وقعـــة النقـيـره

[معلومات العضو ولد عطا]

بسم الله الرحمن الرحيم

السلام عليكم ورحمة الله وبركاته

أخـوي نايـف لك وللجميـع وقعـة النقيـره

كان هابس ابن عشوان وربعه من البرازين والعبيات والدياحين في النجيره وهي ديرتهم المجاوره لديرة العوازم نقير , وقد كان في وقت قد توقفت فيه حروب القبائل حيث ان المملكه قد توحدت تحت شرع الاسلام الذي لا يقبل اقتتال المسلمين ما بينهم , وقد قام هابس ابن عشوان بالتعدي على حلال العوازم

يوم مخلف تدين وابن عشواني ^ ياخذ البل واهلها ما حسب فيها

ولان العوازم قد قبلوا حكم ال سعود تحت شريعه الاسلام فلم يعتدوا على هابس بل رفعوا امرهم الي الملك عبدالعزيز ابن سعود

ما درى ان بلانا طير حوراني ^ صيدنا نفس ابو تركي نداريها

فقام ابن سعود بارسال الرباعي وابن سبعان ليحلوا المشكله بين الطرفين

يوم جاه الرباعي وابن سبعاني ^ قالوا البل وقال الشعل ما اديها

ولكن رفض هابس حل المشكله واصر على رايه حتى غضن امير نقير وهو الامير شويمي بن سويحان الملعبي العازمي وامر بالهجوم على هابس واصحابه في ديرتهم النجير

ويوم جانا شويمي بالخبر ثاني ^ قال برهه تراني مرخصن فيها

وهجم العوازم على هابس ومن معه من المطران وابلوا فيهم خير بلاء وقتلوا هابس ابن عشوان
وهذه هي وقعة النجيره التى انتصر فيها العوازم وقتلوا الامير هابس

وهذه هي القصيده كامله

وهي للشاعر محمد الحجي الجهراني الصابري العازمي


نحمد الله لفانا اليـوم طرشانـي ////// وهاضت الكبد من مرن لجا فيها
اندلج مع مضيق الريع جدعانـي ////// واستوت هيتن كلن حكـا فيهـا
يوم مخلف تدين وابن عشوانـي ////// ياخذ البل واهلها ما حسب فيهـا
يقتزق من لبن حلوات الالبانـي ////// ويرقد الليل مـا ثمـن قوافيهـا
ما درى ان بلانا طير حورانـي ////// صيدنا نفس ابو تركي نداريهـا
يوم جاه الرباعي وابن سبعانـي ////// قالوا البل وقال الشعل ما اديهـا
ويوم جانا شويمي بالخبر ثانـي ////// قال برهه تراني مرخصن فيهـا
يوم سمع المثارا نـار عشوانـي ////// وهرجته للرباعي ما صمل فيهـا
ثم جينـاه دولـة روم سلطانـي ////// تسعت جموع وين اللي يلاديهـا
اول الجمع ابو فالـح ورجعانـي ////// وابو فراج وشويمي مشو فيهـا
وابن حبينان في زوقات الاذهاني ////// كل ما كبرت القالـه يحاضيهـا
وطاح هابس عشا للذيب سرحاني ////// بندقن صابته لا صيب راعيهـا
بالنجيره ذبحنا طيـر حورانـي ////// واقمحي يالبويضه عقب راعيهـا
بين عايش ودهلوس الكريبانـي ////// طاح في سهلتن تذري ذواريهـا
واحمد اللي تسبب لابن عشواني ////// هيتن فوق راسه وانعثـر فيهـا
وامتلى الجو ديحانـي وبرزانـي ////// والعبيـات ذبحـنـا نوابيـهـا
يشبع الذيب والطير ابو جنحانـي ////// وهجرته لابتـي دقـوا مبانيهـا
ما بقى بالنجيره كـود نسوانـي ////// ما لقن يم جريـه مـن يوديهـا


ومن القصايد ايضا في وقعة النجيره


وهي للشاعر سعود الصقلاوي العازمي

يوم ابن عشوان باق المعازيبـي ////// ورد عبد الشيخ والحرب يسعابه
يحسبنا اهـل القراياالحواطيبـيي ////// وم مندوبـه يكـزه بمشعابـه
ياهل الجدعاتطيـع الاصاعيبـي ////// صاح هابس بينكم ما حدن جابه
نـاد ياطيـر الخليليـن للذيبـي ////// والوعد جو النجيره تعشـا بـه
جا نهارن فيه جدع الاصاويبـيي ////// صبح الشايب صبين ضحكنا به
واستهجنا بوشهـم والرعابيبـي ////// واقتفينا اللي ورى العد عزابـه
ناروا البرهان من شوفت الريبي ////// وقصرهم خلوه والبوم غنا بـه
ياعلي هابس مروي المغاليبـي ////// شيخك اللي ترثع القصر ترعا به
جا عشن لمعكفـات المخاليبـي ////// وقلبه ابن حسين نايف رمينا به
وجمعهم من جمعنا ذاب تذويبي ////// مثل غزون خمه السيل والوابـه



وقال الشاعر خشان سند الشمري ردا على الشاعر هايف بن نعيم المطيري هذه الابيات من خلال قصيده طويله ولكن هذا ما يهمنا منها


بكون نقير ثم كـون النجيـره ////// وقع شيخك ورحتـم خاسرينـا
ترى هابس حولوا فيه العـوازم ////// وراسه طاح في وسط القطينـا
نهار العيـد صبحتـوا دبشهـم ////// ولكن صـاروا هـم الرابحينـا
انت اللي تسأل مين اللي يجاوب ////// وانا رديت لـك سينـن بشينـا
كلامن ما نسجته من مزاجـي ////// ولا هو مـن حلـوم الكاذبينـا

وقال اخر:
ويوم النقيره بيد دهلوس وشصار /// اختار من بين الرجال الثمينا
هابس ولد عشوان طيرن ولا طار /// يوم النقيره ربعنا طارحينا

وهـاذي أيضـآ لـ سعـود الصقـلاوي

يا راكب اللي بالرسن طاعي *** نازح الدار يدنيه بنهاريني
مع طمان الغبو ياخذ بكنواعي *** مثل وصف الطفوق من الشياهيني
يم عبدالله اللي بالخبر شاعي *** مثل ضلعن طويلن بالمباييني
هيه يا راكبه ياللي على الساعي *** اهرج اللي جرا بين الحفيفيني
يوم جانا المطيري ماله اسناعي *** جاه علمن توديه الطراشيني
جمنا قدمهم اللي يوم ينداعي *** يحسب احسابه الاقصى والادنيني
جمعهم قدمنا حاله تمزاعي *** انشد اللي حضر ويشوف بالعيني
انشد اللي حضر ما هو بفراعي *** شاف بالعين ما يوفي اهل الديني
يشبع الذيب وعياله ليا جاعي *** من العبيات وعيال الدياحيني
يوم هابس ضرب في كبده القاعي *** وينكم عنه يا ربع العشاويني
كان تزعلك منا ذبحة الراعي *** كد ذبحنا العرافا وابن حثليني


وقال الشاعر رجا الفزير (الرجاوي )هذه القصيده



هاضني كون ياعله على العايل يعود 0=عزه النا والندامه لهابس واخوياه

وهقه كون الشنيطي يا عله مايعود =ما درى ان الله يدير الفلك ناخذ قضاه

جاهم شويمي زبون الونايا والجرود=يقهر اولهم يبي كونهم بعد الصلاه

مع صلاه الفجر حس الفشق مثل الرعود=لين اخذنا طرش هابس وملك الموت جاه

ذبحنا منهم ثمانين رجال وزود= كلبوهم من بني عم هابس واقرباه

يصبحن مطلقات طويلات الجعود =من سبايب ضربنا ياخذ العاشق هواه

ودمـتم سالميـن

 

 

 

 

[معلومات العضو نايف الخييلي]

ولد عطا


الله لايهينك . وونــعم بقبيله العوازم


مشــكور

 

 

 

 

[معلومات العضو الامع]

وبعد مقتل الشيخ هابس ردوا المطران وبقوة واليكم القصة
حضر المستفزع في الحال وهم على بن عشوان ومناحي القني

طالبين المساعده من ابن عمهم الامير هايف بن بداح الفغم الساكن

في هجرة قريه, وكان هايف جالس في مجلسه وعنده الشيخ

عبدالرحمن بن خريف المرسول من الامام عبدالعزيز لتعليم الناس

امور دينهم , وقال الفغم بعد ما سمع منهم :ياشيخ وش رايك

فيما سمعت؟ قال ابن خريف العوازم فئه باغيه الا انه يجب ان يرفع

الامر الى الامام عبدالعزيز, فقال هايف : أنا ابن بداح مذبوح هابس

وأراجع فيهم انت تعلمنا امور دينا أما هذي عندي وكان بيده فنجال

قهوه فضربه بالساريه وصاح صيحته المشهوره (ثاير يا هابس )

وامر بنفض البيرق على العوازم , فعندما علم العوازم بقدوم

الفغم رحلوا عن النقيره واستمر هايف بمطاردتهم الى ان

وجدهم على الجبجوب وهي قريبة من البحر وأخذ

بثأر هابس ابن عشوان وقتل مئات منهم نهار ثاني لما فعلوه (وحدثت هناك

امور كثيره تدل على قوة وجبروت الفغم ولكن لا يسمح المقام

بذكرها) وكان هايف قد اوكل لجفران الفغم قيادة الجيش بينما

هو يقود المعركه, وبعدها هاجر العوازم هجرة جماعية الى الكويت

وقالت النيره بنت ابن لامي


أحمد الله يوم ذبحوا بضحويه & يوم راحوا مثل عمدان الجرادي

جاهم الضيغمي يقدا السريه & مثل حر صايد وقت الهدادي

ماتعود خيلنا والشمس حيه & لين نأخذ فوقها بوش تلادي

لين ثارينا بشوق العسوجيه & هابس اللي للعدو سقم معادي

وهذه قصيده اخرى رد على القصيده السابقه لا يعرف قائلها

جاكم الضيغمي طير المراقيبي & واحمد الله شكيتوا حر مخلابه

سهجت بيتكوا ورحتوا جناديبي & والمثاري بهابس عالق نابه


وقال غنيم بن بطاح العبيوي

فودك اللي فدت ماغنى بشيره & ثاربه هايف وقرمين العيالي

مع غباب الكون صبحكم ثويره & مثورن حرصن على ذبح الرجالي

جوك علوى كنهم زمل الجزيره & واصل اللي تقطع السرح الموالي

والضياغم كان شب الحرب كيره & مرخصت يوم اللقا ماكان غالي

ياخشير الذيخ جيت لنا حجيره & لا تمدى للجنوب ولا الشمالي

كل يوم وحن ندير بك البصيره & لايجي قلبك من الهاجوس خالي

جمعكم مع جو خوازن منيره & وصيهد الجبجوب فيه الدم سالي

كم هنوف خربوا ربعي حجيره & عقب نومه بالسقايف والظلالي

مع هايف يجدع النمرا الضريره & والعدو ياطاه وطيه لنعالي




ويقول فالح بن دابس الديحاني


كنت يالعازمي وأصبحت ندماني & ماتهنيت بأقسوم تلاديها

جدك اللي ذخرلك صر ميلاني & كسروها مطير وشرعوا فيها

غير هابس طلع لك هابس ثاني & غب كونك وقومك مرثع فيها

 

 

 

 

[معلومات العضو عبدالله أبن مصلح]

اخوى الامع / مرحبا بك فى منتدى الدواسر

ومعلومات قيمه تشكر عليها

وياليت تعطينا سالفة ( الجبجوب ) كامله

 

 

 

 

[معلومات العضو ولد عطا]

مرحبـآ بك أخي الامـع


بعد انتصار العوازم غادر جيش العوازم المكان اي النقيره ولم يبقى منهم الاالقليل منهم وتقديرهم اقل من خمس جيش العوازم بعد ان هد موا النقيرة
وهربت نساء هابس الى الشيخ هايف الفغم في هجره قريه تستفزعه وفزع رحمه الله واغارعلى المتبقين من العوازم وكسرهم في موقع اسمه الجبجوب بعد ان غادرت قوات العوازم المكان

لـم يكونـو العـوازم كلهـم بـل خمـس الجيـش من جيش العـوازم فمـا بالك لـو جيـش العـوازم كـله

وعـلى قـولك أن الفغم هجـر العـوازم ألا الكويـت واللـه ماحنـى عارفيـن كذبكم مـره الدويـش هجـر العـوازم ومـره الفغـم

الـعوازم من قبـل ثلاث ميـة سنـه بـ الكويـت ولا الدويـش ولا الفغـم يهجـر العـوازم ألا الكويـت

وأذهـب ألا النجيـره وأنظـر من فيهـا ساكنيـن

تكلـم بـ عقـل يـ خـوي

 

 

 

 

[معلومات العضو ولد عطا]

هو يقود المعركه, وبعدها هاجر العوازم هجرة جماعية الى الكويت

ههههههههههههههههههههههههههههههههههههه

يـ خـوي شلـون هجرهـم ومن عقبـها صـارت معركـة نقيـر ومعركـة رضـى يـ خـوي وربـي الكـذب واضـح لو أنك تجيـب قصـايد

ضحكتنـي واللـه يطوفـك من الكـذاب أشيأء واجـد

 

 

 

 

[معلومات العضو الامع]

المشاركة الأصلية كتبت بواسطة ولد عطا

هو يقود المعركه, وبعدها هاجر العوازم هجرة جماعية الى الكويت

ههههههههههههههههههههههههههههههههههههه

يـ خـوي شلـون هجرهـم ومن عقبـها صـارت معركـة نقيـر ومعركـة رضـى يـ خـوي وربـي الكـذب واضـح لو أنك تجيـب قصـايد

ضحكتنـي واللـه يطوفـك من الكـذاب أشيأء واجـد

هدي من روعك شوي اخوي ويجب ان تقيس الامور اولا

يوم ذبحتوا هابس لم يكن معه الا احد عشر شخصا وهو كان قد سكن في النقيرة وقد قام ببناء مسجد

ثانيا تقول لم يكن من العوازم الا فئات قلية في الجبجوب ؟؟ ياللهوووول وهذا النصب بعينة ؟؟
ومعروفة سالفة الجبجوب ياعازمي وماودنا نتكلم فيها ؟ لانها تاريخ ماضي وانتهى وقتلاكم ذاك اليوم قدروا بالعشرات .

لكن قولتك من هجر العوازم للكويت فهم اكيد مطير ومافيها اي شك وهذا معروف عند جميع القبايل فبعد معركة الدويش وفزعتكم انتهاء بكم المطاف الا جاء الفغم وكمل الباقي


ثالثا | قتلكم لهابس ابن عشوان اقمتو الدنيا ولم تقعدوها وكانه انتصار للعوازم مابعدة انتصار فالقبائل تتحارب ويقتل منهم شيوخ وفرسان وهذا شي طبيعي في السابق . فلماذا هذا التضخيم وكل سالفة عازمي يذكر هابس وسوينا وسوينا . زالفغم بثاني يوم عافسكم عفس حتى قيل والله اعلم بان بعض رجال العوازم اضطر الى ليس العباية والشيلة خوفا من القتل .

 

 

 

 

[معلومات العضو الجعيد العتيبي]

اخواني الأعضاء السلام عليكم ورحمة الله وبركاته

مشكورين على هذا الموضوع التاريخي المهم وهذه المناقشة الجميلة

بس عندي استفسار:

الأخ العازمي انت تقول ان الفغم اغار على خمس العوازم فقط اذا اين كان بقية العوازم لأن الفغم غزا العوازم بعد قتل الشيخ هابس بفتره قصيره

وتقبلوا تحياتي,,,,,,

 

 

 

 

[معلومات العضو ولد عطا]

ذبحنا منهم ثمانين رجال وزود= كلبوهم من بني عم هابس واقرباه

.................................................


مابقـى بـ النجيـره كـود نسـوانـي .. مالقـن يم جريـه من يوديهـا

ويـن عشـر رياجيـل يـ خـوي أنت أتمخطـر بـ الـرد

رد على سـؤالي شلـون هجـر العـوازم هجـره جماعيـه وبعـد معركة النجيـره حدثـت معركـة نقيـر ومعركة رضـى يـ خـوي واللـه الجاهـل يـدري أن العـوازم منتصرين
..

هـلا أخـوي العتيـبي

باقـي الجيـش بـ نقيـر والفغم غزه النجيـره الي كـان فيهـا خمـس الجيـش

لو صـدق الي سـواه الفغـم لـيه العـوازم للحيـن بـ النجيـره وبـ نقيـر .؟

الي كسـر العـوازم ماهـو عجـزان يـرد ديـرة هابـس يـ الامـع

حـدث العاقـل بـ مـا يعقـل

 

 

 

 

[معلومات العضو الامع]

المشاركة الأصلية كتبت بواسطة ولد عطا

ذبحنا منهم ثمانين رجال وزود= كلبوهم من بني عم هابس واقرباه

.................................................


مابقـى بـ النجيـره كـود نسـوانـي .. مالقـن يم جريـه من يوديهـا

ويـن عشـر رياجيـل يـ خـوي أنت أتمخطـر بـ الـرد

رد على سـؤالي شلـون هجـر العـوازم هجـره جماعيـه وبعـد معركة النجيـره حدثـت معركـة نقيـر ومعركة رضـى يـ خـوي واللـه الجاهـل يـدري أن العـوازم منتصرين
..

هـلا أخـوي العتيـبي

باقـي الجيـش بـ نقيـر والفغم غزه النجيـره الي كـان فيهـا خمـس الجيـش

لو صـدق الي سـواه الفغـم لـيه العـوازم للحيـن بـ النجيـره وبـ نقيـر .؟

الي كسـر العـوازم ماهـو عجـزان يـرد ديـرة هابـس يـ الامـع

حـدث العاقـل بـ مـا يعقـل

الحين يالعازمي كلن يمدح نفسة

وانت تقول جيش العوازم الخمس كانك حاضر عاد مطير حاضرين كلهم وين الدويش وين البصيص وين بني عبدالله وين وين وين اعدد والا اسكت طبعا ماحضروا المعركة يعني اللي وراكم الويل واقتل رجالكم هم فخذ الفغم ومن معة من مطير وهم الصهبة .


واليك انت لماذا تركز على النقيرة وتنكر الجبجوب ؟؟ طبعا حنا قلنا انهزمنا بالنقيرة وقلتو هابس لكن جاء الثار بثاني يوم

سؤالي لماذا هرب العوازم عن النقيرة يوم دروا عن غزو الفغم ؟؟ هنا ثبت بان العوازم لم ولن يكون ندا لمطير والا لماذا هربوا وتمت مطارتهم حتى تم اللحاق بهم عند الجبجوب ومن ثم حصلت المعركة اللتي لن تنسوها طالما يذكر اسم الفغم

فياولد عطا اذكر لي مناخات للعوازم سواء مع مطير او مع قبائل ثانية عشان نقدر نقول انكم مانتم سهلين

 

 

 

 

[معلومات العضو ولد عطا]

أنـزيـن أنـت علامـك تتهـرب من السـؤال

يأبـن الحـلأال رد على أسألـتي ولا تقعـد تـلف ودور

أنـت قلت أن الفغـم هجـر العـوازم هجـره جماعيـه ألا الكويـت

كيـف يهجرهـم ومن بعـد معركـة النجيـره أتت معركـة رضـى ومعركـة نقيـر لا تقعـد تلف ودور

الفغـم هـزم خمـس جيـش العـوازم وذهـب ولو قاعـد بـ النجيـره كان لحـق هابـس

رد على السـؤال وبلا لـف ودوران

ماعرفنـا لكم مـره الفغـم هجـر العـوازم ومـره الدويـش هجـر العـوازم

 

 

 

 

[معلومات العضو مبارك الدموخ]

كلام العازمي 100% وانا سامعه من كبار السن وابن ابصيص قتلوه العوازم وهو يدعى براعي البويضه وحتي كتب فيها قصيده منها

واقمحي يالبويضه عقب راعيها

لا تحضرني القصيده
وباقي من العوازم جزء البريكات ومن معهم وهجم الفغم عليهم وهزمهم ولكن ليس الجيش كله مع ان العوازم قبيله معروفه بشجاعتها وتشهد لها حروب كثيره ونعم في مطير ونعم في اولاد عطا

 

 

 

 

[معلومات العضو مصيول]

وووالله ونعم بمطير والعوازم ..

وكل القبايل فيها حقها !!

 

 

 

 

[معلومات العضو فيصل بن جزاء]

والنعم بمطير حمران النواظر ونعم بالعوازم اولاد عطا

ونتمنى مواصلة الحوار الهادف لكي يستفيد الجميع

لكم خالص الاحترام

 

 

 

 

[معلومات العضو الامع]

المشاركة الأصلية كتبت بواسطة ولد عطا

أنـزيـن أنـت علامـك تتهـرب من السـؤال

يأبـن الحـلأال رد على أسألـتي ولا تقعـد تـلف ودور

أنـت قلت أن الفغـم هجـر العـوازم هجـره جماعيـه ألا الكويـت

كيـف يهجرهـم ومن بعـد معركـة النجيـره أتت معركـة رضـى ومعركـة نقيـر لا تقعـد تلف ودور

الفغـم هـزم خمـس جيـش العـوازم وذهـب ولو قاعـد بـ النجيـره كان لحـق هابـس

رد على السـؤال وبلا لـف ودوران

ماعرفنـا لكم مـره الفغـم هجـر العـوازم ومـره الدويـش هجـر العـوازم

شوف يالعازمي اذا لك تاريخ فماهو على حساب مطير هذا اولا
فمطير لم تكتب التاريخ بل المولفين والوثائق السياسية اللتي ليس لك منها نصيب
لكن قولك من هجر العوازم هذا شي معروف عند جميع القبائل وخاصة قبائل نجد ان سبب هجرتكم للكويت بعد معركة الجبجوب الشهيرة اللتي لن ينساها اي عازمي ومعروف ويش سويتو ويش لبستو ذااك اليوم ( ماودي اجرح احد ) وكم اتقتل منكم .
ولو كنتم فعلا قد المواجهة ماهربتوا من النقيرة وذهبتم الى الجبجوب اللذي كان فيه حتفكم . فليش انت زعلان ياطويل العمر فالتاريخ لايزعل احد وكل قبيلة فيها حقها من رجالها والطيب كايد

وفي الختام
اقول على مهلك يالعازمي وانا اخوك ولاتزعل من الهزيمة فمطير انهزمت كثير وانتصرت كثير ومعروفة مطير حاربت اغلب القائل العربية . لكن انتم يالعوازم اذكر القابئل اللتي تحاربتم معاها حتى نقول لمن التكافؤ ولمن القوة .