دواســـــــر بالحرب يهدون الأعمـــار

**معلومات** **العضو** · 13-05-2010, 11:58 PM

سبحان من واعد هل الكفر بالنار = وأهل التقى بالمغفره والستيره
من شي المزون اللي بها ديم الامطار = نرجي عطا جوده ومده وخيره
مجري على وجه الوطا فيض الانهار = والعبد يعرف وش نهائة مصيره
نطلبه منجهاج السعاده والابرار = وقولاً على وضح النقا نستنيره
ونهجا على درب الصحابه والانصار = ولعل ماقلناه خير وخيره
ماينجرف فكري مع كل تيار = ياخذ مفيده ويتجاهل كثيره
ابافتخر بفعول ربعي هل الكار = قولٍ على برهان ماقلت غيره
هب النسيم وعانقه نفـح الازهـار=والفكر عانق فيـه نشـوة عبيـره
الشعر بحـرٍ يسبحـه كـل بيطـار=ولاكـل سبـاح يـعـدي غـزيـره
لاقالو الشعار فـي بـدع الاشعـار=اقطف ثمر مالاق واسخـر عسيـره
مالي عن الميقـاف صـده ومعـذار=في مدح طلقيـن الوجيـه السفيـره
اهل الفخروالمجد وافيـن الاشبـار=قوماً لهم في صفحـة العـز سيـره
دواسر بالحـرب يهـدون الاعمـار=لاولعت في الحـرب نـار السعيـره
اثقل على البيدا من جبـال سنجـار=خيالهـم يركـى الجمـوع الغفيـره
ايمانهم تـروي عطـش كـل بتـار=داوت عما عمي البصر والبصيـره
ويوم البيارق رفرفت والدخن ثار = والجمع يرسي والمنايا مغيره
وردو حياض الموت بعزوم وصرار= ماخاب من رب البرايا نصيره
وغشا العدامه رايب الدم وغبار =وصارت على الجمع المعادي كسيره
من دون زين الغرس حلوات الاثمار=شلف تقدم للمعادي بريره
ماسورت دون الطماميـع باسـوار=اسوارها حدب السيـوف الشطيـره
يصرم ثمرها لالفـا الـدار خطـار=وتشرب قـراح مايغثـرب حفيـره
الضيف يلقى عندنا بن وبهار = وحيل تقدم بالصحون الكبيره
ومن مثلنا يمن وياسم عصى الجـار=لاحدتـه سـود الليالـي نجـيـره
ندي وفاة الجار من طيحـه جـدار=سـلـمٍ تغنـوبـه رواة الجـزيـره
ونوفي حقوق الجار في السر وجهار=ونذبح ولدنا لجـل موتـه غريـره
ومن دون حلوات اللبن حسك الاوبار=نمـراً بمفتـوق القنـا والذخيـره
ياما حميناها على قب الامهار = بمصقل ترعب شباته جفيره
ترعى الطرف ماهالها روع الاخطار=حتى العـدو ماقـد شعاهـا نذيـره
يازينها لافرعـت عقـب مصفـار=وبطا من العد المسمى صديره
واقبل ولاد القاحها والبر طار =عن كل نابية الفقار الظهيره
شرقي جبال طويق ويمين ايسار = شرد الجوازي من طرفها تذيره
تلقى لها في كل دارٍ لها دار = تتبع حيا نوٍ جذبها بشيره
لا لاح برقٍ في دجا لليل سمار =وفي غب براقه شعاها غثيره
في شفها من دون تحديـد وحيـار=ترعى ثمر نبتـه وتطـرق غديـره
وصغيرنا ينشا على شبة النار = تبقى العظايم في عيونه صغيره
مهما كتبنا من تواريخ واخبار = يصبح قليل في زحول جزيره
في نجد سدنا كل الانحا والاقطار = وحفظ لنا التاريخ شمس منيره

**معلومات** **العضو** · 14-05-2010, 12:38 AM

كفو كفو كفو يابوفهد

وصح لساااانك الى ماله مدا يالشاعر الجزل والمبدع

والله يبيض وجهك على القصيده الشامخه بشموخ من قيلة فيهم

مبدع وابداعك يرقى ويتجدد يوم ورا يوم يالذيب وانا اشهد انها تشفعلك ونص.

سعدت وتشرفت بمروري بهذه الشامخه واللي ترفع الراس

والله يوفقك يابوفهد وتاخذ لقب شاعر الوطن

تحياااااتي واحتراااامي ..

**معلومات** **العضو** · 14-05-2010, 12:45 AM

سلمت يافارس ولا هنت طال عمرك ولا عليك زود والله يكتب اللي فيه الخير للجميع مرورك وتعليقك شرف بحد ذاته لا اخلا ولا اعدم

**معلومات** **العضو** · 14-05-2010, 12:55 AM

ارحب ياشاعر الوطن وصح لسانك ملايين قصيدة جزلة من رجال جزل وشهادتي فيك مجروحة

**معلومات** **العضو** · 14-05-2010, 01:18 AM

ابوفهد
ارحب ترحيبة غالي بغاليه
صح لسانك واعتلى شانك يابحـــــــر
عروس من الطراز الفريد...وليس غريب على ابوفهد هذا السبك والحبك الطاغي
تقبل مني الاعجاب والتقدير

**معلومات** **العضو** · 14-05-2010, 01:29 AM

صح لسانك يأبو فهد عزالله أنها قصيده جزله من شاعر جزل

ومن طول الغيبات جاب الغنايم ..

شاعر عذب ومستوى راقي فأنتقا المفرده ...

تقبل مروري ولا فظ فوك ...

**معلومات** **العضو** · 14-05-2010, 02:03 AM

ابو فهد

صح لسانك ولاهنت يالقرم قصيده اكثر من رائعه

وشهاتي فيك مجروحه والدواسر يستاهلون المدح والثناء

تقديري ,,,

**معلومات** **العضو** · 14-05-2010, 10:16 PM

اقتباس:المشاركة الأصلية كتبت بواسطة شافي النتيفاتارحب ياشاعر الوطن وصح لسانك ملايين قصيدة جزلة من رجال جزل وشهادتي فيك مجروحة

صح الله بدنك وبك البقى يالقرم وتشرفت بمرورك وتعليقك الرائع الله يحفظك

**معلومات** **العضو** · 14-05-2010, 10:19 PM

صح لسانك واعتلى شاانك

**معلومات** **العضو** · 15-05-2010, 01:50 PM

صح لسانك على القصيده الجزله يابو فهد

وقصيده فوق الجزله وفوق الابداع

وبيض الله وجهك عليها

**معلومات** **العضو** · 15-05-2010, 07:24 PM

ماسورت دون الطماميـع باسـوار=اسوارها حدب السيـوف الشطيـره
يصرم ثمرها لالفـا الـدار خطـار=وتشرب قـراح مايغثـرب حفيـره
ومن مثلنا يمن وياسم عصى الجـار=لاحدتـه سـود الليالـي نجـيـره
الله الله
صح الله لسانك يابوفهد
ملاااااااااااااااااااييييييييييييييييييييين ولاهم بكافيييييييييييييييييين

**معلومات** **العضو** · 17-05-2010, 05:21 AM

مالي عن الميقـاف صـده ومعـذار
في مدح طلقيـن الوجيـه السفيـره

اهـل الفخروالمجد وافيـن الاشبـار
قوماً لهم في صفحـة العـز سيـره

دواسر" بالحـرب يهـدون الاعمـار
لاولعت في الحـرب نـار السعيـره

اثقل على البيدا من جبـال سنجـار
خيالهـم يركـى الجمـوع المغيـره

ايمانهم تـروي عطـش كـل بتـار
داوت عـما عمي البصر والبصيـره
*******

صح الله لسااااااااانك ليييييين ترضى
وااافي جعلك حي وغني يا بوفهد
جزالة وفكر ونهل ابداااع ماشاءالله عليك
الممدوحين يستحقون ماقلت بأمر الله
وأنت والنعم فيك وبربعك اخووي عبدالله
اسعدني مروري المتواضع تقبله لاهنت..

**معلومات** **العضو** · 17-05-2010, 09:42 AM

صح السانك اخوي عبدالله وكفووو والله الجزل

**معلومات** **العضو** · 17-05-2010, 12:47 PM

صح لسانك واعتلى شاانك

والله يبيض وجهك على القصيده

تحياااااتي واحتراااامي ..

**معلومات** **العضو** · 17-05-2010, 02:40 PM

اقتباس:المشاركة الأصلية كتبت بواسطة شافي النتيفاتارحب ياشاعر الوطن وصح لسانك ملايين قصيدة جزلة من رجال جزل وشهادتي فيك مجروحة

ارحب طال عمرك شرفني مرورك وتعليقك يالقرم وصح الله بدنك

الذين يشاهدون محتوى الموضوع الآن : 2 ( الأعضاء 0 والزوار 2)

		منتديات صحيفة وادي الدواسر الالكترونية