حرف واحساس

**معلومات** **العضو** · 04-09-2009, 03:14 AM

يطويك يا جرد الشعر حرف واحساس = با الكلمه الجزله وصدق المعاني
لا باح سد الفكر دقيت الاجراس = من قاصي اعماقي لداني كياني
للشعر عندي ياهل الذوق مقياس = اقطف جزيله كان حرفه دعاني
ارقى بحرفي با الفضا مثل قرناس= عشر القوافي ما تعود ثماني
اورثه بالطيب ناسٍ بثر ناس = بين القلوب وبين عوج المحاني
اعيش به لا هب با الليل نسناس = والجدي لاستوحش سهيل اليماني
اورده عبره تضيق بها الانفاس = وانهل من الونه وجرح الزماني
ما ورده للهزل ودروب الادناس = ماني بناصر كان يخطي لساني
واحشم لساني عن مجاراة الانجاس = اللي على هزل الكلام تحداني
يا سامع امثالي ترى العرق دساس = لا تصحب اللي صحبته شقلباني
صحبته مثل الرمل في حمر الاطعاس = ما ينعرف له من مكان لمكاني
صاحب وسيع المعرفه طيب الساس = عند القسى واللين ذرب اليماني
لا جاء عليك من الدهر هم واتعاس = مكسبك فا الدنيا وكرت الضماني
وصف الذهب ماهو بقصدير ونحاس = الفرق واضح لك عيانٍ بياني
اقولها من بعد ما شَيب الراس = من دنيةٍ عنها الطريق يحداني

**معلومات** **العضو** · 04-09-2009, 03:28 AM

ناصر
صح لسانك واعتلى شانك
قصيده رائعه
بيض الله وجهك

**معلومات** **العضو** · 04-09-2009, 03:30 AM

الله الله الله الله

كفو يالشريف كفو شاعر وكرم منسب

صح لساااااااااااااااااااااااااااااااااااااانك

**معلومات** **العضو** · 04-09-2009, 03:31 AM

ناصر
صح لسانك واعتلى شانك
قصيده رائعه
بيض الله وجهك

**معلومات** **العضو** · 04-09-2009, 03:46 AM

صـــــح لساااانك ،، قصيده رائـــــعه ....*

**معلومات** **العضو** · 04-09-2009, 03:48 AM

واحشم لساني عن مجاراة الانجـاس
اللي علـى هـزل الكـلام تحدانـي
يا سامع امثالي ترى العرق دسـاس
لا تصحب اللي صحبتـه شقلبانـي
صحبته مثل الرمل في حمر الاطعاس
ما ينعرف له مـن مكـان لمكانـي
صاحب وسيع المعرفه طيب السـاس
عند القسـى والليـن ذرب اليمانـي
لا جاء عليك من الدهر هم واتعـاس
مكسبك فا الدنيا وكـرت الضمانـي

صــــــــــــح لسانك واعتلى شانك .....

كل بيت عن قصيده .....

كل الود ..

**معلومات** **العضو** · 04-09-2009, 04:08 AM

صح لسانك والف نعم فيك

ولاتستغرب الابداع

من أهله

**معلومات** **العضو** · 04-09-2009, 09:12 AM

اخي ناصر صح لسانك وسلم فكرك وبنانك وهذا شكل الدنيا

وهذا الجيل بالاخص. ولانعمم الفكر ولكن الكثير الكثيروالله المستعان

فأقــــــــــــــول

اصبر على مر الليالي والاتعاس........هذا زمان المصلحة والحصاني

لمن عرفت الوضع والحال والناس........ترتاح من كثر الغثا والوحاني