-08-2005, 07:50 PM

ابن غيث
حبيبي تسلم على المرور
وهزا من زوووئك القميل
تحياتي لك

**معلومات** **العضو** · 21-08-2005, 07:57 PM

النادرتان

النادره صاحبت الامانه
اشكر لك صفاء ضميرك واحترامك لذاتك
وهذا يدل على طيب معدنك وشكرا جزيلا على التوضيح

والنادره صاحبت القصيده
اهلا بك وانا سعيد بتشريفك ومرورك
وقصيدتك فعلا ترفع الراس

تحياتي للجميع

ابن فادر الغيثات

**معلومات** **العضو** · 21-08-2005, 11:21 PM

ابن فادر لاهنت على النقل

وصح لسانتس يالنادر ه

**معلومات** **العضو** · 22-08-2005, 02:18 AM

السلام عليكم ورحمة الله وبركاته

بيض الله وجهك اخوي ( ابن فادر ) صح لسانك . . . ولاهنت عز الله انك عرفت تختار القصيد اللي

يشرح الصدر . . . . . تقبل تحيات اخوك محمد بن عبدالعزيز

**معلومات** **العضو** · 22-08-2005, 03:06 AM

هلا وغلا
يا ابو زيد
لاهنت على المرور
تحياتي لك

**معلومات** **العضو** · 22-08-2005, 03:08 AM

مرحبا
محمد ال ابو زمام
حياك الله
لاهنت يالغالي على المرور
تحياتي لك

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية