(مدغم أبو شيبه) يهاجم شاعر المليون بعد خروجه!

**معلومات** **العضو** · 22-12-2007, 01:02 AM

قصيدة قرأتها للشاعر/ مدغم أبوشيبه بعد أن غاب اسمه مع كثير من الشعراء المعروفين عن القائمة النهائية لشاعر المليون لأسباب غير مقنعة لكثير من جمهور الشعر.. ولكن تبقى المسألة رهن قناعات وسياسة معينة إرتأتها هيئة أبوظبي:

ياقصيدي وانت حملك مثل حمل السلاح=من صناعات الفض النزاع مطوره
خلق وجهك من حجا ضلع واشراقة صباح=دم تجمد في وريده ودم تفوره
من خلالك لي على الكون منفذ وانفتاح=ارسم احلامي على واقعه واصوره
الحصون اللي عليها منصات الكفاح=انشد اكبرهم من اللي بناه وسوره
سقت ذودك للمفالي وقاد من المراح=واعترض في دربها نابحه ومخوره
النجاح يشيل جرحه من اعداء النجاح=والمثاليه تعاني من المتهوره
والفتاوي تختلف شي حرام وشي مباح=وشي لو تقنع به العقل مايتصوره
نستمع لله اكبر وحيّ للفلاح=المساجد عامره والقلوب منوره
وندري ان ماكل مذن بلال بن رباح=لو يقول الشمس حمره والارض مدوره
المهول لو خدعنا وخذنا بالصياح=واشتكى من رجله اللي مهيب تعوره
حيلة ما تمشى الا على الناس الصحاح=احبكتها عالم مهوله ومجوره
والطيور اللي تهاوى بمخلاب وجناح=لا تعشى صيدها واحد مادوره
مايحصل راحة البال واطلاق السراح=من تورطله بخمسة صكوك مزوره
فرد حمزه حسب تقرير دايرة السلاح=فيه واحد غير حمزه هو اللي ثوره

**معلومات** **العضو** · 22-12-2007, 01:12 AM

الله الله

من جد استغرب ابعاد الشاعر مدغم ابو شيبه

صح الله لسااااانه وبيض الله وجهه

ولاهنت يالمسعري وسلمت يمينك

وتقبل خالص ودي

**معلومات** **العضو** · 22-12-2007, 01:14 AM

أخي العزيز راشد المسعري

لا هنت علي هذه القصيده للشاعر مدغم أبو شيبه

الحياة أمامه طويله الله يوفقه فيها بأذنه تعالي

تقبل تقديري وأحترامي

**معلومات** **العضو** · 22-12-2007, 01:32 AM

والله تحطيم للشعار اللي مثل مدغم المفروض انهم مايخاطرون بسمعتهم امام الجمهور وامام لجنه فيها شعار اقل مستوى شعري منهم

لاهنت ياراشد المسعري على نقل القصيده وصح لسان الشاعر مدغم

**معلومات** **العضو** · 22-12-2007, 02:52 AM

( مدغم ابو شيبه )

شارك او لم يشارك في برنامج شاعر المليوون فهو لن يتغير مكانته وشاعريته بين جمهوره وأحبائه فهو شاعر لاينتظر رأي لجنة التحكيم مع احترامي

ووفقك الله الشاعر ( مدغم ابو شيبه ) وصح الله لسانك

اخوووي / راشد المسعري

لاهنت على النقل وسلمت يمينك

:: تنــــــاهيد ::

**معلومات** **العضو** · 22-12-2007, 01:46 PM

صح الله لسان الشاعر الكبير دغم ابوشيبه ، وفعلا استبعاده ظلم لجمهور الشعر ومتذوقينه

لاهنت يابومحسن

تقبل تحياتي،،

**معلومات** **العضو** · 22-12-2007, 02:44 PM

صح لسانه ..

مدغم أبوشيبه شاعر ذكي بأنتقاء أفكاره وقوة مفرداته ومعانيه وهو غني

عن التعريف ولن يهتز مستواه ومكانته الشعريه لدى جمهوره .. وأتصور

لوكانت قصيدته هذي مكان قصيدته الأخيره بشاعر المليون لأوجدت له مكاناً بين

الشعراء المائه لكن قصيدته الأخيره بشاعر المليون هي من أجبرت

اللجنه على أستبعاده كونها ليست على مستوى قصائد بقية الشعراء

المتنافسين ولايخفى أن معيار التقييم مستوى القصائد المتنافسه

وليست شهرة شعرائها والشهره بأمكان أي شاعر أو حتى شويعر

أن يصل لها طالما أن معه وقت للركض وراء الأعلام والترزّز .. أو وجود

معارف له بالمجلات الشعبيه والصفحات الشعبيه بالجرائد اليوميه لخدمته

وأبرازه ..

**معلومات** **العضو** · 22-12-2007, 03:05 PM

وندري ان ماكل مذن بـلال بـن ربـاح =لو يقول الشمس حمره والارض مـدوره
المهول لـو خدعنـا وخذنـا بالصيـاح =واشتكى من رجله اللـي مهيـب تعـوره
حيلة ما تمشى الا على الناس الصحـاح =احبكتهـا عالـم مهـولـه ومـجـوره
والطيور اللي تهاوى بمخـلاب وجنـاح =لا تعشـى صيدهـا واحــد مــادوره
مايحصل راحة البـال واطـلاق السـراح =من تورطلـه بخمسـة صكـوك مـزوره
فرد حمزه حسب تقريـر دايـرة السـلاح =فيه واحد غير حمـزه هـو اللـي ثـوره

صح لسان الشاعر مدغم ......وتسلم يمينك ياالمسعري علي النقل الطيب

وخروجــــــــــه لاي سبب كان مايقلل من شاعريتـــــــه ...

**معلومات** **العضو** · 22-12-2007, 04:58 PM

لاهنت ياراشد المسعري وصح لسان الشاعر مدغم ابوشيبه

وخروجه مايقلل من شاعريته وصراحه اللجنه اختارت شعراء

اقل من الشاعر مدغم ابوشيبه الدعوى فيها واسطات واكيد

على كلام شاعر تم قبوله يقول انه كلم واحد من اعضاء اللجنه

وتمزهل له وتم استبعاد شعراء كبار وقصايدهم جزله وقبول

شعراء توهم طالعين وبعظهم قصيدته اقل من العاديه وياكثرهم

**معلومات** **العضو** · 22-12-2007, 08:36 PM

فرد حمزه حسب تقرير دايـرة السـلاح=فيه واحد غير حمزه هـو اللـي ثـوره

عندما رأيت مدغم ابو شيبه في شاعر المليون

قلت انه سيكون هناك منافسه قويه

حيث هناك شعراء كبار لهم وزن وثقل

وخصوصا اني كنت وضعت في حسباني متابعت " مدغم بو شيبه - وناصر الفراعنه -

ناصر دهيم - ونايف بن مسرع "

واخر شي اتوقعه هو خروج احد هؤلاء الاربعه وانت كنت ارى خروج ناصر هو الاقرب

بسبب كلاماته الغير مفهومه في كثير من قصائده ولكنه من فحول الشعراء

الا ان خروج مدغم بو شيبه ونايف بن مسرع

هو (( ؟ )) اللذي يطرح هو مصداقيه اللجنه هل للجنه التنظيميه دور ام

هيئه التحكيم تستخدم اسلوب الدس والخدع والواسطه !

اضن ان الاتهام يدور حول هذين العنصرين

أخوك / ابو زيد

**معلومات** **العضو** · 23-12-2007, 09:11 AM

الاخ راشد المسعري لاهنت

وصح لسان الشاعر العملاق مدغم ابو شيبه الذي لايختلف عليه اثنين ..

ولكن استبعاده من شاعر المليون2 ؟؟؟؟؟

(( شي من لاشي ))

لذالك انتظروا الطامه الكبرى... عما قريب !

تقبل تحياتي

**معلومات** **العضو** · 19-01-2008, 08:53 PM

تبون الصراحه يالربع ترو مدغم مقدي لاهنت راعي الخبر

**معلومات** **العضو** · 22-01-2008, 05:38 AM

صح السسان الشاعر

ولاهنت على هذا النقل الرائع

وان شاء الله ما ترحمنا من اي جديد

دمت بكل خير

تقبل مروري

**معلومات** **العضو** · 22-01-2008, 08:12 AM

اخوي راشد المسعري اتحفتنا في القصيده

تقبل تحياتي

ولد ودعان

**معلومات** **العضو** · 23-01-2008, 01:29 PM

صح السسان الشاعر

ولاهنت على هذا النقل الرائع

وان شاء الله ما ترحمنا من اي جديد

دمت بكل خير

تقبل مروري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شاعر المليون وحامل بيرق الشاعر المحبوب/ محمد بن فطيس المري	ماعاش من يذلني	:: قسم الـشعر العــام ::	4	31-12-2010 01:41 PM
مسيره الشاعر سلطان المسعري قبل واثناء وبعد شاعر المليون	سـ ع ـد	قسم الصوتيات والمرئيات لقصائد شعراء قبيلة الدواسر	3	14-12-2010 03:39 PM
لقاء الشاعر محمد بن باني . بعد مسابق شاعر الوطن	غازي المسعري	:: قسم أخبــار الشـعر والشـعراء ::	9	22-08-2010 05:26 PM
في أول تقرير من نوعه , شعراء المليون يكشفون واقع حياتهم قبل وبعد البرنامج ..	سـ ع ـد	:: قسم أخبــار الشـعر والشـعراء ::	2	22-06-2010 09:42 PM

الذين يشاهدون محتوى الموضوع الآن : 2 ( الأعضاء 0 والزوار 2)

		منتديات صحيفة وادي الدواسر الالكترونية