شيلة قصيدة الوجد للشاعر خالد بن مدعث الدوسري

[معلومات العضو محمد الحارثي]

هذه قصيدة الشاعر خالد بن مدعث وهي قصيدة معرووفه حبيت اشيله اتمنى ان تعجبكم

http://www.4shared.com/audio/258M-Wdg/____.html

كل ما فاضت عيوني باشت الأضلاع غنا***الموارد في الضلوع وكل ضلع فيـه ونـه

والتمني ما يحقق هقوت القلـب ان تمنـا***بس قلبي ما يداني تبعـد الهقـوات منـه

وا وجودي وجد من جلي عن دياره مجنـا***تو عمره عشر واربع والليالي مـا تحنـه

ما وراه إلا عجوزه واختـه وعـود مسنـا***بين فقر وبين دين وبين ضيم وبيـن منـه

ما ذبحهم غير دمع من الغبينه مـا يكنـا***ويل من سود الليالـي بالمصايـب يبتلنـه

راح مثل الذيب وهبلته حياة الذيـب ظنـا***وآمن والموت يومي بين مخلابـه وسنـه

راح ينقل دم قلبه وان ضواه الليـل ونـا***الذيابـه مروحاتـه والسيـوف يـدورنـه

ليا ذكر دم القرايـب عانـق البيـدا وثنـا***وان تذكر ضحكة امه زاع قلبه من مغنـه

ما يلوعه في حشاه إلا لشاف البرق سنا***غاب عشر اسنين ما به من يرد العلم عنه

ان حداه الخوف منا هزت الأشـواق منـا***يوم طال الوقت عود للديـار اللـي ربنـه

قـال مـا دام المصايب والبـلاوي يبتلنـا***والله ان الموت في الأوطان بين الربع جنه

يوم وقف في المنازل ما لقى بيـت مبنـا***غير بيت مايذري والـذواري يلاوحنـه

راح يمه كنه اللي ضاربه رمـح المطنـا=***وعذابه ما درى ان سهوم بقعـا يحترنـه

يوم قرب سمع له صوت من العلـه يونـا***حصل امه عندها ضيف يقول الموت سنـه

قال يمه قالت عيوني مـن الدمـع انعمنـا***قال ابويه قالت اطوال النصايب قد خذنـه

قال واختي قالت اقفى القوم باختك مع ظعنا***قال شملي قالت الشمل اسنيـن يفرقنـه

قال جيتك قالت ان الموت ما ظنـي تونـا***واستلمها نازع الارواح روحـن مرجهنـه

ثم صاح من التفرق صيحة اللي فيه جنـا***دق صدره وانطوى من حر ما به طي شنه

كل هذا حال قلـب مـن خلقـه الله معنـا***الهمـوم يوكلنـه والـروابـع ياكلـنـه

ليه ادور للسبايـب والسبـب فينـا ومنـا***النفوس وما تسوي واليدين ومـا حصدنـه

لا تسودنا الخطايا نلحـق الشرهـه زمنـا***ما جزانـا إلا عملنـا والحقايق يثبتنـه

قلت اجرب ويش ورنـا بنتسـلا ونتهنـا***الليالي ماتخالف من طلـب شـي عطنـه

جاهل في الوقت واثراللـي يسلينـا طعنـا***مادريـت الا بقلبـي والمحانـي يردعنـه

قلت وين تروح خلك في ضلوعك مرجهنا***قال مدري مير كن الحب تل العروق كنـه

قلت مخطـي ليـه اليـا ذكرنـاه اشتحنـا***وانتبهت وطاح فكري للطـواري واخلفنـه

رحت ابسأل بنت حوا ليت حنا ما سألنـا***كان والله مستريح مخلـف قلبـي وظنـه

قلت هز العود صفق النود قال النود حنـا***ماذكر بـه عـود الا والهبايـب يطرقنـه

قلت في دارك غريب وقال حول في وطنا*** لك محل في قصورله سيوف يحتمنه

قلت اهلنا قال والله ما نعيب سلـوم اهلنـا***العفيف من الهوى مابـه سلـوم يحرمنـه

وابتدينا قصـة السبـع العجـاف ومللنـا***كل عام يمر يعطينا مـن اللوعـات فنـه

وافترقنا ما لقينا مـن يـرد العلـم عنـا***غير حب فاوله ونه وفي تالية ونه

 

 

 

 

[معلومات العضو شافي بن راشد النتيفات]

ارحب يامحمد وعاش صوتك ولاهنت وصح لسان الشاعر خالد بن مدعث
ننتظر جديدك وابداعاتك في الشلات

 

 

 

 

[معلومات العضو فهد المقابله]

ارحب يامحمد وعاش صوتك ولاهنت وصح لسان الشاعر خالد بن مدعث
ننتظر جديدك وابداعاتك في الشلات

 

 

 

 

[معلومات العضو راشد المسعري]

محمـــــد الحارثي

صح لسانك وسلمت

شلة رائعه والله يوفقك في مسيرتك

تقبل ودي و تقديري ،،،،

 

 

 

 

[معلومات العضو مبارك بن شافي النتيفات]

ارررحب يالحارثي ومشااااء الله على هالصوت

وصح لسان ابن مدعث

تحاياي