مصاب بوسواس حاد

[معلومات العضو ابوفهد الودعاني]

السلام عليكم

ولله الحمد على كل حال


انا انسان مصاب بوسواس الطهاره من الدرجه الأولى

صار لي تقريباااا خمس شهور اعاني من المرض اللعين

وكل يوم يزيد علي الوسواس

ووصل لحاله ماطلع من البيت

مثااال


اتوضى وروح للصلاه بعدين اشك انوه نزل مني قطرات بول (الله يكرمكم)


تبون تقولون لي تجاهل صح؟

اصلن الغير موسوس يقول التجاهل سهل

ويفكر ان الموسوس يقدر يتجاهل


وانا اقول لالالالالا


اذى ماعدت الصلاه اجلس انهاااار

وكون طووول اليوم مهموم

وبعض الاحيان من القلق اعيد صلاه كم يوم


والله مره من المرات عدت صلاه الظهر حوالي 25

الاين ماجاني انهيااااار عصبي وتسارع في دقات القلب


والله تعبت من الحياااااه

وغسل الجنااابه

والله العظيم اني اعيدها 5 الى 7 مرات

وياليت فيه فايده اشك اشك اقول ماغستلت زين

ومادري كيف

وفكره تكون براسي تلح علي الاين مااستجيب لها

قالو المشايخ لا تلتفت للوسواس

عجزززت انا انساااان والانسااان له امكانيااات

وانا لو اقدر كان تجاااهلت

المرض النفسي اشد من الأمراض الاخرى

لانه يتعب النفسسسسس

ماخليت شيخ ماقرى علي

قريت على نفسي

لاكن بدون اي فااايده

والحين صار لي شهرين اعالج عند دكتور نفساااني


واكتب لي حبووب نوعين


نوع اكل منه 4 حبااات ونوع حبتين

قلت للدكتور ليه الجرعه زايده؟

قال الي فيك وسواس حاااد جداااااا


وانا للحين ماشفت اي نتيجه من العلاااج

حااالتي اليوميه تعيسه مره

مستحيل اصلي صلاه بدون اعااااااده

والله الوسواس بدى يقتلني


ياابنااء عمي والله اني مريض وتعبااان


ابي توقفون معاااي

والله تجيني ايااام ماقدر اصلي

تجيني اياام اوقف عند السجاده ولا اقدر اصلي

والسبب الشك في النجاااساااااات

الله يعييين

 

 

 

 

[معلومات العضو ابومبخوت الدوسري]

ابوفهد احييك على شجاعتك وطرح مشكلتك ( ولا حياء في الدين) وانا اخوك والله يعينك هذا وسواس حاد فعلا"شوف انا سمعت من دكتور نفسي ان كل انسان عنده مرض نفسي بس تختلف من كل واحد بعضها خفيف ولا يحس به الشخص نفسه بس يحسون به الل حوله والثاني قوي ويحس الأنسان بنفسه انه مريض مثل حالتك يابوفهد . وترى هذي الحاله يعاني منها الكثيرين مهوب انت بس ولاكن انا سمعت من واحد من اخوياي عنده نفس المشكله وهو بنفسه لقى الحل لا علاج نفسي ولا خرابيط الطريقه بسيطه ( إذا عزمت على الوضوء اول شي اقض حاجتك من الخلاء ، ولا توضي على طول طبعا" تطهر بالماء وانتظر نصف ساعه بعدها توض عادي ) وانشاء الله تروح منك هذي الوسوسه انت منت خسران شي جرب يمكن ترتاح وخل ايمانك بالله قوي (والدين يسر ماهو عسر ) الله يشفيك ويعافيك ولمكه يودي . اخوك / ابومبخوت

 

 

 

 

[معلومات العضو علي العبدالهادي]

اخي بوفهد الودعاني الحل انت تعرفه وهو اذا كنت تعرفل ان مايأتيك وسواس فلا تلتفت اليه ولا تجعل له قيمة واكثر من تلاوة القران والادعية الواردة من اذكار الصباح والمساء
وكن على علم فيما يتعلق بامر العبادة ان اليقين لايزول بالشك فانت اذا توضات للصلاة فانت على طهارة ولاتزول الا بيقين واعلم ان الشك الوارد بعد العبادة غير معتبر لاتلتفت اليه واكثر من الاستعاذة بالله من الشيطان الرجيم

 

 

 

 

[معلومات العضو آلأرجــٌوآنْ]

يارب يشفيك ان شاء الله

وماعليه بإذن الله مع الاصرار والتفاؤل كل شي يتغير

واعرف اخوي مافي شي يقعد على حاله

ولكن المطلوب منك ان تستغفر كثير وتقراء القرآن باستمرار ولا تستسلم

فالوسواس من الشيطان بلاشك

والله يبعد عنك كل مكروه

 

 

 

 

[معلومات العضو ابوفهد الودعاني]

المشاركة الأصلية كتبت بواسطة أبومبخوت الشكرة

جزك الله خير ياخوووي

والله حاوولت اجاهد نفسي بس ماقدرت

مشكور على النصيحه يالغلا

 

 

 

 

[معلومات العضو ابو عمر الشمري]

نسئل الله له ولنا الشفاء

 

 

 

 

[معلومات العضو عبدالكريم العماري]

أخوي أبوفهد إذا توضيت وجاك الوسواس لا تعيد الوضوء صل على طول