بنت كانت تطالع واحد بعين قوية!!‎

**معلومات** **العضو** · 20-10-2009, 06:42 PM

قصة بنت كانت تطالع

واحد بعين قويه

المهم الرجال طلع شاعر

وما قصر كتب فيها كم بيت عشان تتأدب

لكن المفاجأه هي ؟؟؟؟
وش صار؟؟

تابع القصيدة للاخير

يقول:

كل شبر بهالوسيعـه ملـك ربـي تعلميـن
وأعلم إن اللي خلقني هو خلق لـك هالعيـون

لكن انتي من جلستي وانتـي فينـي تحدقيـن
كن ما به ناس غيري بهالكراسـي يجلسـون

لو سمحتي عاد أسمعي وحتى لو ما تسمحيـن
المهـم اللـي بقولـه تسمعينـه و يسمعـون

ع الأقل ليا نظرتك سـوي روحـك تستحيـن
غضي طرفك مثل غيرك خوف ربعي يلمحون

الركادة عاد زينة والحياء فـي البنـت زيـن
وفيـك جآزم لا ركـادة ولا حيـاءٍ يـذكـرون

تعرفينـي ؟! أعرفـك ؟! ماأذكـر إنــا ملتقـيـن
لا أعرفك من تكوني و لا تعرفي مـن أكـون

وإطمأني إن كان قصدك بس فينـي تشبهيـن
ما هـو أنـا إلي تعرفيـه والبشـر يتشابهـون

مـا دريتـي من التشابـه يخلـق الله أربعيـن
وأعرف أربع يشبهنك بـس والله يستحـون

وإن كان قصدك شي ثاني عاد قولي وش تبين
خايف إنا نصير فرجة وإللي ماشتروا يتفرجـون

وإذا ببالك عاجبتنـي لا يحوشـك تحلميـن
صح ربعي من جمالك فيـك صـار يمدحـون

بس وش لي في حلاتك دام فيهـا ترخصيـن
حشمة البنـت وحياهـا والكرامـة يلفتـون

ولو توفر فيك هـذا مـع حلاتـك تبشريـن
ما هو أنا ألف غيري بـاب بيتـك يطرقـون

وش علامك رغم كل اللي أقولـه وتسكتيـن
مو طبيعي هالسكوت وهالبـرود وهالسكـون

إنتـي خرسـا أسألـك ولا منتي تسمعيـن؟؟
قالوا ربعي ذي كفيفـة قلـت لا لا تمزحـون

لين شفتك يوم رحتـي يمسكونـك باليديـن
ما دريت إلا عيونـي أربـع أربـع يذرفـون

آه ياني منه مشهـد يـوم شفتـك ترحليـن
جيت اشوف عيون ربعي لقيت الكـل يدمعـون

يالكفيفة يالعفيفـة إن قلـت آسـف تقبليـن؟؟
يغفر الله ذنوب عبده ليا خطا وهـل تغفـرون؟؟؟؟

**معلومات** **العضو** · 20-10-2009, 06:53 PM

لاهنت يامتعب على نقل القصة والقصيدة بس عز الله طاحت بيد شاعرن ماهوب بسيط ههههههههههههههههههههههه

تحياتي

**معلومات** **العضو** · 20-10-2009, 07:30 PM

مشكور يامتعب على القصه والقصيده الرائعه تحياتي لك

**معلومات** **العضو** · 20-10-2009, 07:48 PM

والله النهايه مؤثره ،، يا شين اللي يستعجل في الحكم على الآخرين ،، قصهـ وقصيده

رائـــــــــعهـ يعطيك العااافيه على نقلهاااا ......

**معلومات** **العضو** · 20-10-2009, 10:16 PM

لاهنت يامتعب على النقل تحياتي ....

**معلومات** **العضو** · 20-10-2009, 10:19 PM

مشكور يامتعب على القصه والقصيده الرائعه .........

**معلومات** **العضو** · 20-10-2009, 10:23 PM

بيض الله وجهك يا متعب

و لاهنت على هذا النقل الجميل

**معلومات** **العضو** · 21-10-2009, 12:14 AM

شكراً كتير كتير

شاعر وصح ألسانك و قاص متمكن

كل التحية والتقدير
Thanks Kteer Kteer

Access Olsank poet and storyteller versed

All praise and appreciation