مـن أول جـوي نسانيـس وغيـوم = واليـوم تلفحنـي من القيـض لفحــات

[معلومات العضو ولد عطا]

السـلام عليـكم ورحمـة اللـه وبركـاته

السمـوحه على هـ الغيبـه

ظـروف مايعلـم بـها ألا ربـي

وماحبيـت أدش وأيـدي فاضيـه فـ كتبـت قصيـده أتمنـا أنتـال أجابـكم

ولا تقصرون برايـكم

من طـاري الاحبـاب حايـر ومهمـوم = يـاويـل قلبـي لاتذكـرت مـافـات
ضايـق ومبطـي ماستلـذيـت بـ الـنـوم = أنـام ساعه ورتكـي خمس ساعـات
أهـات وجـروح وهواجيـس وحلـوم = ودمـوع مع ونـات ودمـوع بسكـات
من واحـدن ماعادلـي فيـه معـلـوم = تطـري علي ذكـراه فـي كل الاوقـات
غـرون سلبـنـي مثل مايسلـب القـوم = سيطـر علـى حـراس قلبـي بغـارات
عينـه كمـا عيـن أشقـرن شـاف ويـزوم = بينـه وبيـن طلـوع عينـه مسافـات
إمـن أول جـوي نسانيـس وغيـوم = واليـوم تلفحنـي من القيـض لفحــات
يومـه معـي والخـد قفعـه وقيصـوم = واليـوم كـن العشـب من فرقـته مــات
بينـي وبينـه عهـد ماثـوق وعلـوم = لـه شوفـتن فيـنـي ولـي فيـه شـوفـات
أخـذت أنا ويـاه خمسـة عشـر يـوم = لاكنهـن عنـدي سنيـنن طويـلات
ماعـاد تنفـع كثـرت الهـرج واللــوم = لو أتحسـف ماتفيـد الحسافـات
مالـي جـدا ألا أقـول حظـي ومقسـوم =والعبـد مالـه عـن قضـى اللـه صــدات

وسـلامتـكم . أخـوكم فـهـد الـعازمـي

وأتمنـا من المشاهـد أن يدلـي بـرأيـه

 

 

 

 

[معلومات العضو متعب بن ناصر]

صح اللسانك واعتلا شانك


صهيبي

 

 

 

 

[معلومات العضو احمد شوعي]

الله الله الله

صح لسانك واعتلى شانك ياولد عطا

جزله ومن راس جزل ووافيه من وافي

لا هنت يالقرم

 

 

 

 

[معلومات العضو راشد المسعري]

مالي جدا ألا أقول حظي ومقسوم=والعبد ماله عن قضى الله صدات


ارحب ياولد عطا ، حيه وحي ماجاب ، ما ابطا من جاء ، وسلمت على هذه الجزلة وفي انتظار مثيلاتها

ولك مني أجمل الود والتقدير ،،،

 

 

 

 

[معلومات العضو ولد عطا]

صـح اللـه أبـدانـكم وأعتلـى شانـكم

ولاهنتـم عـ المـرور وعسـاكم عـ القـوه

ردودكـم عـن ألـف رد

تقبلـو أحتـرامي وتقديـري

فـهـد

 

 

 

 

[معلومات العضو العماني]

اخوي فهد العازمي

من طول الغيبات جاب الغنايم

صح الله لسانك لين ترضى على القصيدة الطيبه من راس طيب شرواك

وسجل اعجابي بما تكتب

ونرجوا ما تقاطعنا مره اخرى

تقبل تحياتي،،

 

 

 

 

[معلومات العضو أبونواف الدوسري]

صح لسانك واعتلى شانك ياولد عطا

جزله ومن راس جزل ووافيه من وافي

لا هنت يالقرم

 

 

 

 

[معلومات العضو سلطان بن دخيل الله]

صح لسانك واعتلى شانك ياولد عطا

جزله ومن راس جزل ووافيه من وافي

لا هنت يالقرم

 

 

 

 

[معلومات العضو ابن مطوع الودعاني]

صح لسانك وبصراحة أعجبتني . وذكرتني غالي راح ...

 

 

 

 

[معلومات العضو فيصل بن جزاء]

الشاعر فهد العازمي ولد عطا لاهنت وبيض الله وجهك على قصيدتك الجزله

قصيده رائعه وتستحق القراءه اكثر من مره

تقبل خالص التقدير والاحترام

 

 

 

 

[معلومات العضو أحمد الغاطي]

طيبه من طيب

صح لسانك ولاهنت

 

 

 

 

[معلومات العضو سالم بن صمهود]

الشاعر فهد العازمي ولد عطا لاهنت وبيض الله وجهك على قصيدتك الجزله

قصيده رائعه وتستحق القراءه

تقبل خالص التقدير والاحترام