جديد أبن فطيس

**معلومات** **العضو** · 23-02-2009, 03:40 PM

لـيــه الـمـسـا عــــوق الـشـقــاوي وطــبّــه
وليـه الهبـوب تصـحـي القـلـب لا بــات
ولـيـه القـمـر يـدعــي جـريــح المـحـبّـه
ويقـول لـه يـا هيه..مـا فـات ..مــا مــات
جرحـك ظـهـر لــو قـلـت للـوجـه خـبّـه
وللحزن في ضحكـك رسـوم وعلامـات
ولـيـه المـطـر بـالـذات ريـحــه.. وصـبّــه
كـنّـه رســول بـيـن الاحـبـاب بـالــذات
اشـــتـــاق فـــيـــه لـشـوفــتــك واتــنــبّـــه
لـلــي نسـيـتـه مـــن مـواقــف ونـظــرات
لا استـانـس الـخـافـق ذكـــر مـــا يـحـبّـه
ورجــع يـراجـع فالونـاسـات مـــا فـــات
يـــا مــرتــع الـقـلــب الـحـزيــن ومــربّــه
يزيين بك مثل الذهب صدر الابيـات
هيهات ينسى القلـب شخـص لعـبّ بـه
وهيـات يدلـه خـاطـري مـنـك هيـهـات
سـبــك مـديــح ومـــدح غـيــرك مـسـبّــه
تقول واذنـي صوتهـا تقـول لـك هـات
ونـبــع الـغــلا عـنــدك وعـنــدي مـصـبّـه
ومن الولا .. في خافقي لك ..ولاياات
وطيفـك حـطـب عيني..وعيـنـي مشـبّـه
والشـوق بـرد ٍ مـا انقطـع لــو للحـظـات
ومكـانـك الـصـدر ولــك الـقـلـب شـبّــه
بـيـن الظـلـوع الـلـي فـردهـا للتـنـهـات
ولـــك بـيــرق ٍ فالـقـلـب حـبــك يـهـبّــه
شـامـخ ولا هــزه مــن الـعـذل غـــارات
مـحـبـتــك فـالــوقــت ذا مــــــا اشـــبّـــه
الا بـخـيـمـة بـــــدو بــيـــن الـعــمــارات
ان شفتـنـي ضـايـق واهـوجـس واسـبّـه
اخاف غـدر الوقـت.. والوقـت دورات
((( لا تحسب ان دمعي نزل دون سبّـه
ابكي من الفرقـا وهـي مابعـد جـات)))
الــــيـــــوم كـــــــــل امـورنـا..مـسـتـتــبّــه
وبكـره مانـدري وش معـه مـن مـسـرّات
اربّ قــلــبــك مـــثـــل قــلــبــي اربّــــــه
مـــا يخـلـفـه كـثــر الـعــذل والمـسـافـات