صرخة ندا ( بدرانية)

[معلومات العضو النايف]

من الزلفي الشاعر الكبير سليمان آل غزي البدارين .. في العقد السابع من عمره تقريبآ أمّد الله بعمره على طاعته سليمآ معافى .. شاعرٍ فحلٍ جزلٍ حكيم ينضح شعرآ من هامته لأخمص قدميه..بحرٍ تتلاطم أمواجه لايهتم باالأعلام أطلاقآ ويستهجن من يركض وراءه .. أميّ لكن يخيّل لقاريء قصائده المطوّله غالبآ أنها لمتعلم على درجة عاليه من العلم..
من جلساء أبو زيد رحمه الله وبينهما مساجلات خاصه .. أشتهر بذكائه
وحميتّه .. يروى أن أحدهم عتب عليه لذلك فأجابه بــ {لولا رهطك لرجمناك}..
وهذه أحدى قصائده ..

[poet font="Simplified Arabic,6,blue,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
صرخة ندا كل العرب يسمعونها=ضجت لها الدنيا وماجت ركونها
صرخة ندا يدري بها كل عارف=وأهل العقول الراجحه يفهمونها
صرخة ندا مفهومها بان وأتضح=للي بميزان العقل يازنونها
صرخة ندا صوب الدواسر توجّه=عبر الهواتف والرسل يوصلونها
صرخة ندا يعلن بها صادق النبا=سارت كما شمس الظهيره بلونها
صرخة ندا للغاط سارت وتعتزي=بآل السديري ماتخيّب ظنونها
لاجاتهم تلقى هل الجود والفخر=يعطونها الماجوب مايبخسونها
مبدا الوفا..ساس الوفا..منتهى الوفا=كم قالةٍ بــ..فعالهم يحكمونها
صرخت ندا لسدير دوّت بصوتها=تنخى هل الأفعال وان حيل دونها
صرخة ندا للمحمل أعطت مسيرها=تنصى الرجال أللي لها يسعفونها
صرخة ندا في عارض المجد عزهّا=تبهج بقومٍ فاالخطر يمنونّها
صرخة ندا باالحال للخرج روحت=شدت محازمها وضفتّ ردونها
صرخة ندا ألى أهل الأفلاج سقتها=أليا أشتكت من مابها ينعشونها
صرخة ندا يم السليل مسيرها=أللي ليا هيب الخطر ياردونها
صرخة ندا في جو تمره تمركزت=لجت بصوتٍ يوم وافت زبونها
صرخة ندا مقصودها عيال عمنا=بوادى الدواسر لاأشتكت ينصفونها
صرخة ندا لاهل الوفا تزعج الندا=وهم الذي بــ..فعالهم ينجدونها
أللي حضر منهم ومن كان غايب=في كل دارٍ قومنا يسكنونها
صرخة ندا من خاطرٍ قام يعتلج=حرّق صلاها فاالضماير أغصونها
صرخة ندا في ماقف الجد قلتها=ملعون من لاقام في حق مونها
صرخة ندا في عامر الجد شيخها=شيخ الدواسر باالفعايل ضمونها
صرخة ندا للجد بدران تنتمي=زايد سندها والدواسر حصونها
صرخة ندا من نبض قلبي تجددّت=وأهل الفعول أللي تشرّف تصونها
صرخة ندا قمة مرامي ومقصدي=عسى الرجال بغايتي يقدرونها
صرخة ندا ماجوبها أكرام حقها=لعل قومي عزوتي يقبلونها
من لاأعتزا..ألى سمعها فجنبّه=عساه منّا هو فقيدة منونها
لعل غمرٍ يهتني النوم عقبها=ولايبذل الماجوب يفقد حنونها
صرخة ندا في عزوة العود تمتزج=لاقضقضت كل العرب يعرفونها
من دار بن غزي بدت ثم قوضّت=مثل الرياح أللي تلاعج مزونها
من يمة الزلفي على الحال وجهت=توجيهت الرادار تزعج لحونها
مقصودها وادي الدواسر وعمّم=(صرخة ندا)..وأهل العقل يدركونها
بلّغ بها من يعتزي بآل زايد=أللي ليا كبرت علن ينطحونها
بلّغ بها من يعتزي عزوة الفخر=وأللي تعزوى عزوة أصله يصونها
من لايعز أللي تعزوى بعزوته=يمد كفه للعدى يقطعونها
ومن لايساوي بين ربعه ويفتخر=بهم فهو يشري المذله بهونها
ياكيف رجلٍ يطلب العز يقدم=في قطع خمسه والعرب ينظرونها
ياحيف واويلاه وااشدعلتي=علة خفا ماأحدٍ يداوي طعونها
ياحيف وااويلاه كسابة الثنا=قامت تبادل طعنها في متونها
قلت آآه وااعزاه ياكيف ربعنا=عيونهم بــ..يمانهم يطرفونها
أنادي العقال بأولاد زايد=أهل المواقف علّهم ياقفونها
أنادي العقال بأولاد زايد=أهل العوايد علّهم ينقذونها
وين الرجال أللي عقولها تدلها؟؟=وين الرجال أللي لها يشترونها؟؟
هذي بلاوي توجع القلب وأكثر=مصيبة يوم العدى يفرحونها
تكفون لاترضون باالشر بينكم=نار الفتن من بينكم تخمدونها
تكفون يأهل العلم والجاه والفكر=وأهل السلوم أللي تنومس فنونها
حلوا مشاكلكم بعقلٍ يدلكم=درب النجاة وصرختي تحفظونها
النار من أصغر شرارٍ وتشتعل=نيرانها وأضدادكم يوقدونها
أما أنتبهتوا للمشاكل وحلها=ياسرع ماتكلح نواجذ سنونها
ليا بدت من بين الأقراب فتنه=عقاّلها ياطول مايانسونها
قولوا لنا باأللي جرى ويش عذركم؟=يوم العصا من بينكم تكسرونها
أنتم هل النخوات وأن قيل زااايد=عوراتكم من بينكم تسترونها
ياحيسفا كل أبلجٍ قام يعتزي=في زايدٍ وأرواحهم يهدرونها
ياحيسفا كل أبلجٍ قام يعتزي=في زايدٍ وأرحامهم يصرمونها
ياحيسفا..وأنتم من الناس جمله=الجد واحد عزوته تكرمونها
ماجمعّت بأحلاف قومٍ تعددت=ألا بجدٍ عزوته يندبونها
واحر قلبي آآآه واحر لوعتي=يوم أنهم من بينهم يزعجونها
جهالكم لاتهدم أسوار عزكم=فرحة عدو..جهالكم يفعلونها
من لامنع جهاّل قومه بحكمته=أليا وقعت صعبٍ لها يرقعونها
خذوا لكم من ماضي الوقت معتبر=أكبر دلايلها جدادٍ ترونها
هذا وانا منكم على كل حاله=نفسي تجشّم دون ربعي منونها
أرجي لكم عزٍ على الدوم دايم=والكلمه العورا بدا تنطقونها
وأنتم هل الميقاف في كل حزّه=يوم العدا ترسل علينا جنونها
ياما وقفتوا والمواقف كثيره=من دون حد بلادكم لايجونها
لاجات من يم العدا بان فعلهم=وقتٍ مضى وسنين دونك ودونها
ياما نحو عن دارهم كل عايل=بين القبايل دارهم يحتمونها
دار لهم فيها الحضاره قديمه=والباديه من حيث تهوى ضعونها
يرعون وبل الغيث من حيث طوّح=وحدودهم عدوانهم يرهبونها
دواسرٍ كنّو على دوسر الفحل=قول السديري والعرب يشهدونها
دواسرٍ بأفعالهم بان صيتهم=ترهب أعاديها تقيدح عيونها
هذاك وقتٍ راح لاعاد وقته=يوم القبايل بينهم يشعلونها
واليوم كل الناس عاشوا بنعمه=في ظل منهم باالعدل يحكمونها
أللي غدوا للناس باالضيق كعبه=والدين والدنيا تراهم حصونها
لموّا شتاتٍ وأمنوّا كل خايف=وحدودها في شرعها يمنوّنها
باالشرع قام الحكم وسنة رسوله=ماغير هذا ملةٍ يرتضونها
ليا جنا الجاني على حد فعله=يلقى جزاه بصفحةٍ يعلنونها
وأنتم حصل منكم بلاشك زله=زلة خطا وأهل الفضل يدمحونها
لعل من قدّر عليكم حلولها=يحل مشكلها ويفرج شطونها
أخوّةٍ تبقى على خير منهج=بأيمانكم وأفعالكم تاصلونها
واخلاف ذا ياسامع القيل بلغّه=بأزكى سلامٍ خط في دمع نونها
للي حباه الله مجده وميزّه=في خدمة البيتين مع كل شونها
للي غدا بقيادته مضرب المثل=نقاضّها ألى بغوا يفتلونها
فتاّلها حتى تحلكم وتحتكم=وأليا فتلها ماقووا ينقضونها
الجد مقرن وأبن بدران خاله=أسمى شهادات العلا يملكونها
توارثوها بينهم ثم ورثوّا=أمجادها للي لها يارثونها
حازوا فخرها وأعتلوا في قممّها=من بعد ماثبّت أبوهم أركونها
تكفى يبو فيصل أمل كل طيّب=أصلاح ذات البين يمحى حزونها
تكفى يبوفيصل نبي الحل جمله=بأوامرٍ لعلكم تصدرونها
تكفى يبوفيصل وحنا جنودك=رهن الأشاره كلمتك مانخونها
نفداك بأرواحٍ أهلها وفيّه=يوم المنايا بعضهم يكرهونها
تكفى يبوفيصل نبي البر عاجل=والفتنه العميا عسى تقبرونها
بأصلاح ذات البين مع لم شملهم=وتعود حالتهم كما يرتجونها
متى رسول الخير يأتي بشيره=تبدا حياة باالفرح يهتنونها
عسى..عسى..لعل من كان يعلم=باسرارها يفرج لنا رب كونها
وصلوا على المختار ماكان كاين=وأعداد ماطيرٍ صدح في فنونها..

[/poet]

نقل من منتدى السليل الشقيق.
كتبة أخي العزيز ولد الضمين حفظه الله

 

 

 

 

[معلومات العضو نايف]

صح لسانك ولسان الشاعر وبيض الله وجهك على النقل الجميل

وتقبل تحياتي ,,

 

 

 

 

[معلومات العضو محمد الغريري]

صح الله لسانك ولسان قائلها

عز الله انها من اجمل قصائد الدواسر التي سمعت



اخوك في الله

محمد الغريري

 

 

 

 

[معلومات العضو النايف1]

لاهنت ولايهون الشاعر

مشكور على النقل الرائع 0

 

 

 

 

[معلومات العضو تركي ال فنيس]

بيض الله وجهك اخوي النايف قصيده جزله من شاعر جزل وتستحق التثبيت والي الامام

 

 

 

 

[معلومات العضو محمد ال بو زمام]

السلام عليكم ورحمة الله وبركاته

بيض الله وجهك اخوي ( النايف ) على هذه القصيده الرائعه .

 

 

 

 

[معلومات العضو الشكري]

الله من الحكمه والقصيد الطيب الجزل

الله يعطيه العافيه والله يوفقه
وصح لسانه هذا الشعر اللي يطرب له الراس

النايف

بيض الله وجهك

والله يوفقك

لا عدمناك

 

 

 

 

[معلومات العضو سعد المقابله]

بيض الله وجهك

 

 

 

 

[معلومات العضو العماني]

لاهنت اخوي النايف على ايراد القصيدة وبيض اللله وجهك والله يطول بعمر شاعرها كان حيه ويرحمه كانه متوفي

تقبل تحياتي،،

 

 

 

 

[معلومات العضو يحيى الودعاني]

تسلم أخوي النايف ، ولاهنت

وصح لسان الشاعر

 

 

 

 

[معلومات العضو النايف]

الإخوة الإعزاء

تشرف أخيكم بتشريفكم للمتصفح وهذي والله السعة المباركة .

لكم من أخيكم جل التقدير.

 

 

 

 

[معلومات العضو الفارس]

صرخة ندا ألى أهل الأفلاج سقتها === أليا أشتكت من مابهـا ينعشونهـا


صح لسانك ولسان قايلها وبيض الله وجهك على القصيده الجزله والقويه في معانيها

تحياتي لك

اخوك:

............... . الفارس . .................

 

 

 

 

[معلومات العضو فهدالمحيسن]

السلام عليكم ورحمة الله وبركاته

صح لسان القائل

قصيد جميله جداا مشكور اخي النايف ونرجوا منك المزيد

 

 

 

 

[معلومات العضو صقرالجميعةالدوسري]

ماقصرت أخوي النايف على نقل هالقصيدة المميزه.

 

 

 

 

[معلومات العضو ابن محمد الودعاني]

بيض الله وجهك ياالنايف على الجزلة وصح السان شاعرها

وتسلم يمناك على مادونت كفيت ووفيت يالغالي

لاهنت

ولك مني احر السلام