إهداء الى الشاعر الكبير ضيدان بن قضعان العجمي

[معلومات العضو أبوفهيد الودعاني]

شاعر الميدان والديوان

انا بقول كلمه معجب في شاعر الميدان=في حق الشاعر المعروف ونجم الساحه المشهور
ولا ياشاعر الميدان ولا ياشاعر الديوان=جميع أغراض عذب الشعر تتقنها يابن منصور
مثايلك الجميله بالمعاني جزله وسمان= تخير من نوادركل قاف شارد مصخور
مشاعر وانت شاعر بالمشاعرشاعر فنان= وتحضى بالقبول وحب فياض من الجمهور
مواهب والمواهب وهبة من واحد رحمان= تجلى أسلوب تأثيرك بجيلك واضح منظور
توافق بك ثلاث ماتكون الا معا الفرسان= غزير الشعر والنفس الخفبفه والكرم مذكور
وانا مانيب اعرفك يوم امجد فيك ياضيدان= ولكنه يخالجني بطيب أصلك صدوق أشعور
وانا لي نظرة بالرجل عين الرجل لي نيشان= عيونه تسبر أغوارة وتبدي كل شئ مستور
ولاتبغي ذكاء خارق ولاتحتاج للكهان= عوايد طيبين الساس ترث طيبها المأثور
عريب الجد من قضعان ليما شيخكم راكان= كريم من كرام بالقبايل فعلهم مخبور
ليا من صاح صياح الضحى ثم ثور الدخان= يجونه واردين الموت ورد الهايم المسعور
حشا والله لا مالك على درب الردى بيبان= عوايد سلمكم تنبذ ولاتقبل ردي الشور
يقوله شاعر من لابة من عصر ابن بدران=رست مرسى جبل موسى كليم الله عند الطور
دواسر توفي أهل الطيب لوكانو من العدوان=تقول الحق لو أنه عليها ماتقول الزور
زمان فات ولا اليوم صرنا في البلاد اخوان=تحت حكمة ملوك تنصف المضلوم والمقهور
سلامي والسلام اختام قولي لك يابن قضعان=تقبل مني الابيات واعذر كان فيه اقصور

(( الوحيد))

 

 

 

 

[معلومات العضو نايف]

صح لسانك يالبراق ولسان الشاعر على القصيده الطيبه ,,
ويستاهل ابن قضعان
تقبل تحياتي ,,,

 

 

 

 

[معلومات العضو أبوفهيد الودعاني]

صح بدنك اخوي نايف


ومشكور على مرورك واطراءك الطيب


تحياتي ،،

 

 

 

 

[معلومات العضو تركي ال فنيس]

اخي البراق بيض الله وجهك وصح السانك والسان ابن بطحيه

 

 

 

 

[معلومات العضو أبوفهيد الودعاني]

ووجهك ابيض يالقرم وصح بدنك


لاهنت على المرور والرد الطيب


تحياتي ،،،

 

 

 

 

[معلومات العضو غياث]

الله لايهينك يا البراق... قصيد طيب.. واختيار موفق... وننتظر منك المزيد

 

 

 

 

[معلومات العضو أبوفهيد الودعاني]

حياك الله ياغياث

ومشكور على المرور والاطراء الطيب


تحياتي لك ،،،