قصيدة الحفل

[معلومات العضو حسن بن بطحيه]

بسم الله توكلنا على الله السلام على الجميع ورحمة الله وبركاته هذه القصيدة التي القيتهافي حفل ملتقى الدواسر الاخيريشرفني ان اضعها بين ايديكم

يا وجيه الخير يا الاجواد يا الجمع الغفير=يا ظنا زايد وتغلب يا عزيزين المقام
يا سلام الله عليكم من كبير ومن صغير=والضيوف الحاضرة نثني عليهم بسلام
بالنيابة قلتها باسم (الوداعين) الشهير=ربعي اهل العز والطالات في يوم الزحام
لابةٍ في ذمتي ما هيب فيكم تستشير=دايم تدعم توحدكم وتدعم الالتحام
في ضيافة شيخ وابن شيوخ ومقدم سفير=(ضاري ابن حطيم ضاري) ما يحوش إلا السنام
قدمه فعله لا قيل إن الكبيرة للكبير=وإنتهض من طيب راسه وأشهد إن العود قام
قام قومة من يوردها على الجمّ الغزير=لوم عيني (يالغييثي) فيك عيني ما تلام
كيف لا (يا اهل الثمان) وفعلكم ماله نظير=الله إللي حطكم للقوم والعايل إخزام
من شمال احدودنا سدٍ كفيتونا المغير=عزوة (إبن غياث) مرهبة الجموع ولا تضام
يا الدواسر يا الكواسر يا مدلهة القصير=جعل جمعاكم على عز وطاعة واعتصام
صبحكم صبحٍ تنفس بالثنا مسك وعبير=وليلكم عسعس على مجدٍ تصادمه الغمام
يا الدواسر عيبكم واحد وربي به خبير=ما تركتوا للقبايل شي لا شرق وشام
أتركوا للقوم شي تفتخر بامره مثير=لجل محدٍ يختلس منكم الأسامي و الوسام
مدحكم لو مدحكم ينقاد بالسلك الحرير=يعتبر مدحٍ لنفسي ما بغيته يا الكرام
الشهادة لكم مجروحة ولا تخفى بصير=حيثني منكم واليكم وانتو لمثلي حزام
بس أنا ما جيت أدور ضوء وفلاش وصفير=مقصدي سامي وكسبي ما يجي فيه إقتسام
جيث وأبغى قول كلمة تقرع بوسط الضمير=و واجبي يفرض علي أقولها حسب النظام
من هنا بدعي خيار القوم من شيخ وأمير=دعوةٍ يشقى بها الطيب عساها فيها تمام
ودنا يكمل تجمعكم ويثمر كل خير=للمريض وللفقير وللأسير بكل عام
والمهور إللي طغت وش لون يقواها الفقير=من ضحاياها العنوسة والشباب أعرض وشام
التناحر والتنافر والتخاصم ما يصير=والتسامح والتواضع سيرة إرجالٍ عظام
المشاكل كوم ما يقوى يقوم بها البعير=والحلول إقبالها واجد تبي عزم همام
عالجوها وابتدوا من اليوم تقرير المصير=لا تخلون الحمل فوق الجمل ماله اخطام
لتكافل والتقدم عجلوا حث المسير=بارك الله جهد من يسعى لتحقيق المرام
الأمل فيكم كبير بقدرة الحي القدير=فكرة الموضوع مطروحة ومنكم الإهتمام
قبل ما انسى باقي شي بقوله ما يضير=ساعد اهل الحفل بالتنظيم من دون إصطدام
الوسيلة ما تبرر غايتك لو قلت غير=والتجمهر صورة ما هيب تعكس الإحترام
التجارب واضحة من يذكر الحفل الأخير=والنجاح من التجاوب حسب دقة الإلتزام
ودي إني خاسرمن غالي الغالي كثير=وانكم أنتوا فوق فوق الفوق ما فيها كلام
قلتها وجهة نظر وأرسلتها عبر الأثير=يا عسى مسك الختام يكون في مسك الختام

 

 

 

 

[معلومات العضو شافي القويسي المخاريم]

صح لسااااااانك مليار يالوحيد على القصيده

الوافيه و الرااااائعه و الجزله وانت
وافي ورائع وجزل
قصيده جميله جدا سجل اعجابي بها اخوي حسن
و بيض الله وجه ابو سعد على حسن ضيافته لاعيان و امراء و شيوخ

القبيله و هذا الشي لا يستغرب منه و يستاهل ماقلته فيه اخوي

حسن و يستاهلون الغياثات المدح


تحياااااااااااااااااتي

 

 

 

 

[معلومات العضو الحميدي الغريري]

الشاعر الكبير : حسن بن بطحيّه الودعاني صح الله لسانك ولا يكفون على هذه القصيدة الجزلة والقويّة والتي تحمل معاني وأفكار جميلة جداً ، ودائماً الإبداع مقترن بإسمك وهذا ليس بغريب عليك وبيّض الله وجهة الشيخ ضاري بن سعد على ما قام به من حفل للقبيلة وبيض الله وجه الحطمان كافة وتقبل فائق التقدير والإحترام أخوك : أبومحمــد،،

 

 

 

 

[معلومات العضو العماني]

الشاعر الكبير ابن بطحيه

صح الله لسانك وبيض الله وجهك على القصيدة الجزله والوافية وشهادتنا

فيك مجروحه دائما ً يابومحمد وصح الله لسانك يالجزل على القصيدة الجزلة

التي تحمل معاني واهداف نبيلة و التي استمتعنا بسماعها منك اثناء الحفل

والتي اشاد بها الجميع بلا استثناء وتفاعلوا معها وبالأخص الشيخ

محمد بن مناحي بن حفيظ والشيخ عبدالله المطلق عضو هيئة كبار

العلماء الذي شكروك في ساعتها على هذه القصيدةولا زلنا نسمع

الاشادة بها حتى اليوم.

تقبل تحياتي،،

 

 

 

 

[معلومات العضو الزين]

المشاركة الأصلية كتبت بواسطة حسن بن بطحيّه الودعاني

يا وجيه الخير يا الاجواد يا الجمع الغفير=يا ظنا زايد وتغلب يا عزيزين المقام
يا سلام الله عليكم من كبير ومن صغير=والضيوف الحاضرة نثني عليهم بسلام
بالنيابة قلتها باسم (الوداعين) الشهير=ربعي اهل العز والطالات في يوم الزحام
لابةٍ في ذمتي ما هيب فيكم تستشير=دايم تدعم توحدكم وتدعم الالتحام
في ضيافة شيخ وابن شيوخ ومقدم سفير=(ضاري ابن حطيم ضاري) ما يحوش إلا السنام
قدمه فعله لا قيل إن الكبيرة للكبير=وإنتهض من طيب راسه وأشهد إن العود قام
قام قومة من يوردها على الجمّ الغزير=لوم عيني (يالغييثي) فيك عيني ما تلام
كيف لا (يا اهل الثمان) وفعلكم ماله نظير=الله إللي حطكم للقوم والعايل إخزام
من شمال احدودنا سدٍ كفيتونا المغير=عزوة (إبن غياث) مرهبة الجموع ولا تضام
يا الدواسر يا الكواسر يا مدلهة القصير=جعل جمعاكم على عز وطاعة واعتصام
صبحكم صبحٍ تنفس بالثنا مسك وعبير=وليلكم عسعس على مجدٍ تصادمه الغمام
يا الدواسر عيبكم واحد وربي به خبير=ما تركتوا للقبايل شي لا شرق وشام
أتركوا للقوم شي تفتخر بامره مثير=لجل محدٍ يختلس منكم الأسامي و الوسام
مدحكم لو مدحكم ينقاد بالسلك الحرير=يعتبر مدحٍ لنفسي ما بغيته يا الكرام
الشهادة لكم مجروحة ولا تخفى بصير=حيثني منكم واليكم وانتو لمثلي حزام
بس أنا ما جيت أدور ضوء وفلاش وصفير=مقصدي سامي وكسبي ما يجي فيه إقتسام
جيث وأبغى قول كلمة تقرع بوسط الضمير=و واجبي يفرض علي أقولها حسب النظام
من هنا بدعي خيار القوم من شيخ وأمير=دعوةٍ يشقى بها الطيب عساها فيها تمام
ودنا يكمل تجمعكم ويثمر كل خير=للمريض وللفقير وللأسير بكل عام
والمهور إللي طغت وش لون يقواها الفقير=من ضحاياها العنوسة والشباب أعرض وشام
التناحر والتنافر والتخاصم ما يصير=والتسامح والتواضع سيرة إرجالٍ عظام
المشاكل كوم ما يقوى يقوم بها البعير=والحلول إقبالها واجد تبي عزم همام
عالجوها وابتدوا من اليوم تقرير المصير=لا تخلون الحمل فوق الجمل ماله اخطام
لتكافل والتقدم عجلوا حث المسير=بارك الله جهد من يسعى لتحقيق المرام
الأمل فيكم كبير بقدرة الحي القدير=فكرة الموضوع مطروحة ومنكم الإهتمام
قبل ما انسى باقي شي بقوله ما يضير=ساعد اهل الحفل بالتنظيم من دون إصطدام
الوسيلة ما تبرر غايتك لو قلت غير=والتجمهر صورة ما هيب تعكس الإحترام
التجارب واضحة من يذكر الحفل الأخير=والنجاح من التجاوب حسب دقة الإلتزام
ودي إني خاسرمن غالي الغالي كثير=وانكم أنتوا فوق فوق الفوق ما فيها كلام
قلتها وجهة نظر وأرسلتها عبر الأثير=يا عسى مسك الختام يكون في مسك الختام

صــــــــــــــــ لسانك ـــــــح وبيض الله وجهك على القصيده الجزله

من القصايد المميزه في الحفل وكل بيت فيها يستحق الاقتباس

 

 

 

 

[معلومات العضو غييثي]

بيض الله وجهك على القصيده وفكرتها

 

 

 

 

[معلومات العضو حسن بن بطحيه]

ارحب ياالمنيعي..
تشرفت بمرورك يالأصيل وهذا ليس بغريب عليك يابن عمي وشروا الطيبين امثالك
تقبل اصدق الامنيات من اخوك حسن..

 

 

 

 

[معلومات العضو بدر ابن نايف]

السلام عليكم


ارحب ياشاعر المنبر


يشهد الله انك اضفت للاحتفال جو حماسي وعلاجت فى ابياتك امور لابد من النطق فيها لافض الله فاهك


اسعدنى انى سمعت القصيده منك على المنبر واسعدنى حماسك فى القاء القصيده

انت شاعر تستحق الاشاده

صح الله السااااانك مليووووووووووووون ولا يكفون

ولاهنت على اختيار المفردات والمعانى اللى نحن بحاجه لها


الكلام كثير فى شخصك وشاعريتك الفذه

ابلغك انى احبك فى الله

وسجل اعجابي بطرحك الراقي

تقبل اصدق معانى الود والاحترام

 

 

 

 

[معلومات العضو سالم بن صمهود]

الشاعر الفذ حسن ابن بطحيه صح الله لسانك من اليوم الى يوم الدين على القصيدة الجزلة والوافيه والتي لاتستغرب من شخص مثلك يالجزل

 

 

 

 

[معلومات العضو السيف دايـم]

صح لسانك مددبلا عددد تعجز الكلمات وتتبعثر الحروف حين تحضـــر تقديري لشخصك الغالي..

 

 

 

 

[معلومات العضو حسن بن بطحيه]

الاعلامي الاخ الحميدي الغريري..
الله يبيض وجهك اسعدني مرورك الكريم وكلماتك الصادقه
لك ارق التحايا..

 

 

 

 

[معلومات العضو عامر النتيفات]

الأخ القدير والشاعر الكبير/ حسن بن بطحيه
اولا اسمح لي ان اقف مع قصيدتك وقفات تستحقا وان اعترك الشعر جانبا واتحول الى
التعليق نثرا على قصيتك وابدى رأيي المتواضع حولها:
فلله درك على هذه القصيده الشامخه ( خارطه الطريق) نعم انها ترسم الطريق الصحيح
الذي يجب ان يمشي عليه من اراد العز دنيا واخره
حسن بن بطحيه
قرأت القصيده اكثر من مره وجدتها من افضل ماقرأت مترابطه من اولها حتى اخرها
رغم انك ابتديت بالسلام ثم تمجيد ربعك الوداعين وكفو ويستاهلون ثم انتقلت الى الى صاحب الحفل وعطيته حقه وهو اهل له بعدها ابحرت في عمق البحر وستخرجت الدر روسطرتها هنا
درر بما تعني هذه الكلمه اشتملت على البعد من تمجيد ذاتك وانت اقولها بدون مجامله كلمة حق من الشعراء المميزين الجزلين الذين يشدون ويجذبون الناس الى اشعارهم
انت من اولئك الشعراء المظلومين اعلاميا
ذكرت امور تهم قبيلتك وتنفع القبايل الاخرى وجهت وحددت ووضحت تلك الامور
حسن بن بطحيه/
رغم تنقلاتك في القصيده ازدادت قوه وقبول لدى الناس
اخي / لاهنت على هذه القصيده التي كل بيت اعتبره قصيده
كثر الله من امثالك انت من القله الذين يسمون بالقصيد الى اعلي مراتبه
فصح الله السانك وشاعريتك تستحق اكثر مما قلت في هذا الرد
واشهد الله انني اكن لك التقدير والمحبه ومن المتابعين لشعرك
وتقبل سلامي وشكري وتقديري

 

 

 

 

[معلومات العضو فهد بن مبارك الودعاني]

شاعرنا المبدع أبو محمد ،، صح الله السانكـ و أعتلى شانكـ ،، قصيدة ً جزله ووافيه يالوافي لا خلا و لا عدم يالغالي ،، و هذا لا يستغرب على امثالكـ ياأبو محمد دمت لنا مبدع ،، تقبل أجزل التحيا لمقامكـ العالي ،،

 

 

 

 

[معلومات العضو حسن بن بطحيه]

المشاركة الأصلية كتبت بواسطة هايف العماني الشاعر الكبير ابن بطحيه صح الله لسانك وبيض الله وجهك على القصيدة الجزله والوافية وشهادتنا فيك مجروحه دائما ً يابومحمد وصح الله لسانك يالجزل على القصيدة الجزلة التي تحمل معاني واهداف نبيلة و التي استمتعنا بسماعها منك اثناء الحفل والتي اشاد بها الجميع بلا استثناء وتفاعلوا معها وبالأخص الشيخ محمد بن مناحي بن حفيظ والشيخ عبدالله المطلق عضو هيئة كبار العلماء الذي شكروك في ساعتها على هذه القصيدةولا زلنا نسمع الاشادة بها حتى اليوم. تقبل تحياتي،، مرحبا ياحضرة المؤسس ياخوك الحمدالله على الرجوع عن القرار الصعب واللي مثلك ماتهزهزه زوبعه بل يجاهد لأجل هذا الصرح العظيم وانت رجل بنيت هذا الصرح طبعا بمساعدت الاخوه الاعضاء المؤسسين. والاكيد ان مرورك شرف كبير لكل شاعريشارك بهذا الموقع دمت على قمة هذا الصرح والى الامام يابطل..

 

 

 

 

[معلومات العضو مطلق الحصان آل عمار]

ارحب ياشاعر المنبر


يشهد الله انك اضفت للاحتفال جو حماسي وعلاجت فى ابياتك امور لابد من النطق فيها لافض الله فاهك


اسعدنى انى سمعت القصيده منك على المنبر واسعدنى حماسك فى القاء القصيده

انت شاعر تستحق الاشاده

صح الله السااااانك مليووووووووووووون ولا يكفون

ولاهنت على اختيار المفردات والمعانى اللى نحن بحاجه لها


الكلام كثير فى شخصك وشاعريتك الفذه

ابلغك انى احبك فى الله

وسجل اعجابي بطرحك الراقي

تقبل اصدق معانى الود والاحترام

اخوك/ مطلق الحصان