نشوفكم على خير

**معلومات** **العضو** · 02-07-2005, 02:12 AM

السلام عليكم ورحمة الله وبركاته ،،،

اخواني اعضاء المنتدى سوف انقطع عن منتداكم الشامخ لكثرة اشغالي اللي ما يعلم بها الا الله واخوي الغالي العماني اللي خابر مشاغلي في ادارة منتدى القبيلة الرسمي ، وانا والله يوم دريت ان الاخ الغالي العماني فتح المنتدى فزعت بنفسي صوبه مع انه ما علمني بس مانيب مخلي حقي اباكله يا في قطر عنده ولا في فرنسا وانا والله فرحت كثير بالتعرف على الوجيه الطيبة من ابناء قبيلة الدواسر العظيمة اللي ما نعدهم الا اخوانا وربعنا من مبطي ، وقلت يا ابو حمد ابغي انومس الربع بالعلوم والسوالف الغانمه اللي يستانس منها الرفيق علشان نرفع المنتدى في بدايته ، وانا والله اشوف المنتدى في تطور ولله الحمد وفي زيادة اعضاء وخاصة تعامل الاعضاء الراقي اللي وجدتها وكوكبة الاداريين الراقيين اللي احتكيت فيهم ومنهم الاخ العزيز ( نايف ) اثمن له كلامه الطيب واسلوبه ووسعة صدره ومن الاخوة بعد المراقبين ابو فهيد وتركي الودعاني وانا والله ما بخصت الربع الباقين من غير قصور فيهم ولكن هذا حد معرفتي بالربع اللي احتكيت معهم وان شاء الله مدام الطاقم الاداري بهذا المستوى فراح يكون بعون الله منتدى قبيلة الدواسر من افضل المنتديات لان مستوى اي منتدى يقاس على ادارته وكفائتها.
وانا والله راح اوفي بوعدي للاعضاء بالنسبة لموضوع موسوعة قبيلة الدواسر اللي قاعد احضرها صار لي كم يوم بس والله العظيم لكثرت مشاغلي هي اللي خلتني ما استعجل فيها ومن بكرا راح انزل بقية الاجزاء وعند فراغي منها راح اودعكم يا النشاما ونشوفكم على خير بإذن الله.

فمان الله

**معلومات** **العضو** · 02-07-2005, 04:07 AM

وعليكم السلام ورحمة الله وبركاته

الاخ العزيز ابو حمد الشامري والله انك ماقصرت وعزالله رايتك بيضا لاجتهادك معنا في الرقي بهذا الصرح والله انت اخو عزيز علينا ومن قبيله نكن لها كل التقدير ولاحترام والعجمان نعزهم من بد القبايل كلهم لانهم اخوانا وربعنا من مبطي وماقصرت علي كلامك الطيب الدال علي طيب اصلك واسمحلنا ان كان حصل منا اي زله والانسان مب معصوم من الخطاء واسال الله ان يشغلك في طاعته ويكفيك شر الدنيا ومشاغلها

لاتــــبطي علينا يابوحمد

تقبل فائق احترامي وتقديري

اخوك في الله تركي الودعاني

**معلومات** **العضو** · 02-07-2005, 01:09 PM

أبو حمد الشامري

الحقيقه أنا لاأعرفك حق المعرفه ولكن من خلال تتبعي لكتاباتك ومشاركاتك وجدت فيك التميز والأبداع والروح الجميله والأتزان في جميع المقالات وهذا ليس بغريب على الرجال الطيبة اللذي مثلك وشرواك ...

أحب أن أشكرك جزيل الشكر على مشاركاتك ومساهماتك الجميله واللتي هدفت بها رقي المنتدى للأفضل ونعتبره جميل وطيب ولو أنني لاأستغرب الطيب من هله وكما قال الشاعر الأكلبي في قصيدة له :

الطيب لاتستغربه من هل الطيب=اللي لهم في منهج الطيب خبره
أوسع على الأجوادمن فيضة شعيب=وأضوق على الأنذال من ثقب الأبره

أبو حمد : لانقول وداعاً ولكن نقول إلى الملتقى ونقول لك رافقتك السلامة في حلك وترحالك ولاتنسى حقك من أبو مبارك سواءٍ بالريال أو باليورو الأوربي

تقبل أجمل وأحسن الشكر والعرفان من أخوك دغش البطي

**معلومات** **العضو** · 02-07-2005, 04:16 PM

وعليكم السلام ورحمة الله وبركاته

اخوي العزيز ( ابوحمد الشامري ) انا شاكر لك كل الشكر والتقدير على ماسويت في هذا

بالمنتدى الكبير من قصيد وعلوم وسوالف تشرح الصدر . . . انا ماقول غير الله يردك لنا سالم غانم . . .

اتمنى من الله ان يوفقك ويحفظك من كل مكروه . . .

تقبل تحيات اخوك محمد بن عبدالعزيز . . . .

وسمحنا على القصور . . . .

نشوفك على خير . . . في امان الله . . .

**معلومات** **العضو** · 02-07-2005, 04:22 PM

ابو حمد الشامري

بيض الله وجهك دنيا وآخرة يابن الاحرار على مابذلته وستبذله

في هالمنتدى الشامخ ومعرفة اللي مثلك وانا اخوك تجارة

ماقول الا الله يستر عليك وياقاك

ونحن بأنتظارك ،،،،

**معلومات** **العضو** · 02-07-2005, 08:51 PM

يابو حمد لاتبطي على الدواسر بانتظر مواضيعك المميزه الي تنومس كل اعضاء المنتدى

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية