جديد المبدع محمد ابن فطيس

[معلومات العضو هيوفة]

ماهوب كفو الوقت حبك يمحّيه=ياللي تخاف صروف الايامتمحاه
ارتاح دام ان المواصل يقويه=انت . انت وانا . انا وقلبي هوإياه
حتى ولو بتغيب ذكراك تكفيه=ياواحدٍ تكفي عن الناس ذكراه
حُبك على رملة خفوقي مواطيه=ورياح عذلي عَنك ماتمسح خطاه
واللي يعذل القلب عن درب غاليه=يالله عسى اللي يبلا المواليف يبلاه
اخفيه يابلفيت والحال يبديه=ادناة واحد ينظر الحال يقراه
مخفيه فيه ومعتنيٍ به وحاميه=عن كل عينٍ ودها تنزل حماه
قلبٍ يحبك والهوى الذرب ماليِه=كانك مكذبني بعينك تحلاه
شرط . ان تشوفك فيه منت بحواليه=ويمكن تشوف ديار واماكن رعاه
وتشوف به تمثال والوقت هاريه=وبتشوف زرعٍ ميتٍ واقفٍ ماه
وبتشوف جرحٍ فيه سكين راعيه=راح ونسى السكين والجرح ينخاه
وبتشوف حصنٍ عجّ الاقدار سافيّه=وبتشوف باقي بيت . راعيه خلاه
لاتنزعج . هذا خفوقي وباقيه=ولاتضايق من تصّدع زواياه
قَد زلزله فرقا وهزت عراويه=والله ستر والحظ عانه وعافاه
وكانه صلح لك واعجبك . زيد تبينه=ابنه وجهزّ للمقابيل مبناه
ابغيك بس من المفارق تداريه=وازهل من يداري شعورك ويدراه
وحلل وحرّم فيه . يا أبرك بلاويه=وحله وراع رضاي ورضاك وارضاه
جعلك بعد بعض الوجيه . امحق وجيه=ناسٍ مراتعها الرفيق بتقفاه
انواع . واخطر نوع مانيب ناسيه=نوعٍ على تفريق الاثنين مسعاه
تلقاه دوم . وكل يومٍ تلاقيه=واذا بغيت الصدق ماعاد تلاقه
وإلا انت . ردك كُل مادعيك لبيه=انا اشهدٍ منتوا بفي عيني اشباه
منت بمعى العالم . ولا تقولي ليه=انت ادرى مني وفي جوابي وفـحواه
كذيه ومن الله يازين وإليه=واغلى طروش القلب ودواه من داه
الحلم ياتيني بزولك واراعيه=وفي كل حلم اقوم قبل اتحفاه
واعشق سميك في البزارين وادعيه=واقبل خطاه الا اخطا وتلقاه
واسمك يروعني اذا مرّ طاريه=واحب ملقوفٍ يسولف وطراه
وامرّ بيتك من بعيدٍ ولا اجيه=وانا لو انه في يدي ماتعداه
حتى تواير موتري تلتفت فيه=تبغي تلفّ ويستحي العقل والجاه
وصلك يخيط الصدر والبعد يفريه=ويابري حالي كان صديت برياه
ويلي على ادري حبنا ويش تاليه=وويلي على ادري وش ورى الغيب ويلاه
عشان اشوف اذا محبتك ترفيه=والله لاقفي عنك . استغفر الله

 

 

 

 

[معلومات العضو برنسيسه الريــــاض]

وصلك يخيط الصدر والبعد يفريه

ويابري حالي كان صديت برياه


صــــــــــــح لسانك ولسااان شاعرها

 

 

 

 

[معلومات العضو عبدالرحمن بن عويس]

الأخت الغالية ( هيوفة ) . . . . . . . . . سلمها الله
أهنيك من كل قلبي . على حسن أختياركم وذوقكم ...
وننتظر جديدكم ... وإلى الامام دوماً ...

 

 

 

 

[معلومات العضو سعود الهواملة]

وامرّ بيتك من بعيدٍ ولا اجيه

وانا لو انه في يدي ماتعداه

صح لسانك ولسان الشاعر محمد ابن فطيس والله يعطيك العافية على النقل ولا تحرمينا من جديدك

 

 

 

 

[معلومات العضو محمد بن سالم الخضراني]

الله الله صح لسان أبن فطيس ولاهنت ياهيوفه ع الاختيار الطيب اسمحي لي على التنسيق

 

 

 

 

[معلومات العضو طلال بندر الهاجرى]

وامرّ بيتك من بعيدٍ ولا اجيه

وانا لو انه في يدي ماتعداه

صح لسانك ولسان الشاعر محمد ابن فطيس والله يعطيك العافية على النقل ولا تحرمينا من جديدك

تقبلي مرووووري وتحياتي وتقديييييري لك

 

 

 

 

[معلومات العضو ناصر فياض الودعاني]

	المشاركة الأصلية كتبت بواسطة هيوفة الحلم ياتيني بزولك واراعيه=وفي كل حلم اقوم قبل اتحفاه واعشق سميك في البزارين وادعيه=واقبل خطاه الا اخطا وتلقاه واسمك يروعني اذا مرّ طاريه=واحب ملقوفٍ يسولف وطراه وامرّ بيتك من بعيدٍ ولا اجيه=وانا لو انه في يدي ماتعداه حتى تواير موتري تلتفت فيه=تبغي تلفّ ويستحي العقل والجاه وصلك يخيط الصدر والبعد يفريه=ويابري حالي كان صديت برياه ويلي على ادري حبنا ويش تاليه=وويلي على ادري وش ورى الغيب ويلاه عشان اشوف اذا محبتك ترفيه=والله لاقفي عنك . استغفر الله

	يعطيك العافيه هيوفه على النقل الرائع وصح الله لسان ابن فطيس لك مني كل الود